Lankɛnimayɛ 16:11 - ALLALA KUMƐ

¹¹ Anu ya Alla danka Arinyɛni tɔ anuna dumɛ anubɛ anuna tɛlɛ wonuna ko la. Kɔnɔ hali wo, anu ma fara anu kɛ-nya-yogomɛnu na.

Lankɛnimayɛ 16:11 ပူးပေါင်းရင်းမြစ်များ

2 Ko-Kɔrɔta-Karan 28:22

Tɔrɔyɛ fafara Mansa Ehasi kuma tumɛ min, wo ya a ma, a ya hakɛ kɛ Mari la ka a dan-natenbi.

2 Ko-Kɔrɔta-Karan 36:23

Min sɛbɛnɛ kɛdi rɔ a ko, “Nde, Pasiya Mansa Sairasi kuman-kan le kɛ la. Arinyɛnitɔ Mari Alla, wo le wara n ma mansɛ la ka duninya mumɛ bɛɛ mara. A ara a Bato-Bɔn sɔ-ko-wɔlɛ di n ma Yerusalɛm soe burɔ Yuda nyamanɛ rɔ. Woletɔ ni Allata mɔgɛ ye ile min na, i ni sɛgi i kɔma ita nyamanɛ rɔ. Min ba sɛgi, alamɛ wota Mari Alla taranta a fɛ.”

Ɛsira 1:2

Min sanɛ kɛdi wo rɔ a ko, “Nde, Pasiya Mansa Sairasita tɔn le kɛ la. Mari, Arinyɛnɛ Alla, kɔni, wo le wara n ma mansɛ la duninya kun na. A ara n sɔ ata Bato-Bon-sɔɛ la Yerusalɛm soe burɔ Yuda nyamanɛ rɔ.

Ɛsira 6:10

Wo ni anu madɛnbɛ alako anu ni ke sarakɛnu bɔla San-Kole-Alla ye minnu si a hɛnɛ. Wo kɔma, anu si Alla matara alako mabɛ nna den-keinu ni simayɛ sɔrɔn.

Ɛsira 7:12

“Nde, Pasiya Mansa Atasakasi le wara kɛdi kɛ sɛbɛ Saraka-Masɔla Ɛsira ma, San-Kole-Allata tɔn-karan-mɔgɛ, kɔni.

Ɛsira 7:21

“N bara a fɔ nyamani-fen-namaralɛ bɛɛ ye minnu bi Yufereti bɛ tele-yigi wara la ko anu ni ile Saraka-Masɔla Ɛsira makoe bɛɛ nyinya, ile min ya San-Kole-Allata tɔn lɔn, kɔni.

Ɛsira 7:23

San-Kole-Alla nyinita fenfen ma a Bato-Bɔnla ko la, i si wo makele fen-namaralɛnu bolo. Ni wo ya wo ma, tumado Alla ti kɔrɔtɔ mabɛ nna dannu ma minnu si ma mansɛ la n gbɛ rɔ.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 2:4

Mansɛ ya n manyinika, a ko, “I ye nyinina nfen ma wo rɔ n bolo?” N ya Arinyɛni-Tigi-Alla matara.

Yaburi 136:26

Ma ni baraka bira Alla ye, Arinyɛnɛ Mansɛ, kɔni. Ala keninteyɛ dan sa.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

2 Timoti 3:13

Kɔnɔ mɔgɔ-yogomɛnu anubɛ yanfantenu si to yogoyala dɛɛ ha anu ni donu yanfa, ado anu bara anu nyɛrɛ fɔlɔn yanfa.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 16:2

Melika fɔlɔtɛ tara ata pani-kunbɛ rawuya dugu-kole kuma. Sogo-feremɛla mandan ye minnu ma anubɛ minnu ya ala muninyɛ bato, tɛlɛ-yogomɛnu bɔra wonu ma minnu dumara kati!

Lankɛnimayɛ 16:21

Banda-kolo-wa-belebelenu bɔra san-kole rɔ ka bui mɔgɛnu ma. Wo kelen-kelennamɛ-bɛɛla gbiliyɛ si ma iko yi kalɔn segan. Mɔgɛ wonu ya Alla danka banda-kolo-fitinɛ wola ko la. Wo gbɛlɛyara anu kuma kati!

Lankɛnimayɛ 16:9

Tele-wuyan wo ya mɔgɛnu mintan. Sarati ye Alla min bolo fitinɛ kɛnu kuma, mɔgɛ kɛnu ya ale Alla tɔgɛ rasɛ. Kɔnɔ anu ma anu kɛ-nyanu yɛlɛma ka Alla tanto ala gbiliyɛla ko la.

Lankɛnimayɛ 2:21

N bara wati di a ma alako a ni a kɛ-nya yɛlɛma kɔnɔ a sa a fɛ, a ni fara ala yɛlɛnyɛ la.