Lankɛnimayɛ 14:10 - ALLALA KUMƐ

¹⁰ Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 14:10 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

Yobu 18:15

Anu si munku-gbɛ nyɛnsɛn ala fani-bɔnla foolɛ rɔ alako ala kirayɛ ra kana nyɛnsɛn. A ara bɔn min to, nyɔ wa diya min ye, wo si ta sigi nyɔ.

Yobu 21:20

A bɛnta, hakɛ-tiginu ni tɔrɔ anu hakɛ kɛnuna ko la. Fɔ anu nyɛrɛ ni Alla Sɛnbɛ-Bɛɛ-Tigita fondo-bɔɛ rayen.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 37:34

I yigi sa Mari rɔ ka ata tɔnnu bira. Wo si a ma, i ni gbiliyɛ sɔrɔn. Nyamanɛ ni to i bolo worɔ. Mari tenbi karagbɛlɛnu gbenna nyamanɛ wo rɔ, i si wo rayen i yɛ la.

Yaburi 52:6

Ni mɔgɔ-telennɛ ya wo rayen, anu si kilan. Anu si ile mayɛlɛn ka a fɔ ko,

Yaburi 60:3

I wara a ma, ita mɔgɛnu bara tɔrɔ kosɛbɛ! Ma ye tonko-tankanna iko gbɛɛtoe si tonko-tankan nya min.

Yaburi 73:10

Hali Allata mɔgɛnu, wonu bi anu tole masɔla anu na. Anu ya kuma-wo-kuma fɔ, wonu si la wo la tiriya!

Yaburi 75:8

Marita yi-lafɛ lafanɛ ata fondo-bɔɛ la iko gbɛɛ-kunɛ min bi kanfala. A si a kɛ karagbɛlɛnu ye alako anu ni anu min kɔlikɔli! Anu si a min ha a ni ban fegba!

Yaburi 91:8

I si a rayen i nyɛrɛ yɛ la karagbɛlɛnu bi tɔrɔla nya min.

Aiseya 29:9

Nba, i raya, i ni ma iko kuntan. I nyɛrɛ ma fiyɔn la alako i kana fen yen. Hali i ma i min, i ni to tonko-tankanna iko gbɛɛtoe.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 34:9

Idɔm bɛnu si ma nagatikali, iko kolota. Nyɔ-dugi si yɛlɛma munku-gbɛ la. Nyamanɛ wo mumɛ si mintan iko ta-yi le rawuyanɛ a ma.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Yɛrɛmaya 25:27

Mari Sɛnbɛ-Bɛɛ-Tigi, Isirɛlata Alla, kɔni, wo ya a fɔ n ye ko n ni a ma, bɛɛ ni a min kɛ la alako bɛɛ yɛ la ni fin ha anu ni teseri. Anu ba bui, anu ti ke anu nasɔla tun ka a tɛgɛ kɛlɛ ma, ale Mari ye min natugula anu damasi kan ma, kɔni.

Yɛrɛmaya 49:12

Hali a ma bɛn minnu ni tɔrɔyɛ sɔrɔn, fɔ tɔrɔya-yi-lafɛ ni sɔ anu dɛ la. Anu denu don? Anu miri ko anu ti tɔrɔyɛ sɔrɔn.

Yɛrɛmaya 51:57

A kun-tigi wo, a hɛnkilima wo, a mɔgɔ-ba wo, a kɛlɛ den wo, a si wo bɛɛ lamin. Anu ba kinɔgɔ, anu ti kunden tun! Mansɛ min tɔgɛ Mari Sɛnbɛ-Bɛɛ-Tigi, wo kan le kɛ la.

Nimisa Koe 4:21

Wole, ma yoge Idɔm minnu siginɛ Yusi nyamanɛnu tɔ, wo ni wo yɛlɛn bawo a ti mɛ tun tɔn si sigi wola yɛlan wo la. Wota kasarɛ ye nala wo ma. Wola ko-yogomɛnu si bɔ gbɛ ma. Wo gbu-makolɔn si to miliyɛ bolo.

Isikiyɛli 20:48

Bɛɛ si a lɔn ko nde, Mari le ya tɛ tugu nyɔ la, ado a ko mɔgɔ-wo-mɔgɔ ti ke a ladufenna.”

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Habakuku 2:16

Wola gbiliyɛ si yɛlɛma miliyɛ la wo ye! Mɔgɛnu si wole fanan nakolɔn yen. Wola minni-fan si ma wola kun-nagboya-fan la Mari bolo.

Matiyu 20:22

Yisa ya a fɔ anubɛ ala dannu ye ko, “I ye n tarala min ma, i ma wo lɔn. N bi nala tɔrɔyɛ minnu sɔrɔnna, wo si kɛ wo munna wonu kɔrɔ?” Anu ya a yabi ko, “Ɔn, ma si ke le.”

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Maraka 9:44

‘anuna tunbinu ti faga kan min mumɛ, ado tɛ ti dufen nyɔ habadan!’]

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

2 Tɛsalonaika 1:7

Wole minnu tɔrɔnɛ, a si sulen di wole anubɛ male fanan ma. Mari Yisa wa na tumɛ min, anubɛ ata melika-sɛnbɛmɛnu, ale Alla si wo tɔrɔlɛnu tɔrɔ

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 15:7

Dali-fen nanɛ wo kelen ya sɛnɛ-pani-kunba wɔrɔnfilɛ di melika wɔrɔnfilɛ wonu ma. Pani-kunbɛ wonu nafanɛ habadan-Allata diminyɛ la.

Lankɛnimayɛ 16:19

Babilɔn-so-wɛ farata sigi tina sawa la. Nyamanɛ bɛɛta so-wɛnu fanan halakira. Alla ya a fonde to Babilɔn-so-belebele ko. Allata diminya-belebele ye yi-lafɛ min tɔ iko gbɛɛ, a ya a ma, Babilɔn ya a min wo la.

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”

Lankɛnimayɛ 18:6

Wo ni a bira iko a ya wo bira nya min. Wo ni wo tayili sara kinyama fila ala wɔli-yogomɛ wola ko la. A ya minni-fen-kunayanɛ min tabɛn wo ye, wo ni ala yi-lafɛ lafa wo nyɔgɔn fila la a ye.

Lankɛnimayɛ 19:15

Faan-da-diyamɛ ye bɔla a da rɔ a si sibolenu nɔ min na. A si mansayɛ kɛ anu kun na ka anu mara nɛgɛ-gbelekɛ la. A si nɔnbɔ-gbɔɛ radɔn a kian la ka a yi labɔ iko baan, ado Alla Sɛnbɛ Bɛɛ Tigita diminya-belebele-wɛ si anu sugun kan min a radɔn tinɛ wo la.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 20:14

Sayɛ anubɛ lakira lafilita ta-dalɛ rɔ. (Ta-dalɛ wo, sayɛ fila nyɔgɛ le wo la.)

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”