Lankɛnimayɛ 13:2 - ALLALA KUMƐ

² N ya sogo-feremɛ min yen wo la, a manɛ iko kuli. A kiannu mani de iko suluku-kinama-wɛtɛ. A dɛ mani de iko yarɛ-dɛ. Ninkinankɛ le ya a nyɛrɛta sɛnbɛ di sogo-feremɛ wo ma anubɛ ata mansayɛ anubɛ ata sarati-wɛ.

Lankɛnimayɛ 13:2 ပူးပေါင်းရင်းမြစ်များ

2 Mansɛnu 2:24

Nɛbi Ilaisa ya a tintan ka a yɛ wuya a rɔ. Wo kɔma, a ya anu danka Mari tɔgɛ rɔ. Tiriyante wo rɔ, sogo-ferema fila bɔra anu burila firɛ rɔ ka na kemini-mɛsɛ mɔgɔ bi-nani ani mɔgɔ fila (42) mafarafara.

Yaburi 22:21

N bɔ yarɛ kɛnu bolo. N dɛnbɛna sa tura-feremɛ kɛnu tɛma.

Hɛnkilimaya-Kumɛnu 17:12

Yanni i ni kun-takolɔn taran masiba-koe ladanna, a fisa, i ni yara-denbɛ taran minna dannu bara tunu a ma.

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Aiseya 5:29

Kɛlɛ-dannu bi bɔrɔndɔ-bɔrɔndɔla iko yara-tamatoe tenbi ala sogo-faganɛ saganna, fen ti a bi a da la kan min.

Yɛrɛmaya 13:23

Mɔgɔ ti ke a fɛrɛ yɛlɛmana. Kuli fanan ti ke a manyɛgannɛ bɔla a ma. Wole Yerusalɛm kɛnu fanan bi wo nya le. Wo ti ke yɛlɛmana tun ka ko-nyimɛ kɛ. Wo ye karagbɛlɛyɛ le la tolon!

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Emɔsi 3:12

Ni saga-fɛ-biralɛ si ke saga-woro kolo filɛ wa a tolo-lafɛlafɛ bila yarɛ dɛ la, mani Samariya kɛnu Isirɛla mɔgɛnu, kɔni, wonu si ke anu burila anu yogenu kɔrɔ, ado anu sanɛ anuna sa-fen kiannu na anu kin kɔrɔ.

Emɔsi 5:19

Wo si ma iko kei min bi a burila yarɛ kɔrɔ ka ta bɛn suluki la. A wa a buri wo fanan kɔrɔ tumɛ min ka ta ala bɔn la alako a ni kisi, a wa a gbɔnkun ala bɔn rɔ, gbanwore fanan si a kin.

Habakuku 1:8

“Anuna soeenu bi anu burila ka tenbi kuli la. Soee wonu makilannɛ ka tenbi suluku-kɔnkɔtoe la. Anuna so-laburilɛnu nara le ka bɔ wula-yan la pon! Soee wonu bi anu matɛnna buri-kɛ-koe la. So-laburilɛnu anubɛ anuna soee wonu si yigi anu yogenu kan ma fii iko tanbakɔrɔmanɛ si yigi sisi-dan kan ma nya min!

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

Lankɛnimayɛ 12:13

Ninkinankɛ ya a lɔn tumɛ min ko a la ara fili dugu-kole kuma, a wulita musi wo tɔrɔla min ya den-kei sɔrɔn.

Lankɛnimayɛ 12:15

Nba, ninkinankɛ ya yi-wa-belebele labɔ a da rɔ musi gbere la iko bɛ alako yi-fɛ wo ni ta musi wo la.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:12

Sogo-ferema fɔlɔtɛ ya sarati-wɛ min di a ma, a ya wo lawɔli a ya la. A ya dugu-kole fɔrɔsɛ anubɛ min bɛɛ siginɛ a kuma ka sogo-ferema fɔlɔtɛ wo kɔ min tanban-gbɛ ara kɛndɛya.

Lankɛnimayɛ 13:4

Mɔgɛ bɛɛ ya ale ninkinankɛ kɔ bawo a ya ala sarati di sogo-feremɛ wo ma. Anu ya sogo-feremɛ wo fanan kɔ. Anu ko, “Yon bi iko sogo-feremɛ kɛ? Mɔgɔ ti ke a kɛlɛla.”

Lankɛnimayɛ 16:10

Wo kɔma, melika loli nyɔgɛ ya ata pani-kunbɛ rawuya sogo-feremɛ wota mansaya-sigi-fan kuma. Pinpi burunta sogo-feremɛ wota nyamanɛ bɛɛ kuma bɛff! Mɔgɛnu ya anu nagannu kin dumɛ wo bolo.

Lankɛnimayɛ 17:12

“I ya kere tan min yen wo la, mansa tan de wo la minnu ma wuli wɛ mansayɛ kɛla kɔnɔ anu bi sarati sɔrɔnna hawa kelen pe le kɔrɔ anuna mansaya-koe rɔ sogo-feremɛ wo fɛ.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 20:2

A ya ninkinankɛ wo bira ka a kiri san waga kelen kɔrɔ. Duguma-fen-kɔrɛ wo, wo le Setanɛ la, ninkinankɛ, kɔni.