Lankɛnimayɛ 11:3 - ALLALA KUMƐ

³ N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”

Lankɛnimayɛ 11:3 ပူးပေါင်းရင်းမြစ်များ

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

2 Samuwɛli 3:31

Dawuda ya a fɔ Yohabu anubɛ ala kɛlɛ-dannu ye ko anu ni di Abinala ko la. Anu ni anuna durukinu tafara ka kasa-duruki don. Anu bi tala Abina furi la furi-bi-fan kuma kaburu-soe la tumɛ min, Dawuda nyɛrɛ-nyɛrɛ bilara anu fɛ.

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

2 Mansɛnu 19:1

Mansa Hɛsakaya ya kumɛ wonu namɔɛn tumɛ min, a ya ala duruki rafara yisi-tinyɛ bolo. A tara kasa-kurɛ don a kan na. A tara Mari Bato-Bɔn la.

1 Ko-Kɔrɔta-Karan 21:16

Mansa Dawuda ya ale niyi-bɔ-melika yen sɔnɛ san anubɛ dugu tɛma. Faan ye a bole la. A ye Yerusalɛm kasara-koe rɔ. Mansɛ anubɛ ala mɔgɔ-banu ya kasa-duruki don anu kan na. Anu damasi ya anu madu ka anu kunyɛ gbangban dugu ma.

Nihɛmaya 9:1

Karɛ wo nyɛrɛ, a tele mogan-ni-nani nyɔgɛ ma, Isirɛla mɔgɛnu ya anu nadɛn ka sunyɛ don alako anu ni anuta yisi-lafinyɛ yira Mari la. Anu ya kasa-kurɛnu kɛ anu ma ka gbangban kɛ anu kunyɛ rɔ ka diyi-kɛ sɔnsɔn a la. Wo si a yira ko anu nimisanɛ. Wo wati ya a taran, anubɛ sibolo-gbɛrɛnu sa gbundu kelen tɔ tun. Anu bara anu fara wonuta gbundi la nun. Wo kɔma, anu ya anu sɔ anu hakɛ la anubɛ anu benbanu bara min tinya.

Yobu 16:15

A manɛ iko kasa-kurɛ ara kara n fɛrɛ ma. N yisi-tinyanɛ siginɛ gbangban rɔ.

Yaburi 69:11

N bi n makirila diyi-kɛ-kurɛnu na kɔnɔ anu bi n mayɛlɛnna.

Aiseya 22:12

Wo wati rɔ, ma Tigi Mari Sɛnbɛ-Bɛɛ-Tigi ya a fɔ wo ye ko wo ni wo kunyɛnu gbana ka kasa-durukinu bila wo kan na di-kɛ-tinɛ

Yɛrɛmaya 1:10

Ka a dabira bi ma, n bara sibole anubɛ nyamanɛnu natenbi i ma. I si donu wurun ka donu fanka mayigi. I si donu kasara ka donuta mansayɛ bi anu bolo. I si donu sigi mansayɛ la ka donu sɔ fanka rɔ fanan.”

Nimisa Koe 2:10

Yerusalɛm mɔgɔ-banu-makinikininɛ sigini dugi ma. Gbangban kɛnɛ anu kunyɛ rɔ. Kasa-kurɛ bilanɛ anu kan na alako ka a yira ko anu bi saya-di-kɛ tinɛ. Hali sunkurun-mɛsɛnu, wonu sanɛ dugi ma yisi-tinya bolo.

Isikiyɛli 4:6

Wo wa ka-a-la, i ni i sa i bolo ma i bolo-nyimɛ kuma tele bi-nani (40) ka a tɛgɛ Yuda bɔnsɔn-mɔgɛnuna hakɛla ko ma. I ye tele kelen-kelan min bɛɛ bɔla nyɔ, wo si ma anu ma iko san kelen-kelen tɔrɔyɛ.

Daniyɛli 12:7

Melika wo ya a bolo filɛ layɛlɛ san ma ka lanyiri kiri habadan-Mari tɔgɛ rɔ. Nde, Daniyɛli ya a lamɔɛn a ye a fɔla ko, “A si san sawa ani a tala bɔ. Allata mɔgɛnuta tɔrɔya-wati wa ban tumɛ min, wo le ye a taranna ko-nya kɛ damasi ara ka-a-la.”

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 8:14

Melika doi fanan ya a yabi, a ko, “Anu si to kɛ kun na tele waga kelen, tele kɛmɛ kelen ani tele bi-loli kɔrɔ (1,150). Tele kɛnu ma, anu si to foola saraka-bɔɛ la sɔgɔma ani wurɛ la tele-wo-tele. Tele kɛnu ba tenbi tumɛ min, Bato-Bɔn wara-koe si ta a kilɛ fɛ.”

Yowɛli 1:13

Wole saraka-masɔlɛ minnu bi wɔlila saraka-mintan-tinɛ, wo ni kasa-kurɛnu don ka di biribiri! Wo ni to mata Alla Bato-Bɔn la ka ki dila kudu, bawo fui-fan anubɛ minni-fen, wonu fenfen sa nala Bato-Bɔn la tun.

Yona 3:5

Ninɛfa mɔgɛnu lara Allata sarakanɛ la. Anu dama tora kan kelen tɔ. Anu ko mɔgɛ bɛɛ ni kasa-kurɛ kɛ anu kan ma ka a yira ko anu bara tubi. Bolo-kolon wo, fen-tigi wo, mɔgɛ bɛɛ ya sunyɛ don.

Yona 3:8

Mɔgɛ bɛɛsi ni kasa-kurɛ kɛ a kan ma ka donu kiri anuna kolo-fannu na. Mɔgɛ bɛɛ ni anu sɔn-yogomɛnu boloka ka fara ko-yogomɛnu na. Ma ni Alla matara sɛnbɛ la.

Yilan-Yilan Koe 11:26

Kɔnɔ Musata mɔgɔ-ba-yabɔni filɛ, Ɛledadi anubɛ Midadi, wonu ma ta ladɛn wo rɔ. Wonu tora dagɛ rɔ, woletɔ anu foora ladɛn wo la. Kɔnɔ hali wo, Marita Sɛnbɛ tara ka yigi anu kuma dagɛ rɔ nyɔ. Anu fanan ya a dabira ka wɔlɔyiya-kumɛ fɔ mɔgɛnu tɛma.

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Matiyu 18:16

Kɔnɔ ni a ma sɔn i bolo, i ni ta mɔgɔ kelen, ni wo ma, mɔgɔ fila gbɛrɛ la i bolo a wara bawo a sɛbɛnɛ Allata kitabu rɔ ko sereyɛ mɔgɔ kelen ti mɔgɔ yiliki fɔ fila, ni wo ma, sawa.

Luka 10:13

“Wole Koresin so-burɔ-mɔgɛnu, gbalo ye wo kuma! Wole Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛnu bila anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Luka 24:48

Koe kɛnu bɛɛ sereyɛ le wole la.

Yɔni 15:27

Wole fanan si nna ko fɔ bawo wo taranta n fɛ kebi fɔlɔ.”

Yɔni 3:27

Yɔni ya anu yabi ko, “Mɔgɔ ti ke fenfen sɔrɔnna anu nyɛrɛ ma, fɔ Alla wa min di a ma.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 13:31

Anubɛ ala karan-dan minnu bɔra Kalili sigisɔn rɔ ka ta Yerusalɛm, a ya tele siyaman kɛ wonu fɛ, ado wonu denu bi sereyɛ bɔla Isirɛla mɔgɛnu ye kaka.

Kɛwɔlɛnu 2:32

Alla ara Yisa nyɛrɛ kɛ lawuli ka a bɔ furinu tɛma. Ma damasi le sereyɛ wo la.

Kɛwɔlɛnu 3:15

Ale min bi ni-bɛrɛ dila mɔgɛnu ma, wole ya wo faga kɔnɔ Alla le ya a lawuli ka bɔ furinu tɛma. Ata sereyɛ le male la.

1 Kɔrɛnti 12:28

Alla ara bɛɛta wɔlɛ di a ma chɔchi la, a fɔlɔtɛ, kilayɛnu, a fila nyɔgɛ, wɔlɔyiya-kuma-fɔlɛnu, a sawa nyɔgɛ, karan-mɔgɛnu, wo kɔma, kabana-ko-kɛlɛnu anubɛ lakɛndɛyali-sɛnbɛ dinɛ minnu ma anubɛ minnu si ke bolo-kolɔnnu dɛnbɛna, minnu si ke kun-tigiyɛ kɛla, ni wo ma, ka kan-gbɛrɛnu fɔ.

2 Kɔrɛnti 13:1

Iko a sɛbɛnɛ Allata kitabu rɔ nya min ko, “Mɔgɔ kelenna sereya-bɔɛ ti a ma, wo ni mɔgɛ yiliki fɔ sereya fila, ni wo ma, sawa.” Nba, n kinyama sawa nyɔgɔn le kɛ la gbɛ, n bi nala wo kɔndɔnna.

Ɛfɛsa 4:11

Ale le ya “kɔ-fan di mɔgɛnu ma.” A ya donu ma Kirasitita kilayɛnu na ka donu ma nɛbinu na. A ya donu ma kibara-nyima-fɔlɛnu na ka donu ma mɔgɔ-manugunɛgɛlɛnu na minnu si mɔgɛnu karan Allala kumɛ ma.

Tɔn-Fɔɛ-Fila-Nyɔgɛ 17:6

Kɔnɔ wo kana mɔgɔ-wo-mɔgɔ faga mɔgɔ kelenta sereya-bɔɛ ma fɔ a da wa fa fila ma, ni wo ma, ka tenbi wo la.

Tɔn-Fɔɛ-Fila-Nyɔgɛ 19:15

“Mɔgɔ kelenta sereyɛ ti mɔgɛ yiliki fɔ a wa tenbi mɔgɔ kelen na, a ni to yiliki sɔrɔnna.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.

Lankɛnimayɛ 11:6

Sarati ye anu bolo ka san-kole dɛ latugun. Woletɔ anu bi Allata kumɛ fɔla wati minnu tɔ, bandɛ ti na mumɛ! Sarati ye anu bolo tenkenu kuma ka anu yɛlɛma yele la. A wa diya anu ye tuma-wo-tuma, sarati ye anu bolo fanan ka dugu-kole tɔrɔ fitina-su bɛɛ la.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.

Lankɛnimayɛ 13:5

Alla sɔnta ko sogo-feremɛ wo ni a nyɛrɛ kɔrɔbi ka ale Alla-rapɔsi-kumɛnu fɔ. A ya sɛnbɛ anubɛ sarati sɔrɔn Alla bolo karɛ bi-nani ani karɛ fila (42) kɔrɔ.

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.