Lankɛnimayɛ 13:3 - ALLALA KUMƐ

³ Sogo-feremɛ wo kun kelan manɛ iko a ara tanban boloko-yogomɛ le kɛ nun kɔnɔ a tanban tinɛ wo ara kɛndɛya. Duninya-mɔgɛ bɛɛ kawara ka bila sogo-feremɛ wo fɛ.

Lankɛnimayɛ 13:3 ပူးပေါင်းရင်းမြစ်များ

Isikiyɛli 30:24

Wo kɔma, n si Babilɔn mansɛ bole ragbɛlɛya ka faan don a bolo. Kɔnɔ Iyipiti mansɛ, n si wo bolo filɛ rakeri. A ni to kurunna dumɛ bolo. A ni faga a yogenu yala fuyan!

Luka 2:1

Kun-tigi-ba Ɔgasita min bi Romu nyamanɛ kun na, wo wati rɔ, a ya tɔn sigi ko ala nyamanita-mɔgɛ bɛɛ tɔgɛ ni sɛbɛ.

Yɔni 12:19

Farisinu ya a fɔ anu nyɔgɔn ye ko, “Wo ma a yen, ma sa a nɔla hali! A mafɛlɛn, duninya-mɔgɛ bɛɛ bilanɛ a fɛ!”

Kɛwɔlɛnu 8:13

Hali Saimon nyɛrɛ fanan dɛnkɛninyara ka batasi. A tora Filipi dafɛ bawo kabana-ko-wɛnu anubɛ tamasere minnu kɛra, a ya wonu yen tumɛ min, ale fanan kawara kati!

Lankɛnimayɛ 13:12

Sogo-ferema fɔlɔtɛ ya sarati-wɛ min di a ma, a ya wo lawɔli a ya la. A ya dugu-kole fɔrɔsɛ anubɛ min bɛɛ siginɛ a kuma ka sogo-ferema fɔlɔtɛ wo kɔ min tanban-gbɛ ara kɛndɛya.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 17:10

ado i ya mansa lolɛ minnu yen nun, wonu bara bui kɔnɔ kelan wo ye mansayɛ la fɔlɔn. Kelan wo min ma na wɛ, wo wa na tumɛ min, a si to mansayɛ la wati-kundu-ni kɔrɔ.

Lankɛnimayɛ 17:11

Sogo-feremɛ wo min kɛndɛ fɔlɔ-nun kɔnɔ a faganɛ kaka, mansa segin nyɔgɛ le wo la. Mansa wɔrɔnfilɛ wonu segin nyɔgɛ le kɛ la, ado a bɔra wonu denu tɔ. Ale fanan bi a halaki-kilɛ le ma wo la.

Lankɛnimayɛ 17:13

Mansa tan wonu miriya kelen. Anu si anuna sɛnbɛ anubɛ anuna sarati di sogo-feremɛ wo ma.

Lankɛnimayɛ 17:17

Anu ya anuna sarati di sogo-feremɛ wo ma alako a ni mansayɛ kɛ ha Allata kumɛ wo ni bɔ-a-la tumɛ min, ado Alla le ya miriya kelan wo di anu ma ko anu ni a sako kɛ.

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!