Lankɛnimayɛ 11:11 - ALLALA KUMƐ

¹¹ Tele sawa ani a talɛ banta tumɛ min, Alla ya anu niyi lasɛgi anu tɔ. Anu ya anu nasɔ. Min bɛɛ ya wo yen, wonu kilanta kati!

Lankɛnimayɛ 11:11 ပူးပေါင်းရင်းမြစ်များ

Ko-Dabirɛnu 2:7

Wo kɔma, Mari Alla ya kei dan ka bɔ bɔnkɛ rɔ. Alla ya a nyɛrɛ niyi bila a sunyɛ rɔ. Kei wo ya niyila fɛyɛ dabira. A mara dali-fen-kɛndɛ la.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Kɛwɔlɛnu 5:11

Allata chɔchi anubɛ min bɛɛ ya kɛ lamɔɛn, wonu kilanta ha ka a dan natenbi.

Kɛwɔlɛnu 5:5

Ananayasi ya wo lamɔɛn nkɛkuna, a buira. A niyi bɔra. Min bɛɛ ya wo lamɔɛn, wonu kilanta kati!

Romu 8:11

Allata Ni-Sɛnimɛ ya ale Yisa lawuli ka bɔ furinu tɛma. Ni ata Niyi siginɛ wo rɔ, ale le si niyi di wo bagbu-faganɛ fanan ma Allala Ni-Sɛnima wo baraka rɔ.

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 11:9

Sibole bɛɛ anubɛ bɔnsɔn bɛɛ anubɛ mɔgɔ-su bɛɛ iko anuna kan faranɛ nya min, wonu si nɛbi wonu furi mafɛlɛn tele sawa ani a tala kɔrɔ. Anu ti sɔn wonu togon-koe ma.