Lankɛnimayɛ 15:8 - ALLALA KUMƐ

⁸ Allata gbiliyɛ anubɛ ata sɛnbɛ ya a Bato-Bɔn lafa ta-sisi la. Mɔgɔ-wo-mɔgɔ ti ke donna a Bato-Bɔn wo la ha melika wɔrɔnfilɛta fitina wɔrɔnfilɛ da ni fa.

Lankɛnimayɛ 15:8 ပူးပေါင်းရင်းမြစ်များ

Yaburi 29:9

A kuman-kan si kɔlɔma-tagbɛlɛ-wɛnu namaga. A si kɔlɔma-yanbɛnu sagan a la. Kɛnu tenbi mala wati min, wo si a taran, mɔgɛnu bi a lawɔyɔla Bato-Bɔn la. Anu bi a fɔla ko, “Gbiliyɛ ni di Alla ma.”

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Aiseya 6:4

Nima-fan wonu kuli ye Bato-Bon-kuruka-tinɛ layɛrɛyɛrɛnna. Bato-Bɔn wo burɛ lafanɛ ta-sisi la.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Nimisa Koe 3:44

A manɛ iko mala madiyalɛ sa tenbila tarɛ min tɔ.

Saraka-Masɔlɛnuta Tɔnnu 16:2

Wo kɔma, Mari ya a fɔ Musa ye ko, “A fɔ i kɔrɔ Aruna ye ko a kana ta yorolan kɔma Sɛnima-Sɛnima-Tinɛ rɔ bawo nyɔ ta-wati latɛgɛnɛ de a bolo. A kana to tala nyɔ tuma-wo-tuma. Nde, Mari si bɔ gbɛ rɔ banda-fin-gbɛ rɔ nyɔ tɔn-kenkirɛ da-latogɔn kuma. Kɔnɔ ni i kɔrɔ ma nna kumɛ kɛ bɛɛ bira, ale fanan si faga.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

2 Tɛsalonaika 1:9

Anu si habadan-tɔrɔyɛ sɔrɔn. Anu ti gbɛrɛn Mari anubɛ ala gbiliya-makawanɛ ma.

Lankɛnimayɛ 15:1

Wo kɔma, n ya kabana-ko-makawani-gbɛrɛ yen Arinyɛni tɔ. Melika wɔrɔnfila ye nyɔ anubɛ anuna fitina wɔrɔnfilɛ. Fitina laban le wonu na bawo Allala diminyɛ da si fa wonu denu na.

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.