Lankɛnimayɛ 14:7 - ALLALA KUMƐ

⁷ A ya a fɔ a kulu-mayɛlɛnɛ la ko, “Wo ni kilan Alla la ka a tanto ata gbiliyɛla ko la dɛɛ, ado mɔgɛnu-kiti-wati ara ke a bolo. Nba, wo ni wo nyɛnkin Alla kɔrɔ ka a bato. Wo ni ale Alla tanto, min ya san-kole anubɛ dugu-kole anubɛ kɔgɔ-yi anubɛ tenke bɛɛ dan!”

Lankɛnimayɛ 14:7 ပူးပေါင်းရင်းမြစ်များ

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yaburi 115:15

Mari min ya san-kole anubɛ dugu-kole dan, alamɛ ata duwɛ tora yigila wo kuma.

Yaburi 124:8

Mari min ya san-kole anubɛ dugu-kole dan, wo le ye ma dɛnbɛna.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Yaburi 36:1

Kumɛ do ye n yisi rɔ ka a tɛgɛ mɔgɔ-yogenuna wunduyogoyɛ ma. A si a ban Alla la. Kilan sa a rɔ Alla wara la muk!

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Yaburi 95:5

A ya kɔgɔ-yi min nadan, a ye wo kun na. A ya dugu-kole min nadan, a ye wo fanan kun na.

Bɔ-Koe-Iyipiti 20:11

Nde, Mari le ya san-kole dan anubɛ dugu-kole anubɛ kɔgɔ-yi anubɛ fan min bɛɛsi ye duninya rɔ. N ya wo bɛɛ dan tele wɔrɔ le kɔrɔ ka n sulen a tele wɔrɔnfila nyɔgɛ ma. Woletɔ nde, Mari ya nta duwɛ to a tele wɔrɔnfila nyɔgɛ ma ka a ma tele-sɛnimɛ la.

Aiseya 40:3

Mɔgɛ do gbele-gbelen kan ye bɔla, a ko, “Wo ni kilɛ rabɛn Mari ye wula-da-rakolɔn rɔ. Wo ni tagama-kilɛ bɛɛ matelen mata Alla ye.

Aiseya 40:6

Mɔgɛ do gbele-gbelen kan ye bɔla ko, “Nna kilayɛ lake!” N ya nyinikalɛ kɛ, n ko, “N bi nfen kilaya sufa lakela?” A fɔ ko, “Hadama-dan bɛɛ mani de dɔrɔn iko kalɛ. Anu ti mɛ iko kala-fere ti mɛ nya min.

Aiseya 40:9

Yerusalɛmta ko-mayonnɛ, i ni ta kibara-nyimɛ lake kɔnkɔ-layan-bɛ kuma! I ni i kan labɔ ka kibara-nyimɛ wara-koe lawanka. I ka kilan a mayonna. A fɔ soe bɛɛ rɔ Yuda nyamanɛ rɔ ko anuta Alla ye nala!

Aiseya 42:12

Mɔgɛ min bɛɛsi ye yi-tɛma-duginu tɔ, wo ni Mari gbiliya ka a matɔgɔ.

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Isikiyɛli 7:2

“Ile hadama-dan, nde, wo Tigi Mari Alla ye nala min fɔla Isirɛla mɔgɛnu ye, wo le kɛ la. Isirɛla nyamanɛ mumɛ lato-wati ara ke.

Isikiyɛli 7:6

A ara ban. Woletɛ ara ban. Kuma sa wole ma tun.

Daniyɛli 8:19

A ko, “Allata diminya-wati ye nala a labanna nya min, n bi nala wo le fɔla i ye kɛ la. Alla ara wati min natɛgɛ watila ban wara-koe rɔ, ko-rayirɛ kɛ kolomɛ le wo wara-koe la.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Malakayi 2:2

A ko fɔ wo ni a gbiliya wola ko-ladan-bolenu fɛ. Ni wo ma ata kumɛ bira, a si wo danka. A ko hali wo ye wo nilɛ minnu sɔrɔnna sarakɛ wonu tɔ, a si wo bɛɛ danka. Ado nfan, a ara ban wo bɛɛsi dankala gbuyɛ bawo wo ma ala tɔn bira wo sɛbɛ la.

Matiyu 25:13

Yisa ko, “Nba, wo ni wo yɛ lakalan bawo wo ma n na-tele anubɛ a wati lɔn.

Luka 17:18

Nfenna anu dama ma sɛgi ka baraka bira Alla ye? Fɔ sundan kɛ dɔrɔn, wo le nara?”

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Yasowa 7:19

Yasowa ya a fɔ Ekan ye ko, “Nna dan, i ni tonyɛ fɔ Isirɛlata Mari Alla ye kaka ka i sɔ i hakɛ la. I ya min ma, wo fɔ n ye kaka. I kana ko-wo-ko dogon n ma.”

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 16:9

Tele-wuyan wo ya mɔgɛnu mintan. Sarati ye Alla min bolo fitinɛ kɛnu kuma, mɔgɛ kɛnu ya ale Alla tɔgɛ rasɛ. Kɔnɔ anu ma anu kɛ-nyanu yɛlɛma ka Alla tanto ala gbiliyɛla ko la.

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”

Lankɛnimayɛ 18:17

A ara bɔnɔ ala nɔnfuli wo bɛɛ rɔ hawa kelen pe kɔrɔ!” Kulun-kun-tigi bɛɛ anubɛ kulun-tasigilɛ bɛɛ anubɛ kulun-tawɔli-kɛlɛnu anubɛ min bɛɛ ye anu beli-fan sɔrɔnna kɔgɔ-yi rɔ, wo bɛɛ ya a masɛgi ale soe wo la pon!

Lankɛnimayɛ 18:19

Anu ya gbangban kɛ anu kunyɛ rɔ yisi-tinya bolo. Anu gbele-gbelenta di-kɛ-tinɛ ko, “E, gbalo! Gbalo ye so-karantan wo kuma! Soe le nun. Kulun-tigi min bɛɛ ye kɔgɔ-yi kuma, anu bara ma nɔnfulu-tiginu na ala nɔnfuli rɔ! Kɔnɔ a ara bɔnɔ fan wo bɛɛ rɔ hawa kelen pe kɔrɔ!”

Lankɛnimayɛ 19:5

Wo kɔma, kuman-kan bɔra mansaya-sigi-fan wo rɔ. A ko, “Mata Allata wɔli-kɛlɛ bɛɛ ni a tanto anubɛ mɔgɛ bɛɛ minnu kilannɛ a la, a dɔgɔma wo, a kinama wo!”

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”

Lankɛnimayɛ 4:9

Dali-fen nani wonu bi tola bonyɛ anubɛ gbiliyɛ anubɛ baraka-birɛ bɔla a ye tumɛ bɛɛ, ale min mayiginɛ mansaya-sigi-fan rɔ, kɔni. A nimayanɛ nyɔ habadan! Anu tenbi wo mala,

Lankɛnimayɛ 8:10

Wo kɔma, melika sawa nyɔgɛ ya ata buri fɛ. Lolo-wɛ buira ka bɔ san-kole rɔ. Tɛ sigira wo la iko kala-mɛlan. Bɛnu anubɛ tenke bɛɛ faranɛ sigi tina sawa la, lole wo buira wati min, a buira wonu sigi tina kelan kuma.