Lankɛnimayɛ 13:6 - ALLALA KUMƐ

⁶ A wulita Alla dankala ka a tɔgɔ tinya. Wo kɔma, Alla mayiginɛ kan min, a ya nyɔ danka. Min sanɛ wo kuma fanan, min bɛɛ siginɛ Arinyɛni tɔ, a ya wonu fanan danka.

Lankɛnimayɛ 13:6 ပူးပေါင်းရင်းမြစ်များ

Yobu 3:1

Tele wɔrɔnfilɛ wo banta tumɛ min, kumɛ bɔra Yobu dɛ rɔ. A ya a sɔrɔn-tele danka.

Yaburi 73:9

Alla min bi san-kole rɔ, anu bi kuma-yogomɛnu fɔla wo ma. Anu bi mɔgɛnu sɔla fɔrɔsɛ la duninya kɛ rɔ.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 7:8

N bi n mirila kere wonu bara-koe ma tumɛ min, n ya kere-nɛ do yen yɛlɛla kere doi wonu tɛma. A yɛlɛmatoe ya kere sawa tuntun kere kɛnu tɛma ka wonu nabɔ. Hadama-den-yɛ ye kere nɛ wo bolo, ado mankan-tugu-dɛ ye a bolo.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Romu 3:13

Anuna darɔ-gboyɛ manɛ iko kanba-lakanɛ. Fenfen sa anu da rɔ fɔ yanfanteya-kumɛnu. Niyi-ragbɛrɛn-kumɛnu bi bɔla anu da rɔ iko duguma-fen-marɛ.

Kɔlɔsi 1:19

ado Alla le nyɛrɛ ya a latɛgɛ ko a nyɛrɛ kɛ-nya-bɛɛ ni to Kirasiti rɔ.

Kɔlɔsi 2:9

ado Alla wara-koe-mumɛ-bɛɛ taranta Kirasiti le tɔ.

Hiburunu 9:2

Woletɔ anu ya fani-bɔn sɔ. Bɔn wo burɛ faranɛ fila la yorolan la. Dinkira-fɔlɔtɛ tɔgɔ le, “Kan-Tina-Sɛnimɛ.” Lɛnpu anubɛ tebulu ye nyɔ burɔ. Biredi min dantɛgɛnɛ Alla ma siginɛ tebulu wo kuma.

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

Lankɛnimayɛ 11:12

Wo kɔma, nɛbi filɛ wonu ya kuman-kan-ba lamɔɛn ka bɔ Arinyɛni tɔ. A ko, “Wo yɛlɛ yan tɔ!” Anu yogenu bi anu mafɛlan kun na tumɛ min, banda-finyɛ ya anu bi ka anu nayɛlɛ Arinyɛni tɔ.

Lankɛnimayɛ 12:12

Woletɔ san-kole anubɛ wole min bɛɛ siginɛ nyɔ, wo ni sewa bɛrɛkɛ! Kɔnɔ gbalo ye dugu-kole anubɛ kɔgɔ-yi kuma bawo Setanɛ ara yigi wonu ma. A yisi bɔnɛ kati, bawo a ya a lɔn ko wati-kundu-ni dɔrɔn de tonɛ ale ye.”

Lankɛnimayɛ 15:5

Wo kɔma, n ya Alla-Bato-Bɔn dɛ lakanɛ yen Arinyɛni tɔ. Allata Fani-Bɔn ye nyɔ rɔ.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Lankɛnimayɛ 4:1

Wo kɔma, n ya Arinyɛnɛ dɛ-lakanɛ yen ko-rayirɛ rɔ. N ya kuman-kan min namɔɛn fɔlɔn, min manɛ iko buru-fɛ-kan, wo ya a fɔ n ye ko, “Yɛlɛ yan tɔ. Koe minnu si na ma yarɔ, n ni wonu yira i la.”

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Lankɛnimayɛ 5:13

Dali-fan minnu bi san-kole rɔ wo, minnu bi dugu-kole kuma wo, minnu bi dugu-kole kɔrɔ wo, minnu bi kɔgɔ-yi rɔ wo, anu bi a fɔla ko, “Ale min mayiginɛ mansaya-sigi-fan rɔ, alamɛ tantolɛ anubɛ bonyɛ anubɛ gbiliyɛ anubɛ sɛnbɛ-ba dira ale anubɛ saga-dan ma habadan!”

Lankɛnimayɛ 7:15

Wo le ya a ma, anu sɔnɛ Allala mansaya-sigi-fan yakɔrɔ ka wɔlɛ kɛ a ye a Bato-Bɔn la su-ni-tele. Ale min mayiginɛ mansaya-sigi-fan rɔ, ale le si anu natanka.

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.