Lankɛnimayɛ 12:9 - ALLALA KUMƐ

⁹ Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 12:9 ပူးပေါင်းရင်းမြစ်များ

Ko-Dabirɛnu 3:1

Mari Alla ya nima-fan min bɛɛsi dan nun, duguma-fan halli wo bɛɛ ko. Duguma-fan nara ka musi manyinika ko, “Alla le ya a fɔ wo ye nun ko wo kana kɔlɔma-gbɔɛ dɔn nakɔɛ kɛ rɔ, wa? Ile lara wo la?”

Ko-Dabirɛnu 3:13

Mari Alla ya a fɔ musi wo ye ko, “I ya kɛ tɛgɛ nfen ma?” Musi ko, “Duguma-fan le ya n yanfa woletɔ n ya gbɔɛ wo dɔn.”

1 Ko-Kɔrɔta-Karan 21:1

A sɔgɛ ya Setanɛ bira ka Isirɛla mɔgɛnu tɔrɔ. Woletɔ a ya Mansa Dawuda yisi kɔrɔtugu alako wo ni ala nyamanita-mɔgɛnu dan.

2 Ko-Kɔrɔta-Karan 18:21

“Nyinɛ wo ya a fɔ Mari ye worɔ ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛnu na.’ “Mari ya a fɔ a ye ko, ‘Awa, nba ta! I ni yanfɛ sigi a la bawo n bara la a la ko ile si a nɔ le.’ ”

Yaburi 109:6

Kiti-tɛgɛla-radunɛ do yabɔ ka wo ma n yogela kiti-tɛgɛlɛ la. Ale fanan yoge do ni sɔ a la.

Aiseya 14:12

“Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Aiseya 27:1

Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Aiseya 65:25

Yarɛ anubɛ saga-dan si anu de-nyini kan-tina-kelen. Kuli si to binyɛ dɔnna iko ninki. Duguma-fan ti ko ma mɔgɛ la tun. Mari ko fenfen yogo, wo ti taran ata kɔnkɔ-sɛnimɛ kuma.

Isikiyɛli 28:16

A nyagbanɛ fen-mayirɛ anubɛ fen-san la nun kɔnɔ wo le ya a ma, a donta karagbɛlɛyɛ anubɛ hakɛ kɛ rɔ. Wo le ya a ma, n ya a gben nta kɔnkɔ-sɛnimɛ kuma ka a lamiliya. Melika min bi a makandanna, wo ya a gben kuru-da-gbɛlɛ malan-malannɛ wonu tɛma.

Matiyu 13:39

N yoge min ya bin-kole fui, Setanɛ nyɛrɛ le wo la. Fui-fan-tɛgɛ kɔrɛ le wati-laban la. Fui-fan-tɛgɛlɛnu de melikanu na.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 4:1

Wo kɔma, Allala Ni-Sɛnimɛ tara Yisa la wulɛ rɔ a kɔrɔbɔ-koe la Setanɛ bolo.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Matiyu 4:5

Wo kɔma, Setanɛ ya Yisa bi ka ta a la Yerusalɛm so-sɛnimɛ rɔ ka a sigi Alla-Bato-Bɔn kun-tɛma-sore la.

Matiyu 4:8

Wo kɔma, Setanɛ ya Yisa bi ka ta a la kɔnkɔ-layan-bɛ kuma ka duninya-mansayɛ bɛɛ yira a la anubɛ anuna gbiliyɛ.

Luka 10:18

Yisa ya anu yabi ko, “N bara Setanɛ yen buila ka bɔ Arinyɛni tɔ iko san-gbalamɛ.

Luka 13:16

Nba, Setanɛ ara Iburayima bɔnsɔn-musi kɛ min kiri san tan-ni-segin kɔrɔ, a ma kin, a ni hɔrɔya ka bɔ ala tɔrɔyɛ rɔ Sulen-Tele ma, wa?”

Luka 22:3

Yudasi-Isakariyati min bi Yisala karan-den tan-ni-filɛ do la, Setanɛ donta wo yisi rɔ.

Luka 22:31

Yisa ko, “Saimon, i tole masɔ! Setanɛ ara wo dama nyini wo rafɛ-koe la iko sɛni-salɛ si fui-fan anubɛ a fɔrɔn fara anu nyɔgɛ na nya min.

Luka 8:12

Mɔgɛ donu manɛ iko sugi min si bui kila-kole la. Mɔgɛ wo si a lamɔɛn kɔnɔ a wa a lamɔɛn nya min, Setanɛ si na worɔ ka wo fɔrɔn a yisi rɔ alako a kana dɛnkɛninya a ma ka kisi.

Yɔni 12:31

“Duninya-mɔgɛnu kiti-tɛgɛ-tumɛ ara ke. Dɛnkɛninyabɛlɛnuna kun-tigi gben-tumɛ ara ke.

Yɔni 14:30

Wati-yan sa n bolo tun ka kuma wo ye bawo dɛnkɛninyabɛlɛnuna kun-tigi ye nala. Kɔnɔ sɛnbɛ sa wo bolo n kuma hali!

Yɔni 16:11

Dɛnkɛninyabɛlɛnuna kun-tigi, wola kiti wa ban tɛgɛla, anu si a lɔn Allala kiti ye nya min.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Kɛwɔlɛnu 5:3

Pita ya a fɔ a ye ko, “Ananayasi, nfenna i wara sɔn ko Setanɛ ni don i yisi rɔ? I ya ila dugi feri min nyɔgɔn na, i ya do bɔ wodi wo la ka a lamara i nyɛrɛ ye, ado i ye foninyɛ le fɔ tinɛ Allala Ni-Sɛnimɛ ye wo la.

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

Romu 16:20

Alla min bi yisi-kimɛ dila ma ma, wo ti mɛ Setanɛ kasarala wo kin kɔrɔ. Ma Mari Yisala hinɛ ni to wo fɛ.

2 Kɔrɛnti 11:14

Nba, kabana-ko ma wo la! Hali Setanɛ si ke a nyɛrɛ mala iko waanta melika!

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

2 Kɔrɛnti 12:7

Nba, ka a tɛgɛ wo kabana-ko-waranɛnuna ko la n ya minnu tayen, fɛrɛta-duma-ba dira n ma min manɛ n yala iko Setanɛta kilayɛ. Wo si to n gbesila ka n tanka wasinteyɛ ma.

2 Kɔrɛnti 2:11

Setanɛ kana nɔ-ko sɔrɔn ma ma, ado ma ya ale Setanɛ kɛ-nyanu lɔn.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

Ɛfɛsa 4:14

Nba, wo kana ma dennɛnu na tun ka to finki-fankala. Wo kana ma iko fɔnyɔ ye kulɔn latonko-tankala nya min. Woletɔ hallitorenu ba anu taya ka wo yanfa karan-kurɛ la tumɛ min, anu kana wo lasama kilɛ ma.

2 Tɛsalonaika 2:3

Wo kana sɔn, mɔgɔ-wo-mɔgɔ ni wo yanfa kila-wo-kila fɛ. Yanni ma tigi ni na tumɛ min, mɔgɔ siyaman si anu kan-kɔ sɔ Alla la, ado ale min bi Alla kɛlɛla, ale fanan si bɔ gbɛ rɔ.

1 Timoti 2:14

Duguma-fan ma Hadama yanfa fɔ ala musi. Setanɛ ya ma mama Hawa le fɔlɔn bolo labira ka hakɛ kɛ Alla la.

2 Timoti 3:13

Kɔnɔ mɔgɔ-yogomɛnu anubɛ yanfantenu si to yogoyala dɛɛ ha anu ni donu yanfa, ado anu bara anu nyɛrɛ fɔlɔn yanfa.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

1 Yɔni 5:19

Ma ya a lɔn fanan ko Allatɛ le male la kɔnɔ duninya bɛɛ ye Setanɛta sɛnbɛ kɔrɔ.

Yude 1:9

Hali melika-kun-tigi Maikali ma wo ko-su kɛ anubɛ Setanɛ ye kɛlɛla Musa furi kuma tumɛ min. Hali wo, Maikali ma sɔn Setanɛ mɔɛnna fɔ ka a fɔ ko, “Mari ni i makuma!”

Lankɛnimayɛ 12:12

Woletɔ san-kole anubɛ wole min bɛɛ siginɛ nyɔ, wo ni sewa bɛrɛkɛ! Kɔnɔ gbalo ye dugu-kole anubɛ kɔgɔ-yi kuma bawo Setanɛ ara yigi wonu ma. A yisi bɔnɛ kati, bawo a ya a lɔn ko wati-kundu-ni dɔrɔn de tonɛ ale ye.”

Lankɛnimayɛ 12:3

Kabana-ko-gbɛrɛ bɔra Arinyɛni tɔ. Ninkinanka-wulen-ba bɔra gbɛ rɔ nyɔ. A kunyɛ wɔrɔnfila. A kere tan. Mansaya-fulɛ ye a kunyɛ wo kelen-kelennamɛ-bɛɛ la.

Lankɛnimayɛ 12:7

Wo kɔma, kɛlɛ kɛra san-kole rɔ! Maikali anubɛ ata melikanu ya ninkinankɛ wonubɛ ata melikanu kɛlɛ,

Lankɛnimayɛ 12:8

ado anu ya nɔ-ko sɔrɔn ninkinankɛ ma. Anu ma sɔn ko ninkinankɛ anubɛ ata melikanu ni to Arinyɛni tɔ tun!

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 16:14

Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (

Lankɛnimayɛ 18:2

A gbele-gbelenta kan-ba la ko, “A ara bui! Babilɔn-so-belebele ara bui fogbo! A ara ma nyinɛnu anubɛ nyina-kɔsɔnɛnu barɛ la gbɛ! Koni-yogoma-su bɛɛ anubɛ koni-haramunɛnu denu gbansan ladɛnnɛ a rɔ kaka.

Lankɛnimayɛ 18:23

Hali lɛnpu-waan fenfen ti yen a rɔ tun. Kɔɛn-kura-tolon ti kɛ ale soe wo burɔ tun. Sɛnbɛ ye ala yilanu bolo duninya kan tinɛ bɛɛ rɔ nun, ado a ya duninya-mɔgɛ bɛɛ yanfa ala foninya-duriyɛ la!”

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 2:24

“ ‘Kɔnɔ donu bi wole Tayataira chɔchi-mɔgɛnu tɛma minnu ma bila karan-yogomɛ kɛ fɛ. Mɔgɛnu bi min kelela ko, “Setanɛla gbundu-ko-wɛ,” wo ma wo karan. Nba, n ti dunu-gbɛrɛ sa wo kuma.

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 20:8

Sibole minnu nyɛnsɛnnɛ duninya kan bɛɛ rɔ, a si ta ka wonu yanfa, Kɔgi anubɛ Megogi nyamanɛnu, kɔni. Setanɛ si na wonu dama la ka anu nadɛn kɛlɛ-kɛ-koe la. Anu siya iko kɔgɔ-yi-kɛnkɛn siya nya min.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.

Lankɛnimayɛ 9:1

Wo kɔma, melika loli nyɔgɛ ya ata buri fɛ. N ya lole min yen bɔla san ma nun ka bui dugu-kole kuma, Alla ya denka-dan-yenbɛlɛ da-nyin di wo ma.

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.