Lankɛnimayɛ 10:11 - ALLALA KUMƐ

¹¹ Wo kɔma, kuman-kan ya a fɔ n ye ko, “I ni wɔlɔyiyɛ kɛ mɔgɔ siyamanna ko la tun anubɛ sibolo-siyamɛ anubɛ a mansa-siyamɛ iko anuna kan faranɛ nya min.”

Lankɛnimayɛ 10:11 ပူးပေါင်းရင်းမြစ်များ

Yɛrɛmaya 25:13

Mari ara kasarɛ minnu bara-koe fɔ sibolo-gbɛrɛnuna ko la, wonu fɔra nde, Yɛrɛmaya ye, ado wo sɛbɛra buku kɛ rɔ. A ko a si Babilɔn tinya kasarɛ wonu na.

Isikiyɛli 37:4

Wo kɔma, a ya a fɔ n ye tun ko, “Nna kumɛ fɔ kole kɛnu ye. A fɔ anu ye ko anu ni anu tole masɔ nde, Marita kumɛ la.

Isikiyɛli 37:9

Wo kɔma, Mari ya a fɔ n ye ko, “Ile hadama-dan, nna kumɛ fɔ fɔnyɔ ye. A fɔ a ye ko a Tigi Mari ye ale fɔnyɔ lawulila ka bɔ duninya-tonko-nanɛ bɛɛ rɔ. A ni na a lafɛ furi kɛnu tɔ alako anu ni anu niyi sɔrɔn tun.”

Lankɛnimayɛ 10:10

N ya gbolo-lamininɛ bi melika wo bolo ka a dɔn. A diyara n da rɔ iko liyi kɔnɔ n banta a lakununa tumɛ min, a kunayara n burɔ.

Lankɛnimayɛ 11:1

Wo kɔma, melika do ya fen-suman-kɔlɔma di n ma. A ko, “I lasɔ ka Alla-Bato-Bɔn anubɛ saraka-bɔ-tinɛ suman. Ta batoli-kɛlɛnu dan minnu bi Alla-Bato-Bɔn la.

Lankɛnimayɛ 11:9

Sibole bɛɛ anubɛ bɔnsɔn bɛɛ anubɛ mɔgɔ-su bɛɛ iko anuna kan faranɛ nya min, wonu si nɛbi wonu furi mafɛlɛn tele sawa ani a tala kɔrɔ. Anu ti sɔn wonu togon-koe ma.

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.

Lankɛnimayɛ 17:10

ado i ya mansa lolɛ minnu yen nun, wonu bara bui kɔnɔ kelan wo ye mansayɛ la fɔlɔn. Kelan wo min ma na wɛ, wo wa na tumɛ min, a si to mansayɛ la wati-kundu-ni kɔrɔ.

Lankɛnimayɛ 17:12

“I ya kere tan min yen wo la, mansa tan de wo la minnu ma wuli wɛ mansayɛ kɛla kɔnɔ anu bi sarati sɔrɔnna hawa kelen pe le kɔrɔ anuna mansaya-koe rɔ sogo-feremɛ wo fɛ.

Lankɛnimayɛ 17:15

Melika ya kɛ fɔ n ye fanan. A ko, “I ya musu-yɛlan wo siginɛ yen bɛ minnu dafɛ, mɔgɔ-su bɛɛ le bɛ wonu na anubɛ sibolenu anubɛ nyama iko anuna kan faranɛ nya min.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.