Lankɛnimayɛ 13:13 - ALLALA KUMƐ

¹³ Sogo-ferema fila nyɔgɛ wo ya kabana-ko-wɛnu kɛ. A ya tɛ layigi dugu-kole kuma ka bɔ Arinyɛni tɔ mɔgɛ bɛɛ yala.

Lankɛnimayɛ 13:13 ပူးပေါင်းရင်းမြစ်များ

1 Mansɛnu 18:38

Mari ya tɛ layigi ka bɔ san-kole rɔ. A saraka-sogo wo, a sɔgɔ-ladɛnni wo, a kuru wo, a bɔnku wo, anubɛ yi min bi denkɛ rɔ wo, wo bɛɛ mintanta gburr!

Bɔ-Koe-Iyipiti 7:22

Ale mansɛla kofo-dannu fanan ya a ma wo nya anuta kofo-denyɛ rɔ. Hali wo, mansɛ yisi gbɛlɛyara ka tenbi a fila nyɔgɛ la. A ma sɔn Musa anubɛ Arunata kumɛ birala. Iko Mari ya a fɔ nya min, Mari kuman-kan bɔra-a-la.

Bɔ-Koe-Iyipiti 8:7

Mansɛla kofo-dan wonu fanan ya anu sanka Aruna ma anuta kofo-denyɛ rɔ ka turukɔɔkɔ donu nana Iyipiti nyamanɛ rɔ.

Bɔ-Koe-Iyipiti 9:11

Mansɛla kofo-dan wonu ma ke anu sɔla Musa yakɔrɔ sumunɛ wonuna ko la kamasɔrɔn sumunɛ sigira kofo-dan wonu ma anubɛ Iyipiti mɔgɛ bɛɛ.

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Matiyu 16:1

Farisi anubɛ Sadusi donu nara Yisa wara. Anu bi a fɛ ka a kɔrɔbɔ, woletɔ anu ya a manyinika ko a ni kabana-koe do yira anu na ka bɔ Arinyɛni tɔ.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Maraka 13:22

ado minnu ya anu nyɛrɛ mayira iko Alla le ya anu sɔ, wonu si bɔ gbɛ rɔ. Donu si anu nyɛrɛ ma nɛbinu na fanan. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

2 Timoti 3:8

Mɔgɛ kɛnu fanan bi tonyɛ kan ma iko Yanisi anubɛ Yanbarisi minnu ya Nɛbi Musa sɔsɔ wulɔn. Mɔgɛ wonu hɛnkili rabasannɛ, ado anuna dɛnkɛninyɛ ma mɔnɔ bɔ!

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.

Lankɛnimayɛ 16:14

Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 20:9

Anu ta si nyɛnsɛn dugu-kole kan tinɛ bɛɛ kuma ka Allata mɔgɛnu daga tinɛ lamini anubɛ soe min keninɛ a bolo. Kɔnɔ tɛ si bɔ Arinyɛni tɔ ka anu halaki.