Lankɛnimayɛ 14:15 - ALLALA KUMƐ

¹⁵ Nba, melika-gbɛrɛ bɔra Alla-Bato-Bɔn la ka a kan labɔ doi wo ma min siginɛ banda-finyɛ kuma. A ko, “Ila wɔrɔtɛ bi ka fui-fan tɛgɛ bawo a wati-bɛrɛ le kɛ la. Fui-fan ara mɔ. A tɛgɛ-tumɛ ara ke duninya rɔ gbɛ!”

Lankɛnimayɛ 14:15 ပူးပေါင်းရင်းမြစ်များ

Ko-Dabirɛnu 15:6

A lara Marita kumɛ wo la. Woletɔ Mari ya a yatɛ telenbagɛ la.

Aiseya 62:1

Yerusalɛm di n ye min kɛ, n ti fara a wara-ko-fɔɛ la. N si to a matɔgɔla ha ale Marita nyimaya-silɛɛ ni to tiila a ma iko tele. N si to a tantola ha ata kisi-koe ni malan iko tɛ.

Yɛrɛmaya 51:33

Babilɔn yogenu si anu tatɛgɛtɛgɛ ka anu tɛn iko fui-fan min tenbi gbere-kole ma, ado wo sa mɛla tun. Ale Mari Sɛnbɛ-Bɛɛ-Tigi Isirɛlata Alla kan le kɛ la.

Yowɛli 3:13

Anu wunduyogo dɔgɔma-ma-de! Wo ni anu kunyɛ tɛgɛ a daga rɔ iko fui-fen-tɛgɛtɛ. Wo ni anu burun sagbayi, iko mɔgɛ wa numunu-siyamɛ burun, a yi-lamara-tinɛ la ni fa, ado ni anu hakɛnu mara yi wo la, a lamara tinɛ bɛɛ la si fa tɛf!”

Matiyu 13:30

Wo ni a to fɔlɔn. Anu filɛ ni koloya anu nyɔgɔn fɛ ha a tɛgɛ-tumɛ. Nba, n si a fɔ nna wɔli-kɛlɛnu ye worɔ ko anu ni binyɛ fɔlɔn dɛn ka a lakiri. Anu ni a lakɛ tɛ rɔ. Wo kɔma, anu ni ki-fen-bɛrɛ tɛgɛ ka a sa nna birɛ rɔ.’ ”

Matiyu 13:39

N yoge min ya bin-kole fui, Setanɛ nyɛrɛ le wo la. Fui-fan-tɛgɛ kɔrɛ le wati-laban la. Fui-fan-tɛgɛlɛnu de melikanu na.

Matiyu 23:32

Nba, wo benbanu ya min dabira, wo ni wo raya ka wo laban!

Maraka 4:29

A wa mɔ, sɛni-tigi si na a tɛgɛ wɔrɔtɛ la.”

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

Lankɛnimayɛ 13:12

Sogo-ferema fɔlɔtɛ ya sarati-wɛ min di a ma, a ya wo lawɔli a ya la. A ya dugu-kole fɔrɔsɛ anubɛ min bɛɛ siginɛ a kuma ka sogo-ferema fɔlɔtɛ wo kɔ min tanban-gbɛ ara kɛndɛya.

Lankɛnimayɛ 14:14

Wo kɔma, n ya banda-fin-gbɛ yen. Min siginɛ banda-finyɛ wo kuma, wo manɛ iko mɔgɛ. Sɛnɛ-mansaya-fulɛ ye a kunyɛ la. Wɔrɔtɔ-da-diyamɛ ye a bole la.

Lankɛnimayɛ 14:16

Wo kɔma, ale min siginɛ banda-finyɛ wo kuma, ale ya ala wɔrɔtɛ ladon fui-fan wo kɔrɔ dugu-kole ma. Fui-fan bɛɛ tɛgɛra duninya rɔ tɛrr!

Lankɛnimayɛ 14:17

Wo kɔma, n ya melika-gbɛrɛ yen bɔla Alla-Bato-Bɔn la Arinyɛni tɔ. Wɔrɔtɔ-da-diyamɛ ye wo fanan bolo.

Lankɛnimayɛ 14:18

Wo kɔma, tɛ min bi saraka-bɔ-tinɛ kuma, melika doi min bi kun-tigiyɛ kɛla wo kun na, wo nara ka bɔ nyɔ-wara la. A kumara wɔrɔtɔ-da-diyama-tigi wo ye a kulu-mayɛlɛnɛ la. A ko, “Ila wɔrɔtɛ bi ka dugu-kole nɔnbɔ-gbɔɛ bɛɛ tɛgɛ bawo anu bara mɔ!”

Lankɛnimayɛ 15:6

Fitina-laban wɔrɔnfilɛ ye melika wɔrɔnfilɛ minnu bolo, wonu bɔra Alla-Bato-Bɔn wo la. Anu fɛrɛya bɔnɛ linɛn-kura-gbɛmɛ-sɛninyanɛ la. Butɛ-kiri-fan min nadannɛ sɛnɛ la, wo kirinɛ anu kɔgɔ-dɛ ma.

Lankɛnimayɛ 16:17

Wo kɔma, melika wɔrɔnfila nyɔgɛ ya ata pani-kunbɛ rawuya fɔnyɔ rɔ. Kuman-kan-ba bɔra mansaya-sigi-fan rɔ Alla-Bato-Bɔn la. A ye a fɔla ko, “A ara ban!”

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”