Lankɛnimayɛ 16:14 - ALLALA KUMƐ

¹⁴ Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (

Lankɛnimayɛ 16:14 ပူးပေါင်းရင်းမြစ်များ

1 Mansɛnu 22:6

Wo le ya a ma, Mansa Ehabu ya ala nɛbi mɔgɔ kɛmɛ nani nyɔgɔn sufa kele ka wonu manyinika, a ko, “N ni ta Ramɔti kɛnu kɛlɛ, ka, n ka ta?” Nɛbi wonu ko, “Ta anu kɛlɛ. Mari si a ma, i ni nɔ-ko sɔrɔn anu ma.”

Isikiyɛli 14:9

“Ni nɛbi do ya foninya-kumɛ fɔ, nde, Mari le ya a yanfa wo la. Nde nyɛrɛ-nyɛrɛ si nɛbi wo wurun Isirɛla mɔgɛnu tɛma.

Matiyu 24:14

ado Allala mansaya-kibara-nyimɛ kɛ kawandilɛ si bɔ duninya kan-tinɛ bɛɛ rɔ alako a ni ma sereyɛ la mɔgɛ bɛɛ ye. Nba, ala ban si ke worɔ.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Maraka 13:22

ado minnu ya anu nyɛrɛ mayira iko Alla le ya anu sɔ, wonu si bɔ gbɛ rɔ. Donu si anu nyɛrɛ ma nɛbinu na fanan. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Luka 2:1

Kun-tigi-ba Ɔgasita min bi Romu nyamanɛ kun na, wo wati rɔ, a ya tɔn sigi ko ala nyamanita-mɔgɛ bɛɛ tɔgɛ ni sɛbɛ.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Romu 1:8

A dabira fɔlɔtɛ, n bi baraka birala n Fa Alla ye wo damala ko la Yisa Kirasiti tɔgɔ rɔ bawo duninya bɛɛ ye wola dɛnkɛninya-koe lamɔɛnna.

2 Tɛsalonaika 2:9

“Kirasiti-yogo-finma-wɛ” wo si na Setanɛta sɛnbɛ rɔ ka foninya-tamaserenu anubɛ foninya-kabana-ko-su-bɛɛ kɛ.

1 Timoti 4:1

Allata Ni-Sɛnimɛ ya a gbɛ ko wati-laban kɛ kɔrɔ, mɔgɛ donu si dɛnkɛninyɛ boloka. Anu si foninya-karan bira min bi bɔla nyinɛnuna karan rɔ.

Yemesi 3:15

Hɛnkili-su wo ma yigi ka bɔ Arinyɛni tɔ. Hadama-danta kɛ-nya-yogomɛ anubɛ duninyatɛ le wo la. Setanɛ bolo-gbɛ le wo la,

Yasowa 11:5

Mansɛ wo dama ya anu daga makɛ Mɛrɔm yi dafɛ Isirɛla mɔgɛnu faga-koe la.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:3

Sogo-feremɛ wo kun kelan manɛ iko a ara tanban boloko-yogomɛ le kɛ nun kɔnɔ a tanban tinɛ wo ara kɛndɛya. Duninya-mɔgɛ bɛɛ kawara ka bila sogo-feremɛ wo fɛ.

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”

Lankɛnimayɛ 16:7

Wo kɔma, n ya kuman-kan lamɔɛn bɔla saraka-bɔ-tinɛ wara la. A ko, “Mari Alla, Sɛnbɛ Bɛɛ Tigi, i ye kiti tɛgɛla telenbagayɛ anubɛ tonyɛ le la, yɔ!”

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 20:8

Sibole minnu nyɛnsɛnnɛ duninya kan bɛɛ rɔ, a si ta ka wonu yanfa, Kɔgi anubɛ Megogi nyamanɛnu, kɔni. Setanɛ si na wonu dama la ka anu nadɛn kɛlɛ-kɛ-koe la. Anu siya iko kɔgɔ-yi-kɛnkɛn siya nya min.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 6:17

ado anuna diminya-tele-wɛ ara ke. Yon si to a niyi la wulɔn?”