Lankɛnimayɛ 14:1 - ALLALA KUMƐ

¹ Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.

Lankɛnimayɛ 14:1 ပူးပေါင်းရင်းမြစ်များ

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Aiseya 49:14

Kɔnɔ Yerusalɛm kɛnu bi a fɔla ko Mari ara a ban anu na. A ara nyina anu ko salon!

Yɛrɛmaya 1:11

Wo kɔma, Mari ya a fɔ n ye tun ko, “Yɛrɛmaya, i ya nfen yen kɛ la?” N ya a fɔ ale Mari ye ko, “I ya bɛni-bolɔn le yira n na.”

Isikiyɛli 1:4

N ya banda-fin-fɔn-bɛ yen nala bɔla kantɔ-wara la. N ya san yen a nyin masɔgɔla balubalu! Banda-nyin-masɔgɛ wo tɛmɛ, nyɔ-silɛ ye tiila a ma.

Isikiyɛli 10:1

Fan min bi nima-fannu kuma iko telekɔnɛ, n ya n yɛ lata nyɔ rɔ. Fan do ye wo kuma min manɛ iko mansaya-waganɛ. Waganɛ wo ladannɛ kuru-da-gbɛlɛ-bilolamɛ la.

Isikiyɛli 10:9

N ya kin nani yen nima-fen nani kɛnu kɔrɔ min natintannɛ iko kirinditɛ. A bɛɛ subolo kelen. Anu bi malan-malanna selu-selu iko kuru-da-gbɛlɛ min yanba-kun-damɛ. Kin nanɛ kɛnu takankannɛ anu nyɔgɔn tɔ.

Isikiyɛli 2:9

N ya bole yen nala n telen tɔ, gbolo-masɛbɛnɛ ye a rɔ.

Isikiyɛli 44:4

Tenbi-bolɔn min bi kantɔ-wara la, kei wo ya n bi ka n nabɔ nyɔ ka ta n na Bato-Bɔn yakɔrɔ. N ya n yɛ lata ka Mari Bato-Bɔn mafɛlɛn. N ya a yen, a lafanɛ Marita waan la pen! N ya n naburun a ma dugi ma.

Isikiyɛli 8:7

A tara n sɔ kata-tenbi-bolɔn la. N ya kata burɔtɛ dandan wo punsɔgɔnɛ yen.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Daniyɛli 12:5

Wo kɔma, nde, Daniyɛli ya kei-fila-sɔnɛ yen tun yi dafɛ. Kelan sɔnɛ yi-tɔnkɔn doi rɔ, kelan fanan sɔnɛ yi tɔnkɔn doi rɔ.

Yowɛli 2:32

Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Emɔsi 8:2

Mari ya nde, Nɛbi Emɔsi manyinika ko, “I ya nfen yen?” N ya a fɔ a ye ko, “Sende le, kɔn-gbɔ-mɔɛ ye a rɔ.” Woletɔ Mari ya a fɔ n ye ko, “Iko kɔn-gbɔɛ kɛ mɔnɛ ye nya min kɛ la, Isirɛla mɔgɛnu kasara-wati ara mɔ wo nya na le.” A ko a ti a fonde yɛlɛma mumɛ fɔ a wa wo kasara le.

Maika 4:7

Anu toe minnu bi tola, minnu manɛ iko namarɛnu, a si wonu ma bɔnsɔn-kurɛ dabirɛ la. Wonu si yiri boi! Hali anu bi wula-yannu na pon, a si anu nana anuna nyamanɛ rɔ tun. Mari ko ale le si ma wonuna mansɛ la ata Bon-Sɛnimɛ la Yerusalɛm kɔnkɛ kuma.

Sakaraya 4:2

A ya n manyinika, a ko, “I ye nfen yenna kaka?” N ya a fɔ a ye ko, “Sɛnɛ-lɛnpu. A tulu-kɛ-tinɛ ye a kuma. A lamalan-tina wɔrɔnfila ye ala foolɛ rɔ. Saraba wɔrɔnfilɛ ye anu kelen-kelennamɛ-bɛɛ ma.

Luka 12:8

“N bi tonyɛ fɔla wo ye, min ba a sɔn a la gbɛ rɔ ko ntɛ le ale la, nde, Hadama-dan si wo nyɔgɔn ma ale fanan ye Allala melikanu yala.

Romu 9:33

Iko a sɛbɛnɛ Allala kitabu rɔ nya min, a ko, “Wo ni wo yɛ lana. N bara kuri sa Yerusalɛm soe burɔ. Mɔgɛnu si anu kian latugu kuri wo la min si anu nabui fugbu! Kɔnɔ min bɛɛ lanɛ kuri kɛ la, wonu yigi ti tɛgɛ muk!”

Lankɛnimayɛ 14:14

Wo kɔma, n ya banda-fin-gbɛ yen. Min siginɛ banda-finyɛ wo kuma, wo manɛ iko mɔgɛ. Sɛnɛ-mansaya-fulɛ ye a kunyɛ la. Wɔrɔtɔ-da-diyamɛ ye a bole la.

Lankɛnimayɛ 14:3

Nyama-siyaman-wɛ wonu sɔra mansaya-sigi-fan anubɛ dali-fen nani anubɛ kɛmɔgɛnu yakɔrɔ. Anu ya bɛti-kurɛ do bɔ, mɔgɔ-wo-mɔgɔ ti ke min bɔla fɔ mɔgɔ waga kɛmɛ, waga bi-nani ani waga nanɛ wonu (144,000), ado wonu denu dɔrɔn kunkara ka bɔ dugu-kole kuma.

Lankɛnimayɛ 15:5

Wo kɔma, n ya Alla-Bato-Bɔn dɛ lakanɛ yen Arinyɛni tɔ. Allata Fani-Bɔn ye nyɔ rɔ.

Lankɛnimayɛ 22:4

Anu si a yakɔrɛ yen. A tɔgɔ sɛbɛnɛ si taran anu telɛnu ma.

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.

Lankɛnimayɛ 4:1

Wo kɔma, n ya Arinyɛnɛ dɛ-lakanɛ yen ko-rayirɛ rɔ. N ya kuman-kan min namɔɛn fɔlɔn, min manɛ iko buru-fɛ-kan, wo ya a fɔ n ye ko, “Yɛlɛ yan tɔ. Koe minnu si na ma yarɔ, n ni wonu yira i la.”

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.