Lankɛnimayɛ 12:2 - ALLALA KUMƐ

² A buyi gbiliyanɛ, ado a ye dila den-sɔrɔn-dumɛ anubɛ a tɔrɔyɛ kɔrɔ.

Lankɛnimayɛ 12:2 ပူးပေါင်းရင်းမြစ်များ

Aiseya 26:17

Kɔnɔ Mari, i wara a ma, ma ara ma dɛ sa-a-rɔ iko musi bui wa a lamaga.

Aiseya 53:11

Ala tɔrɔyɛ mumɛ bɛɛ wa tenbi a kun na, wo si a laban a bolo sewɛ ma. Wo kɔma, a ni to a lɔnna ko a ma tɔrɔ-fu kɛ. Mari ko ata wɔli-kɛlɛ si a ma, mɔgɔ-siyaman na ni telen Mari ye. A si ta anu hakɛ la a bolo.

Aiseya 54:1

Mari ko ile Yerusalɛm soe mani de iko musu-gbandɛ. Kɔnɔ kaka, i ni gbele-gbelen nyagalen-sigi sa tinɛ. I si yiri ka tenbi nyaganɛ la minna kei ma a yili rabɔ tele-kelen-bɛrɛni!

Aiseya 66:6

Wo ni wo tole masɔ yerelen-kan la Yerusalɛm soe burɔ. Wo ni wo tole masɔ sɔnkɔ-sɔnkɔ-kan la Bato-Bɔn la. Mari le a yogenu tɔrɔ tinɛ wo la. Tɔrɔyɛ min bɛnnɛ anu ma yɔ, a ye wo le sigila anu ma wo la.

Maika 4:9

“Kaka gbɛ, nfen bi a tola, wole ko-yogoma-kɛlɛnu bi gbele-gbelenna ka? Nfen bi a tola, wo ye tɔrɔla kɛ nya kaka iko musi buyi wa a lamaga. Nfen bi a tola, wola mansɛ anubɛ wola hɛnkilimɛnu ti ke wo dɛnbɛna kaka?

Maika 5:3

Mari si ata mɔgɛnu gbala anu yogenu bolo ha a na ni a sɔrɔn tumɛ min. Kɛ wa ma tumɛ min, kun-tigi kɛ na-kelen-nyɔgɛ Isirɛla mɔgɛ minnu tanyɛnsɛnnɛ, wonu si sɛgi ka kofu anu na-kelen-nyɔgɛnu ma Isirɛla nyamanɛ rɔ.

Matiyu 24:8

Wola tɔrɔyɛnu dabirɛ le kɛnu na dɔrɔn.

Yɔni 16:21

Ni musi ye a nyɛrɛ-masɔrɔn tinɛ, a yisi si gbala ata tɔrɔyɛla ko la. Kɔnɔ a wa dan sɔrɔn tumɛ min, a si nyina ala tɔrɔyɛ wo ko ka sewa bawo dan ara sɔrɔn a ye.

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

Kalesiya 4:27

A sɛbɛnɛ Allala kitabu rɔ ko, “Musu-gbandɛ, i ni sewa! Kaka, ile min ma den-sɔrɔn-dumɛ lɔn, i ni i kuli mayɛlɛ ka nyagalen-sigi sa. Bawo musu-bolokani-kɔrɛ, wo si yiri ka tenbi musi bɛɛ la.”

Lankɛnimayɛ 12:4

Lolɛnu faranɛ sigi tina sawa la, a ya wo sigi tina kelan sagan a fɔɛn la ka bɔ san-kole rɔ ka anu nafili dugi ma. Musi min buyi gbiliyanɛ, a sɔra wo yakɔrɔ alako wo wa dan sɔrɔn nya min wo, a ni dan wo dɔn.