Lankɛnimayɛ 14:6 - ALLALA KUMƐ

⁶ Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.

Lankɛnimayɛ 14:6 ပူးပေါင်းရင်းမြစ်များ

Ko-Dabirɛnu 1:6

Wo kɔma Alla ko, “Yi ni fara anu nyɔgɔn na. Do ni to san ma, do ni to dugu ma alako gbɛ ni taran yinu tɛma.” Yi farata anu nyɔgɔn na. Do tora san ma, do tora dugu ma. Gbɛ taranta yi wonu tɛma iko a ya a fɔ nya min.

2 Samuwɛli 23:5

“Alla ara ata duwɛ layigi n kegeyɛnu kuma ka le. A ya habadan-lanyiri kiri n ye. A ya a kiri gben, alako a ma kana na yɛlɛma. N bi nyinina lanyiri wo le dɔrɔn ma. Ni a ya wo latɔnbagaya n ye, wo si nɔlɛ di n ma, ado Alla si wo ma serr!

Yaburi 119:142

Ila telenbagayɛ si to burubukai! Tonyɛ le ila tɔn la dɛɛ!

Yaburi 139:24

N gbɛngbɛn, i ni a lɔn ni karagbɛlɛyɛ ye n tɔ. Kila-bɛrɛbɛrɛ yira n na min bi tala Arinyɛni tɔ!

Yaburi 145:13

Habadan-koe le ila mansayɛ la, ado ila mansayɛ si to nyɔ tolon! Mari si ata lanyiri bɛɛ latɔnbagaya. A si koe bɛɛ ladan kinikinɛ le tɔ.

Aiseya 40:8

Ɔnde, binyɛ la si fɔsɔ, kɔn-fere si bɔ a su la kɔnɔ mata Allata kumɛ si to a gbɛ rɔ tolon!”

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 51:8

bawo wonu bara-koe ye nala kala-a-la iko kisinu ba kurɛ dɔn. Kɔnɔ a ko ata lakisi-koe si to nyɔ habadan! Ata nimayɛ si to nyɔ burubukai!

Aiseya 6:2

Nima-fen-kanbannamɛnu sɔnɛ ala foolɛ rɔ. Kanban wɔrɔ-wɔrɔ le anu dama ma. Anu yakɔrɛ yamatogonnɛ kanban fila la, anu fɛrɛ yamatogonnɛ fila la, anu si anu gban filɛ la.

Isikiyɛli 1:14

Nima-fan wonu bi ta-ni-sɛgi kɛla sololo, iko san-nyin-masɔgɛ.

Daniyɛli 4:1

Mansa Nɛbukanasa ya kilayɛnu nata sibole bɛɛ ma ala nyamanɛ rɔ. A duwara anu ye. A ko, “N bara wo dama kɔndɔn. Alamɛ wo damasi sabatira.

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Matiyu 10:27

N bi min fɔla wo ye pinpi rɔ, wo ni wo fɔ tun waan rɔ. Wo ara min namɔɛn n bolo dogɔn rɔ, wo ni wo fɔ gbɛ rɔ bɛɛ yala.

Maraka 16:15

A ya a fɔ anu ye ko, “Wo ta duninya kan tinɛ bɛɛ rɔ ka kibara-nyimɛ lake mɔgɛ bɛɛ ma.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

1 Pita 1:25

Kɔnɔ Allala kumɛ tonɛ habadan!” Ado nfan, kibara-nyimɛ min kawandili bɔra wo ye, wo le kɛ la.

Lankɛnimayɛ 10:11

Wo kɔma, kuman-kan ya a fɔ n ye ko, “I ni wɔlɔyiyɛ kɛ mɔgɔ siyamanna ko la tun anubɛ sibolo-siyamɛ anubɛ a mansa-siyamɛ iko anuna kan faranɛ nya min.”

Lankɛnimayɛ 10:7

Melika wɔrɔnfila nyɔgɛ wa ata buri fɛ tumɛ min, Alla si ala gbundu-ko-latɛgɛnɛ kɛ iko a ya a fɔ ala wɔli-kɛlɛnu ye nya min, ala nɛbinu, kɔni.”

Lankɛnimayɛ 13:7

Alla sɔnta ko sogo-feremɛ wo ni Allata mɔgɛnu kɛlɛ ka anu nɔ. Sibole bɛɛ anubɛ bɔnsɔn bɛɛ anubɛ mɔgɔ-su bɛɛ iko anu kan faranɛ nya min, sarati dira a ma wonu kuma.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

Lankɛnimayɛ 8:13

Nba, n ya n yɛ layɛlɛ. N ya kokɛ-kan lamɔɛn firifirila san ma pon! A kumara kan-wɛ la ko, “E, gbalo! E, gbalo! Melika sawɛ min tonɛ, wonu ba anuna burinu fɛ tumɛ min, a si ma gbalo-wɛ la bɛɛ ye minnu siginɛ dugu-kole kuma.”