Lankɛnimayɛ 13:8 - ALLALA KUMƐ

⁸ Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 13:8 ပူးပေါင်းရင်းမြစ်များ

Ko-Dabirɛnu 22:7

Isiyaka ya a fa rakele. A fa ya a labira. Isiyaka ko, “N fa, tɛ anubɛ sɔgɛ ye ma bolo saraka-mintantɛla ko la kɔnɔ saga-dan wo ye mintɔ?”

Yaburi 69:28

Anu tɔgɛ bɔ nimaya-kɛdi rɔ. Anu tɔgɛ kana taran ila mɔgɔ-telennɛnu tɔgɛ tɛma.

Bɔ-Koe-Iyipiti 32:32

kɔnɔ ni i sɔnta ka anu hakɛ makoto, wo kin. Ni i ti sɔn, i yandi, i ni nde fanan tɔgɛ firan ila buku ma.”

Aiseya 4:3

Alla ara ban a latɛgɛla min kɛndɛ si to Yerusalɛm soe burɔ, wonu si kele ko mɔgɔ-sɛnimɛnu.

Daniyɛli 12:1

Linɛn-kurɛ donnɛ melika min kan na, wo ya a fɔ n ye ko, “Wati wo si a taran, ila nyamanita-mɔgɛnuna kandan-melika min tɔgɛ Maikali, wo si bɔ gbɛ rɔ. Wo wati rɔ, tɔrɔyɛ si koloya duninyama-tɔrɔyɛ bɛɛ ko. Ile Daniyɛlila nyamanita-mɔgɛ minnu tɔgɛ sɛbɛnɛ Allata buku rɔ, wonu si kisi.

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Luka 10:20

Kɔnɔ wo kana sewa bawo nyina-yogomɛnu bi wola kumɛnu birala. Min fisa, wo ni sewa bawo wo ara ma dugurannu na Arinyɛni tɔ.”

Yɔni 1:29

Wo banda kɛ, Yɔni ya Yisa yen nala a wara la. A ko, “Allala Saga-Dan le kɛ la, min si duninya-mɔgɛ bɛɛ hakɛ bi ka ta a la!

Ɛfɛsa 1:4

Yanni duninya ni dan, Alla ara ban ma yabɔla nun alako ma ni ma atɛ la Kirasiti baraka rɔ. A ya ma yabɔ ko ma ni sɛninya a yala. A sa a fɛ, fɛɛ-wo-fɛɛ ni taran ma la. Ala keninteyɛ rɔ,

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Lankɛnimayɛ 12:15

Nba, ninkinankɛ ya yi-wa-belebele labɔ a da rɔ musi gbere la iko bɛ alako yi-fɛ wo ni ta musi wo la.

Lankɛnimayɛ 13:12

Sogo-ferema fɔlɔtɛ ya sarati-wɛ min di a ma, a ya wo lawɔli a ya la. A ya dugu-kole fɔrɔsɛ anubɛ min bɛɛ siginɛ a kuma ka sogo-ferema fɔlɔtɛ wo kɔ min tanban-gbɛ ara kɛndɛya.

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 3:20

Wo ni wo tole masɔ! N sɔnɛ dɛ la ka a matugu. Ni mɔgɔ-wo-mɔgɔ ya n kan lamɔɛn ka dɛ laka n ye, n si don wola bɔn la ka fen-dɔn-kɛ a fɛ. Ale fanan si fen-dɔn-kɛ n fɛ.

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.

Lankɛnimayɛ 5:12

Anu ya a fɔ anu kulu-mayɛlɛnɛ la. Anu ko, “Saga-dan min fagara kɛ, wo le si ke sɛnbɛ anubɛ nɔnfuli anubɛ hɛnkili anubɛ fanka anubɛ bonyɛ anubɛ gbiliyɛ anubɛ tantolɛ bɛɛ sɔrɔnna!”

Lankɛnimayɛ 5:13

Dali-fan minnu bi san-kole rɔ wo, minnu bi dugu-kole kuma wo, minnu bi dugu-kole kɔrɔ wo, minnu bi kɔgɔ-yi rɔ wo, anu bi a fɔla ko, “Ale min mayiginɛ mansaya-sigi-fan rɔ, alamɛ tantolɛ anubɛ bonyɛ anubɛ gbiliyɛ anubɛ sɛnbɛ-ba dira ale anubɛ saga-dan ma habadan!”

Lankɛnimayɛ 6:1

Wo kɔma, n ya a yen, saga-dan ya li-kɛɛn bɔ a fɔlɔtɛ ma ka a rafulen. N ya dali-fen nanɛ wo kelen kan lamɔɛn. Wo kan manɛ iko san-sɛrɛn-kan. A ko, “Bɔ gbɛ ma!”