Lankɛnimayɛ 15:4 - ALLALA KUMƐ

⁴ Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 15:4 ပူးပေါင်းရင်းမြစ်များ

Yaburi 105:7

Mata Mari le ale Alla la. Sɛnbɛ ye ale le bolo duninya kɛ rɔ.

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Yaburi 22:23

N si to a fɔla anu ye ko, “Wole Marita wɔli-kɛlɛnu, wo ni to a tantola. Wole Yakoba kegeyɛnu, wo ni Mari gbiliya.

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 22:3

Kɔnɔ hali wo, ile le mansa-sɛnimɛ la Isirɛla kun na. A bɛnta ile le ni tanto.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Yaburi 97:8

Yerusalɛm kɛnu bara sewa, ado Yuda nyamanita-mɔgɛnu bara nyagalen ka a tɛgɛ Mari ara anu yogenuna kiti fɔ nya min.

Yaburi 99:5

Tantolɛ ni di mata Mari Alla ma. Wo ni a bato ala mansaya-waganɛ yakɔrɔ bawo a sɛninyani de!

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Aiseya 24:15

Minnu bi tele-bɔɛ wara la, wonu si a tanto. Minnu siginɛ kɔgɔ-yi dafɛ, wonu si Isirɛlata Mari Alla matɔgɔ.

Aiseya 25:3

Nyamani-makawanɛ-mɔgɛnu si i matɔgɔ. Hali karagbɛlɛnu siginɛ soe minnu tɔ, wonu si kilan i la.

Aiseya 26:9

A la wa fin, i sɔgɛ si n tabɔ dɔgɔma-ma-de! Banda wa ka, a ni ma iko ma ni taran ma nyɔgɔn fɛ. Ni ile ya duninya-mɔgɛ bɛɛ kiti, anu si a lɔn telenbagayɛ ye nya min.

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Aiseya 60:5

I wa anu namatoe yen, i si to yɛlɛnna muriyɛ, sewɛ bolo. I si to i dɔnna sewɛ bolo. Sibole min tenbi nala bɔla i wara, wonu si na i sanbala fen-kolomɛnu na.

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Habakuku 1:12

Mari, kebi fɔlɔ, Alla le ile la, ado ndeta Alla-sɛnimɛ le ile la, Habadan Alla, kɔni. Ile ye ma lakananna kɔnɔ yaga, i wara Babilɔn kɛnu fanka don alako anu ni ma tɔrɔ.

Sakaraya 14:16

Sibolo-gbɛrɛ-toe minnu bi tola anu niyi la, san-bo-san, wonu si ta Yerusalɛm Mari Sɛnbɛ-Bɛɛ-Tigi bato-tinɛ ka a gbiliya iko mansɛ. Anu si Lele-Sɔɛ-Ladɛn kɛ anu nyɔgɔn fɛ.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Romu 15:9

A ya wo ma fanan alako sibolo-gbɛrɛnu ni Alla tanto ala kinikinɛla ko la. Iko a sɛbɛnɛ kitabu kan tinɛ donu tɔ nya min ko, “E, Alla, n si i matɔgɔ sibolo-gbɛrɛnu yala. N bi tantoli-bɛti bɔla i ye.”

1 Pita 1:16

ado a sɛbɛnɛ Allala kitabu rɔ ko, “Wo ni sɛninya bawo nde sɛnima.”

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 14:7

A ya a fɔ a kulu-mayɛlɛnɛ la ko, “Wo ni kilan Alla la ka a tanto ata gbiliyɛla ko la dɛɛ, ado mɔgɛnu-kiti-wati ara ke a bolo. Nba, wo ni wo nyɛnkin Alla kɔrɔ ka a bato. Wo ni ale Alla tanto, min ya san-kole anubɛ dugu-kole anubɛ kɔgɔ-yi anubɛ tenke bɛɛ dan!”

Lankɛnimayɛ 16:5

Melika min bi kun-tigiyɛ kɛla yinu kun na, n ya wo kuman-kan lamɔɛn. A ko, “E, ile min bi kaka, ile min bi nyɔ kebi fɔlɔ, i sɛnima. I wara kiti minnu tɛgɛ, anu telenta!

Lankɛnimayɛ 16:7

Wo kɔma, n ya kuman-kan lamɔɛn bɔla saraka-bɔ-tinɛ wara la. A ko, “Mari Alla, Sɛnbɛ Bɛɛ Tigi, i ye kiti tɛgɛla telenbagayɛ anubɛ tonyɛ le la, yɔ!”

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Lankɛnimayɛ 19:8

Mɔgɛnu sɔnta ko kɔɛn-kurɛ ni a nyɛrɛ fɛrɛya bɔ linɛn-kura-hakika-sɛninyanɛ la.” (Linɛn-kura-nyimɛ wo, Allata mɔgɛnuna kɛwɔli-nyimɛ-misalɛ le wo la.)

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”

1 Samuwɛli 2:2

“Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.