Lankɛnimayɛ 12:12 - ALLALA KUMƐ

¹² Woletɔ san-kole anubɛ wole min bɛɛ siginɛ nyɔ, wo ni sewa bɛrɛkɛ! Kɔnɔ gbalo ye dugu-kole anubɛ kɔgɔ-yi kuma bawo Setanɛ ara yigi wonu ma. A yisi bɔnɛ kati, bawo a ya a lɔn ko wati-kundu-ni dɔrɔn de tonɛ ale ye.”

Lankɛnimayɛ 12:12 ပူးပေါင်းရင်းမြစ်များ

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Hiburunu 10:37

Iko a sɛbɛnɛ Allata kitabu rɔ nya min, a ko, “Wati-kundunɛ ara to, min bi nala, wo si na. A sa mɛla tun.

2 Pita 3:8

Kɔnɔ n diyana-mɔgɛnu, wo kana nyina ko kelan kɛ ko! Mari yala, dan-nafara mumɛ sa tele kelan anubɛ san waga kelan tɛma. Wo filɛ bɛɛ rakɛn de ale yala.

Lankɛnimayɛ 10:6

A ya a gboro Alla rɔ min nimayanɛ habadan! San-kole anubɛ fan minnu bi a rɔ wo, dugu-kole anubɛ a kuma-fannu wo, kɔgɔ-yi anubɛ fan minnu bi a rɔ wo, ale le ya wo bɛɛ dan. Melika ko, “Matanbani mumɛ ti kɛ tun!

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.

Lankɛnimayɛ 11:14

Gbalo fila nyɔgɛ ara tenbi kɔnɔ a makɔnɔ, a sawa nyɔgɛ si na tiriya!

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:6

A wulita Alla dankala ka a tɔgɔ tinya. Wo kɔma, Alla mayiginɛ kan min, a ya nyɔ danka. Min sanɛ wo kuma fanan, min bɛɛ siginɛ Arinyɛni tɔ, a ya wonu fanan danka.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 8:13

Nba, n ya n yɛ layɛlɛ. N ya kokɛ-kan lamɔɛn firifirila san ma pon! A kumara kan-wɛ la ko, “E, gbalo! E, gbalo! Melika sawɛ min tonɛ, wonu ba anuna burinu fɛ tumɛ min, a si ma gbalo-wɛ la bɛɛ ye minnu siginɛ dugu-kole kuma.”

Lankɛnimayɛ 9:12

Gbalo fɔlɔtɛ ara tenbi. Kɛ kɔma, a ara to gbɛ gbalo fila.