Lankɛnimayɛ 14:5 - ALLALA KUMƐ

⁵ Anu ma foninyɛ fɔ mumɛ! Fɛɛ-wo-fɛɛ sa anu na.

Lankɛnimayɛ 14:5 ပူးပေါင်းရင်းမြစ်များ

Yaburi 32:2

Mɔgɔ-sewanɛ le wo tigi la Mari ma hakɛ yen min ma. Mɔgɔ-sewanɛ le wo tigi la yanfante ma min na.

Yaburi 34:13

Nba, ni kɛnu di wo ye, wo ni fara foninya-fɔɛ anubɛ kuma-gbondani-fɔɛ la.

Yaburi 55:11

Kasarɛ ye soe kan tinɛ bɛɛ rɔ. Anu bi sɛnbɛ sala mɔgɛnu kuma kiti tɛgɛ tinɛ foninyɛ la.

Hɛnkilimaya-Kumɛnu 8:8

N ba kuma-wo-kuma fɔ, tonyɛ le wo la. Hali foninya kelen, a basanni ma a la.

Keninteya-Siginu 4:7

N kɔntɔ-mɔgɛ, i kin dɔgɔma-ma-de, ado fɛɛ-wo-fɛɛ sa i la mumɛ!

Aiseya 53:9

Anu ya a togon karagbɛlɛnu dafɛ. Anu ya a sa nɔnfulu-tigita kanbɛ rɔ. A ma karagbɛlɛya kɛ tele-kelen-bɛrɛni! Ado nfan, yanfanteya-kuma-wo-kuma sa a da rɔ.

Daniyɛli 6:4

Daniyɛli wɔli-kɛ-nyɔgɛnu anubɛ nyamanita-mɔgɔ-banu ya anu taya ka fɛɛ sa Daniyɛlila wɔlɛ la kɔnɔ anu ma ke a nɔla. Mɔgɔ-latelennɛ le Daniyɛli la, ado a ti sɔn ko-radunɛ ma.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Sɛfanaya 3:13

Wole Isirɛla mɔgɛ toe minnu bi tola wo niyi la yan tɔ, wo ti ko-yogoma ma mɔgɛ la, wo ti foninya fɔ, ado wo ti yanfa don. Wo si sigi yisi-kimɛ rɔ. Mɔgɔ-wo-mɔgɔ ti wo maban.

Malakayi 2:6

Wo wati rɔ, a ko wole saraka-masɔlɛnu ya mɔgɛnu karan kila-telennɛ la, kila-raduni ma de! Anubɛ saraka-masɔlɛnu bi ko kelen tɔ nun wo wati rɔ. A ko wo ye ko-latelennɛ minnu mala wo wati rɔ, wo ma dan wo dɔrɔn ma de! Wo ya mɔgɔ-gbɛrɛkɛnu fanan karan alako wonu fanan ni fara ko-yogomɛ la.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Luka 23:4

Wo kɔma, Pailɛti ya a fɔ saraka-masɔla-wɛnu anubɛ nyama ye ko, “N ma kei kɛ yiliki-nya yen hali!”

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Kɔlɔsi 1:22

Kɔnɔ kaka gbɛ, Alla ara wo ma a diyana-mɔgɛnu na ala danta sayɛ fɛ. A ye a fɛ, a ni na wo la a fa Alla ma, wo sɛninyanɛ de worɔ. Fɛɛ-wo-fɛɛ sa wo la, ado wo ara ma mɔgɔ-magbalanɛ la.

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Pita 2:22

A ma hakɛ-wo-hakɛ kɛ! A ma foninya-wo-foninya fɔ mumɛ!

1 Pita 3:10

Iko a sɛbɛnɛ Allala kitabu rɔ nya min ko, “Wo ye a fɛ, wo ni to wo diya? Wo ye nyinina simayɛ anubɛ sewɛ ma? Wo ni wo fara foninya-fɔɛ anubɛ kuma-gbondani-fɔɛ la.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.