Lankɛnimayɛ 10:3 - ALLALA KUMƐ

³ A gbele-gbelenta a kan-bɛ la. A kuman-kan manɛ iko yarɛ-borondo-kan. A ban gbele-gbelenna tumɛ min, san-sɛrɛn wɔrɔnfilɛ ya a yabi wɔrɔnde la.

Lankɛnimayɛ 10:3 ပူးပေါင်းရင်းမြစ်များ

Yaburi 29:3

Mari kuman-kan ye bɔla kɔgɔ-yi kuma. A tenbi kumala, a mani de iko fɔnyɔ anubɛ san-gbalamɛ.

Hɛnkilimaya-Kumɛnu 19:12

Ni mansɛ diminyara i ma, wo mani de iko yarɛ tenbi bɔrɔndɔ-bɔrɔndɔla kɔnɔ ni a sewara i la, wo mani de i ye iko banda-kun-fɔlɛ.

Aiseya 31:4

Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Aiseya 42:13

Mari si ta kɛlɛ-kɛ-tinɛ iko kɛlɛ-kurugbɛ! A rabɛnnɛ kɛlɛ-kan ma, ado kɛlɛ-sɔgɛ ye a la fanan. A ye tala mankan tugula a yogenu ma. A si ata sɛnbɛ yira a yogenu na.

Aiseya 5:29

Kɛlɛ-dannu bi bɔrɔndɔ-bɔrɔndɔla iko yara-tamatoe tenbi ala sogo-faganɛ saganna, fen ti a bi a da la kan min.

Yɛrɛmaya 25:30

Mari ko nde, Yɛrɛmaya ni a kuman-kan kɛ bɛɛ rakaran wole, ata mɔgɛnu ye ko ale Mari bɔrɔndɔ-bɔrɔndɔ-kan si bɔ Arinyɛni tɔ. A si san-sɛran nabɔ san-kole kɔma pon! A si bɔrɔndɔ-bɔrɔndɔ ala mɔgɛnu ma. A si yerelen tɛgɛ iko konima-dannu. A si kuma duninya-mɔgɛ bɛɛ ma.

Isikiyɛli 10:5

Hali mɔgɛ tenbi kata kɔma, i si nima-fan wonu kanban-tagbesi-kan lamɔɛn. A kuman-kan kolo iko Alla Sɛnbɛ-Bɛɛ-Tigi kan.

Hoseya 11:10

“N ba nyɛɛ wo yogenu ma iko yarɛ min bi wɔrɔndɔla, wo si bila n fɛ. Wo si wo buri nala ka bɔ tele-yigi wara la.

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Emɔsi 1:2

Nɛbi Emɔsi ko, “Mari ye seren-serenna Yerusalɛm kɔnkɔ-layan-bɛ kuma iko yara-kɔnkɔtoe. A kuman-kan manɛ Yerusalɛm kuma iko san-gbalamɛ. A kuman-kan si a ma, anuna saga-de-nyini-tinɛnu ni gbala wau!” Siriyanu

Lankɛnimayɛ 14:2

Wo kɔma, n ya kuman-kan lamɔɛn bɔla Arinyɛni tɔ. Wo manɛ iko wasa-sɛnbɛlamɛ-kan. A manɛ fanan iko san-sɛrɛn-kan. N ya kuman-kan min namɔɛn, wo manɛ fanan iko sɔrɔn-fɔlɛnuna sɔrɔn-kan.

Lankɛnimayɛ 15:1

Wo kɔma, n ya kabana-ko-makawani-gbɛrɛ yen Arinyɛni tɔ. Melika wɔrɔnfila ye nyɔ anubɛ anuna fitina wɔrɔnfilɛ. Fitina laban le wonu na bawo Allala diminyɛ da si fa wonu denu na.

Lankɛnimayɛ 15:7

Dali-fen nanɛ wo kelen ya sɛnɛ-pani-kunba wɔrɔnfilɛ di melika wɔrɔnfilɛ wonu ma. Pani-kunbɛ wonu nafanɛ habadan-Allata diminyɛ la.

Lankɛnimayɛ 4:5

Banda-nyin-masɔgɛ anubɛ banda-tugu-kan anubɛ san-sɛrɛn-kan ye bɔla mansaya-sigi-fan wo rɔ min bi anu tɛma. Ta-mɛlɛn wɔrɔnfilɛ ye malanna mansaya-sigi-fan wo yakɔrɔ fanan. Allata Ni wɔrɔnfilɛ le wonu na.

Lankɛnimayɛ 8:5

Wo kɔma, melika wo ya fen-suma-diyama-dagɛ wo bi. A ya dagɛ wo lafa tɛ la saraka-bɔ-tinɛ kuma ka a lakɛ dugu-kole kuma. San-sɛrɛn-kan anubɛ banda-tugu-kan bɔra. Bandɛ ya a nyin masɔgɔ. Dugi yɛrɛyɛrɛnta.