Lankɛnimayɛ 14:4 - ALLALA KUMƐ

⁴ Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.

Lankɛnimayɛ 14:4 ပူးပေါင်းရင်းမြစ်များ

Yaburi 45:14

Anu bi nala anubɛ duruku-bonnɛ wo la mansɛ ma. A gba-fɛ-bilala-musumɛnu bi a fɛ. Anubɛ wonu denu bi tala fɔɔ mansɛla bolɔn la.

Yaburi 74:2

I wara ita mɔgɛ minnu yabɔ i nyɛrɛ ye bi-ko-ma, i miri anu ma, i ya minnu kunyɛ bɔ yɔɔnyɛ rɔ ka anu ma i halala mɔgɛnu na, kɔni. I miri Yerusalɛm soe ma i mayiginɛ kan min nun.

Keninteya-Siginu 1:3

I sumɛ di n ye, n ba i tɔgɛ lamɔɛn fɔ i sumɛ si don n tɔ. Musi min ba i yen, wo kole si bɔ a rɔ muluka!

Keninteya-Siginu 6:8

Ni a taranta musu bi-wɔrɔ ye n bolo anubɛ fɛ-sigi-musu bi-segin, hali sunkurun-mɛsɛ-siyaman bi n bolo n ma min dan lɔn

Yɛrɛmaya 2:3

Isirɛla mɔgɛ wonu mara Mari-halalɛ la. Anu dantɛgɛnɛ a ma iko dɔn-fen-kun-fɔlɛ tɔnsɔn. Minnu ya ko sigi Isirɛla mɔgɛnu ma, wonu ya yilikiyi sɔrɔn. Mari ko mɔgɛ wonu kasarata le! Ale Mari kan le!

Emɔsi 6:1

“Wole Isirɛla mɔgɔ-lafɛrɛnɛ minnu siginɛ Yerusalɛm, wole minnu yisi-kimanɛ Samariya soe burɔ, Isirɛla mɔgɛnu bi tala wole min bara wo dɛnbɛn-koe rɔ, a si gbɛlɛya wo kuma gben!

Matiyu 19:12

ado kei ti musi furu minna ko la, wo kɔrɛnu siya. Donu ti ke musi furula ka bɛn anu sɔrɔn-nya ma. Donu ti ke furi kɛla bawo anu hadama-den-nyɔgɛ ya wo kɛ anu na. Nba, donu ti musi furu ka a tɛgɛ Allata mansayɛ ma. Ni min si ke karan kɛ birala, a ni a bira worɔ.”

Matiyu 25:1

“Koe kɛnu ba ma tumɛ min, Alla min bi Arinyɛni tɔ, ata mansayɛ si ma iko sunkurun tan minnu ya anuna lɛnpunu bi ka ta kɔnyɔ-tigi labɛn kilɛ la.

Matiyu 8:19

Tɔn-karan-mɔgɛ do nara a wara. A ko, “Karan-mɔgɔ, i tara kan-bo-kan, n tabɛnnɛ ka bila i fɛ nyɔ.”

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Yɔni 13:37

Pita ya a manyinika tun ko, “Mari, nfenna n ti ke bilala i fɛ kaka? N tabɛnnɛ hali ka faga ila ko la!”

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

1 Kɔrɛnti 16:15

Wo ya Sitɛfanasi anubɛ ala denbayɛ wara-koe lɔn. Dɛnkɛninya-mɔgɔ-fɔlɔtɛ le wonu na Akeya sigisɔn rɔ. Anu bara anu nyɛrɛ di Alla ma ka ma wɔli-kɛlɛnu na Allata mɔgɛnu kɔrɔ fasai! N na-kelen-nyɔgɛnu, n bara wo madiya ko

1 Kɔrɛnti 6:20

A ya wo san ka wo sɔnkɛ di. Woletɔ wo ni Alla gbiliya wo fɛrɛ-bɔnkɛ la.

1 Kɔrɛnti 7:28

Ni min ya furi kɛ, a ma hakɛ kɛ. Ni musi taranta kei-wara-sigi rɔ, a ma hakɛ kɛ. Wo sifanu bi tɔrɔyɛ minnu sɔrɔnna wati bɛɛ, n bi a fɛ ka wo tanka wonu denu ma.

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

Ɛfɛsa 1:14

Alla ara wo yili-madiya koe min na, wo dabirɛ le ale ata Ni-Sɛnimɛ la ma ye. Ma lanɛ a la feu, ko Allatɛ ye minnu na, a si hɔrɔya-kanbalinɛ di wonu fanan ma. Ma ni a tanto wona ata gbiliyɛla ko la!

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

1 Timoti 4:3

Wo mɔgɔ-sufanu bi mɔgɛnu karanna ko furu-kiri-koe anubɛ dɔn-fan-donu dɔn-koe, ko-yogomɛ le wonu na. Kɔnɔ ni i wara ban baraka birala Alla ye wonuna ko la, Alla ko wonu ma yogo. A ya wonu nadan dɛnkɛninya-mɔgɛnu ye minnu bara ban tonyɛ lɔnna.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 21:22

N ma Alla-Bato-Bɔn yen soe wo burɔ bawo Mari Alla Sɛnbɛ Bɛɛ Tigi anubɛ saga-dan le Alla Bato-Bonyɛ la.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.

Lankɛnimayɛ 3:4

Kɔnɔ donu bi wo tɛma Sadisi chɔchi burɔ nyɔ minnu bara anuna kurɛnu mara sɛninyɛ rɔ. Kura-gbɛ-tigi wonu si tagama n fɛ bawo anu sɔn kin wo ma tinɛ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.