Lankɛnimayɛ 11:6 - ALLALA KUMƐ

⁶ Sarati ye anu bolo ka san-kole dɛ latugun. Woletɔ anu bi Allata kumɛ fɔla wati minnu tɔ, bandɛ ti na mumɛ! Sarati ye anu bolo tenkenu kuma ka anu yɛlɛma yele la. A wa diya anu ye tuma-wo-tuma, sarati ye anu bolo fanan ka dugu-kole tɔrɔ fitina-su bɛɛ la.

Lankɛnimayɛ 11:6 ပူးပေါင်းရင်းမြစ်များ

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

Luka 4:25

“Wo ni wo tole masɔ. Tonyɛ le, Nɛbi Ilayata wati rɔ, kɛɛ-musi siyaman bi Isirɛla mɔgɛnu tɛma nun. Bandɛ ma na san sawa anubɛ a tala tumɛ min, kɔnkɔ-fitinɛ donta dugi wo bɛɛ rɔ.

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”

Lankɛnimayɛ 16:3

Wo kɔma, melika fila nyɔgɛ ya ata pani-kunbɛ rawuya kɔgɔ-yi rɔ. Yi wo mara iko mɔgɔ-faganɛ-yele. Dali-fan bɛɛ fagara kɔgɔ-yi rɔ.

Lankɛnimayɛ 16:4

Wo kɔma, melika sawa nyɔgɛ ya ata pani-kunbɛ rawuya bɛnu anubɛ tenkenu tɔ. Wo dama yɛlɛmanta yele la.

Lankɛnimayɛ 8:8

Wo kɔma, melika fila nyɔgɛ ya ata buri fɛ. Fan min manɛ iko tɛ siginɛ kɔnkɔ-belebele min tɔ, wo lakɛra kɔgɔ-yi rɔ. Kɔgɔ-yi faranɛ sigi tina sawa la, wo sigi tina kelen yɛlɛmanta yele la.

1 Samuwɛli 4:8

Yon si ke male lakisila anuta Alla-makawanɛ kɛnu bolo gbɛ? Alla kɛnu denu ya tɔrɔya-fitinɛnu sigi Iyipiti kɛnu ma ka anu faga wulɛ rɔ.