Lankɛnimayɛ 13:16 - ALLALA KUMƐ

¹⁶ Sogo-feremɛ wo ya mɔgɛ bɛɛ fɔrɔsɛ, a dɔgɔma wo, a kinama wo, a nɔnfulu-tigi wo, a bolo-kolon wo, a hɔrɔ wo, a yɔɔn wo, ko mandan ni sa anu bolo-nyimɛ anubɛ anu telɛ ma.

Lankɛnimayɛ 13:16 ပူးပေါင်းရင်းမြစ်များ

2 Ko-Kɔrɔta-Karan 15:13

Kei wo, musi wo, denni wo, kina wo, ni minnu ma a bato, anu si wo tigi faga.

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yaburi 115:13

Min bɛɛ ye a gbiliyala, ata duwɛ ye yigila wonu kuma. A dɔgɔma wo, a kinama wo, a bɛɛ rakɛn a yala.

Yaburi 49:2

Minnu bi dala wo, minnu sa dala wo, fen-tiginu wo, bolo-kolɔnnu wo, wo dama ni wo tole masɔ.

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Sakaraya 13:6

Hali foninya-nɛbinu, ni mɔgɛ ya wonu manyinika ka a tɛgɛ tɛlɛ-pɛrɛ minnu bi a kɔgɛ ma, a si a fɔ ko a ta-nyɔgɛ gbɛ le wo la wo tumɛ a ye wo wara bɔn la.

Kɛwɔlɛnu 26:22

Kɔnɔ ha bi, Alla ye n dɛnbɛna. Woletɔ n sɔnɛ yan ka sereyɛ bɔ mɔgɛ bɛɛ ye, a nɔnfulu-tigi wo, a bolo-kolon wo, a filɛ bɛɛ. Nɛbi Musa anubɛ nɛbi doinu ya wɔlɔyiya-kumɛ minnu fɔ, n bi wonu denu fɔla anu ye.

1 Kɔrɛnti 12:13

A ye wo nya na le fanan Kirasitita bagbuyi rɔ. I mara Yahudiya la wo, i mara sibolo-gbɛrɛ la wo, i mara yɔɔn na wo, i mara hɔrɔ la wo, ma dama ara batasi bagbu kelen tɔ ata Ni-Sɛnima kelen de bolo. Ma dama ara fa Allata Ni-Sɛnima kelen wo la.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kalesiya 6:17

A laban, bosa-pɛrɛ minnu bi n fɛrɛ ma, wonu bi a yirala ko Yisala yɔɔn le nde la. Woletɔ mɔgɔ-wo-mɔgɔ kana n tɔrɔ tun.

Ɛfɛsa 6:8

Wo ni a lɔn ko i mara yɔɔn na wo, i mara hɔrɔ la wo, Mari si mɔgɛ bɛɛ sara ala wɔli-nyimɛla ko la.

Tɔn-Fɔɛ-Fila-Nyɔgɛ 11:18

“Wo ni wo miri tɔn kɛnu ma ka anu bira wo yisi rɔ gben! Wo ni anu sɛbɛ ka anu kiri wo bolenu na. Wo ni anu kiri wo telɛ ma, woletɔ wo si to wo mirila anu ma a kilɛ fɛ.

Tɔn-Fɔɛ-Fila-Nyɔgɛ 6:8

Wo ni anu sɛbɛ ka anu kiri wo bolenu na. Wo ni anu kiri wo telɛnu ma fanan, woletɔ wo si to wo mirila anu ma a kilɛ fɛ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

2 Timoti 3:8

Mɔgɛ kɛnu fanan bi tonyɛ kan ma iko Yanisi anubɛ Yanbarisi minnu ya Nɛbi Musa sɔsɔ wulɔn. Mɔgɛ wonu hɛnkili rabasannɛ, ado anuna dɛnkɛninyɛ ma mɔnɔ bɔ!

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 15:2

Wo kɔma, n ya fan do bɛyabɛyɛ yen min manɛ iko kɔgɔ-yi. A manunkunɛ iko nyɛrɛ-mafɛlan. A yabasannɛ tɛ la. N ya mɔgɛ donu yen fanan minnu bara nɔlɛ sɔrɔn sogo-feremɛ anubɛ ala muninyɛ ma. Min tɔgɛ yatɛ bɛnnɛ sogo-feremɛ wo mandan ma, anu bara nɔ-ko sɔrɔn wo fanan ma. Anu sɔnɛ fan wo dafɛ min manɛ iko kɔgɔ-yi. Alla ya sɔrɔn minnu di anu ma, wonu bi anu bolo tɔ.

Lankɛnimayɛ 19:18

Wo na mɔgɛ bɛɛ fɛrɛ-bɔnkɛ dɔn tinɛ, a mansa wo, a kun-tigi wo, a kɛlɛ-den wo, a hɔrɔ wo, a yɔɔn wo. Wo na anu bɛɛ dɔn, a dɔgɔma wo, a kinama wo, hali soeenu anubɛ anuna burilɛnu.”

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 19:5

Wo kɔma, kuman-kan bɔra mansaya-sigi-fan wo rɔ. A ko, “Mata Allata wɔli-kɛlɛ bɛɛ ni a tanto anubɛ mɔgɛ bɛɛ minnu kilannɛ a la, a dɔgɔma wo, a kinama wo!”

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

Lankɛnimayɛ 6:15

Wo kɔma, duninya-mansɛnu wo, kun-tiginu wo, kɛlɛ-den-kunyɛnu wo, nɔnfulu-tiginu wo, sɛnbɛ-wa-tiginu wo, anubɛ a mɔgɔ-toe bɛɛ, a yɔɔn anubɛ a hɔrɛ, bɛɛ ya a dogon farannu na anubɛ farɛnu tɛma minnu bi kɔnkɛnu tɔ.

Lankɛnimayɛ 7:3

Melika wo ko, “Wo kana dugu-kole tinya anubɛ kɔgɔ-yi anubɛ kɔlɔmanu fɔlɔn. Fɔ ma ni mandan sigi mata Allata wɔli-kɛlɛnu telɛnu na.”