Lankɛnimayɛ 10:6 - ALLALA KUMƐ

⁶ A ya a gboro Alla rɔ min nimayanɛ habadan! San-kole anubɛ fan minnu bi a rɔ wo, dugu-kole anubɛ a kuma-fannu wo, kɔgɔ-yi anubɛ fan minnu bi a rɔ wo, ale le ya wo bɛɛ dan. Melika ko, “Matanbani mumɛ ti kɛ tun!

Lankɛnimayɛ 10:6 ပူးပေါင်းရင်းမြစ်များ

Ko-Dabirɛnu 14:22

Kɔnɔ Burama ya a fɔ Sɔdɔm so-tigi wo ye ko, “Fɔ kɛlɛ-dannu ya minnu dɔn kilɛ la, n kan sa wonu ma. Wo kɔma, i ni n diyana-mɔgɛnutɛ bɔ nɔnfuli la minnu tara n fɛ kɛlɛ rɔ, Mamire anubɛ Aneri anubɛ Esikoli, kɔni. Kɔnɔ n bara lanyiri kiri Mari Alla ye min bi fan bɛɛ kun na, min ya san-kole anubɛ dugu-kole dan ko ile so-tigitɛ ye fan minnu na, hali wo sanbara-yili anubɛ yesekara-kolo kelan, n ti wonu bi i bolo. N bi wo tɛgɛla min ma, alako i kana a fɔ n kɔma ko i wara nde ma nɔnfulu-tigi la.”

Bɔ-Koe-Iyipiti 20:11

Nde, Mari le ya san-kole dan anubɛ dugu-kole anubɛ kɔgɔ-yi anubɛ fan min bɛɛsi ye duninya rɔ. N ya wo bɛɛ dan tele wɔrɔ le kɔrɔ ka n sulen a tele wɔrɔnfila nyɔgɛ ma. Woletɔ nde, Mari ya nta duwɛ to a tele wɔrɔnfila nyɔgɛ ma ka a ma tele-sɛnimɛ la.

Bɔ-Koe-Iyipiti 6:8

N ya lanyiri kiri nyamanɛ min di-koe rɔ Iburayima anubɛ Isiyaka anubɛ Yakoba ma, n si a ma, anu ni ta anu sigi nyamanɛ wo rɔ. N si nyamanɛ wo ma anu halalɛ la.”

Isikiyɛli 20:5

Nta kumɛnu fɔ anu ye. N ya Isirɛla mɔgɛnu yabɔ n nyɛrɛ ye tumɛ min, n ya anu yili-madiya koe donu tɔ. N ya n nyɛrɛ wara-koe lagbɛ anu ye Iyipiti nyamanɛ rɔ ka a fɔ anu ye ko anuta Mari Alla le nde la.

Daniyɛli 12:7

Melika wo ya a bolo filɛ layɛlɛ san ma ka lanyiri kiri habadan-Mari tɔgɛ rɔ. Nde, Daniyɛli ya a lamɔɛn a ye a fɔla ko, “A si san sawa ani a tala bɔ. Allata mɔgɛnuta tɔrɔya-wati wa ban tumɛ min, wo le ye a taranna ko-nya kɛ damasi ara ka-a-la.”

Yilan-Yilan Koe 14:30

N bara ban a latɛgɛla bawo wo ya a fɔ nun ko Kenannu si wo kɛlɛ ka wola dannu bi wo bolo. Wole ya wo ban nyamanɛ min na, wo le ye nala tola wola dannu ye gbɛ! Nyɔ si ma anu barɛ la. N ya lanyiri kiri wo ye nun, n ko wo ni sigi nyɔ kɔnɔ wo do-wo-do ti sigi nyɔ tun fɔ Kelabu anubɛ Yasowa.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 12:12

Woletɔ san-kole anubɛ wole min bɛɛ siginɛ nyɔ, wo ni sewa bɛrɛkɛ! Kɔnɔ gbalo ye dugu-kole anubɛ kɔgɔ-yi kuma bawo Setanɛ ara yigi wonu ma. A yisi bɔnɛ kati, bawo a ya a lɔn ko wati-kundu-ni dɔrɔn de tonɛ ale ye.”

Lankɛnimayɛ 16:17

Wo kɔma, melika wɔrɔnfila nyɔgɛ ya ata pani-kunbɛ rawuya fɔnyɔ rɔ. Kuman-kan-ba bɔra mansaya-sigi-fan rɔ Alla-Bato-Bɔn la. A ye a fɔla ko, “A ara ban!”

Lankɛnimayɛ 21:6

Nba, a ko, “A ara ban! A fɔlɔtɛ anubɛ a laban le nde la, ado a dabirɛ anubɛ a kundɔn le nde la fanan. Mɔgɔ-wo-mɔgɔ kan lagbalanɛ, n si nimaya-tenke-yi di wo ma min sɔnkɔ sa.

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”

Lankɛnimayɛ 4:9

Dali-fen nani wonu bi tola bonyɛ anubɛ gbiliyɛ anubɛ baraka-birɛ bɔla a ye tumɛ bɛɛ, ale min mayiginɛ mansaya-sigi-fan rɔ, kɔni. A nimayanɛ nyɔ habadan! Anu tenbi wo mala,

Lankɛnimayɛ 6:11

Alla ya duruki-gbɛ di mɔgɔ-tɔrɔnɛ wonu kelen-kelennamɛ-bɛɛ ma. Alla ya a fɔ anu ye ko anu ni anu sulen wati-ni kɔrɔ fɔlɔn. Anu ni anu wɔli-kɛ-nyɔgɛnu anubɛ anu na-kelen-nyɔgɛnuna sayɛ makɔni alako anu yatɛ ma ni kofu.