Lankɛnimayɛ 15:5 - ALLALA KUMƐ

⁵ Wo kɔma, n ya Alla-Bato-Bɔn dɛ lakanɛ yen Arinyɛni tɔ. Allata Fani-Bɔn ye nyɔ rɔ.

Lankɛnimayɛ 15:5 ပူးပေါင်းရင်းမြစ်များ

Bɔ-Koe-Iyipiti 25:21

N bi nala kuru-walan filɛ minnu dila ile Musa ma, i si wonu sa kenkirɛ wo burɔ ka kenkirɛ wo da latogon anu ma.”

Bɔ-Koe-Iyipiti 38:21

Fan minnu mara Marita Fani-Bɔn sɔ-fannu na, wonu yatɛ le wonu na. Musa ya a fɔ Lifayi bɔnsɔn-mɔgɛnu ye ko wonu ni fan kɛnu yatɛ sɛbɛ. Arunala den-kei Itamarayi, wo mara sɛbɛli-kɛlɛnu kunyɛ la.

Yilan-Yilan Koe 1:50

bawo wo si nta Fani-Bɔn-wɔlɛ di anu ma. Anu si nyɔ-miran bɛɛ kandan minnu bi nta Fani-Bɔn burɔ anubɛ minnu bi kata burɔ. Isirɛla mɔgɛnu tenbi tala kan-bo-kan, anuta wɔlɛ le wo la ka nta bɔn wo maduni. Anu si nta Fani-Bɔn wayan ka ta a sɔ tun. Ni Isirɛla mɔgɔ-wo-mɔgɔ ya a gbɛrɛn nta Fani-Bɔn wo ma, ni Lifayi mɔgɔ ma min na, wo si wo tigi faga serr! Lifayi mɔgɛnu denu dɔrɔn si anu daga makɛ nna bɔnla foolɛ rɔ.

Yilan-Yilan Koe 1:53

Kɔnɔ Lifayi mɔgɛnu ni sigi nna Fani-Bɔnla minɛ rɔ ka a kandan woletɔ mɔgɔ-wo-mɔgɔ ti a gbɛrɛn wo ma. Ni wo ma, nna diminyɛ si taran Isirɛla mɔgɛ bɛɛ kuma.”

Matiyu 27:51

Nba, yorolan min dunnɛ Alla-Bato-Bɔn tɛma, wo farata fila la ka a dabira a kuma ha a kɔrɔ. Dugi yɛrɛyɛrɛnta ha kurinu tatiira.

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

Lankɛnimayɛ 13:6

A wulita Alla dankala ka a tɔgɔ tinya. Wo kɔma, Alla mayiginɛ kan min, a ya nyɔ danka. Min sanɛ wo kuma fanan, min bɛɛ siginɛ Arinyɛni tɔ, a ya wonu fanan danka.