Lankɛnimayɛ 14:3 - ALLALA KUMƐ

³ Nyama-siyaman-wɛ wonu sɔra mansaya-sigi-fan anubɛ dali-fen nani anubɛ kɛmɔgɛnu yakɔrɔ. Anu ya bɛti-kurɛ do bɔ, mɔgɔ-wo-mɔgɔ ti ke min bɔla fɔ mɔgɔ waga kɛmɛ, waga bi-nani ani waga nanɛ wonu (144,000), ado wonu denu dɔrɔn kunkara ka bɔ dugu-kole kuma.

Lankɛnimayɛ 14:3 ပူးပေါင်းရင်းမြစ်များ

Yaburi 144:9

E, Alla, n si bɛti-kurɛ bɔ i ye. N si bɔlɔn fɔ ka sigi sa i ye.

Yaburi 149:1

Bɛɛ ni Mari tanto. Wo ni bɛti-kurɛ bɔ Mari ye. Ala lanaya-mɔgɛnu na ni dɛn ka a tanto.

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Yaburi 33:3

Wo ni bɛti-kurɛnu bɔ a ye. Wo ni mɔlɔnɛ tɛgɛ sɔrɔn fɔ tinɛ. Wo ni a lawɔyɔ sewɛ bolo.

Yaburi 40:3

A ya n karan bɛti-kura-sɛ ma min si mata Alla tanto. Minnu ba kɛ damasi yen, wonu si hɛnkili sɔrɔn ka anu yigi sa Mari rɔ.

Yaburi 96:1

Wo ni bɛti-kurɛ bɔ Mari ye. Duninya mumɛ bɛɛ ni bɛti bɔ Mari ye.

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

1 Kɔrɛnti 1:18

Minnu bi nala halakila, yuwaya-kumɛ le Kirasiti faga-koe la kɔlɔma ma wonu yala. Kɔnɔ male minnu bi nala kisila, Allata sɛnbɛ mayiranɛ le wo la male yala,

1 Kɔrɛnti 2:14

Kɔnɔ ata Ni-Sɛnimɛ sa mɔgɛ minnu bolo, wonu ti ke karan wonu sɔrɔnna bawo tonyɛ wo dinɛ wonu ma ale bolo, ado a ti ke wonu nya-yenna lefan! Yuwaya-koe le wonu na ale yala bawo tonyɛ wonu na si kɔrɔsi Allala Ni-Sɛnimɛ baraka rɔ.

Lankɛnimayɛ 14:1

Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

Lankɛnimayɛ 7:4

Nba, Allala mandan sigira minnu telɛ ma, wonu yatɛ fɔra n ye. Wo le mɔgɔ waga kɛmɛ, mɔgɔ waga bi-nani ani waga nani bɔra Isirɛla bɔnsɔn bɛɛ rɔ (144,000).