Lankɛnimayɛ 1:5 - ALLALA KUMƐ

⁵ Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 1:5 ပူးပေါင်းရင်းမြစ်များ

Yaburi 51:2

I ni n yisi ku alako a ni gbɛ. I ni n yesi ka n hakɛ bɔ n ma.

Yaburi 72:11

Mansɛ bɛɛ si anu madu a kɔrɔ. Sibole bɛɛ si wɔlɛ kɛ a ye.

Yaburi 89:27

Ile Alla si a fɔ worɔ ko, “Nna sarɛ le ile la. I kolo mansɛ bɛɛ ko.”

Hɛnkilimaya-Kumɛnu 14:5

Sereya-bɔla-nyimɛ ti foninyɛ fɔ kɔnɔ sereya-bɔla-yogomɛ si foninya-gbansan de fɔ.

Aiseya 55:4

Mari ya Dawuda ma kun-tigi anubɛ kɛlɛ-kurugbɛ la sibolenu ye. Mari ya ata fanka mayira anu na Dawuda le tɔ.

Daniyɛli 2:2

A ya kilayɛ lata ala durinu anubɛ ala bolo-tafɛlɛnnɛnu anubɛ ala ko-rayennɛnu anubɛ ala hɛnkilimɛnu ma ka anu kele alako anu ni ala kiyo wo kɔrɛ rakaran a ye. Anu sɔra mansɛ yarɔ tumɛ min,

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Yɔni 13:1

Nba, a ara to nun tele kelen yanni Kanan-Ko-Ladiyɛ ni ke. Yisa ya a lɔn ko ala wati ara ke ka bɔ duninya rɔ ka sɛgi a Fa Alla warɛ. Atɛ ye minnu na duninya rɔ, wonu di a ye, ado wonu di a ye ka a dan natenbi.

Yɔni 13:34

“N bara tɔn-kurɛ di wo ma ko wo ni wo nyɔgɔn keni. Wo ni wo nyɔgɔn keni iko n bara wo keni nya min.

Yɔni 15:9

“N Fa Alla ya n keni nya min, nde fanan ya wo keni wo nya le. Wo ni to nta keninteyɛ tɛma den!

Yɔni 18:37

Pailɛti ya a manyinika worɔ ko, “Nba, mansɛ le ile la worɔ, wa?” Yisa ya a yabi ko, “I wara tonyɛ le fɔ ko mansɛ le nde la. N nara duninya kɛ rɔ ko-kelen-pela ko la alako ka Allala tonyɛ fɔ mɔgɛnu ye. Min bɛɛ ye nyinina tonyɛ ma, wonu si anu tole masɔ n na.”

Yɔni 3:11

N bi tonyɛ fɔla i ye, ma ya min lɔn, ma ye wo lela koe fɔla. Ma ara min tayen, ma ye wo rakaranna. Hali wo, mɔgɔ kelen bɛrɛn sa wole rɔ, min lanɛ mala sereyɛ la.

Yɔni 3:16

Alla le ya duninya keni ha a ya ala den-kei kelen pe ni. Mɔgɔ-wo-mɔgɔ wa dɛnkɛninya a ma, wo ti halaki fɔ ka habadan-nimayɛ sɔrɔn.

Yɔni 3:32

A ara min tayen ka a lamɔɛn, a ye wo le fɔla kɔnɔ mɔgɔ ma ala kumɛ bira.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Kɛwɔlɛnu 26:23

Anu ko a fɛrɛ sa, fɔ ale Allata-Mɔgɔ-Yabɔnɛ ni tɔrɔ. Wo kɔma, a ni ma a mɔgɔ fɔlɔtɛ la min si wuli ka bɔ furinu tɛma. Anu ko a ni na waan la Yahudiyanu anubɛ sibolo-gbɛrɛnu ye.”

Romu 3:25

Alla ya ale Yisa ma hakɛ-sarakɛ la alako a ni mɔgɛnuna hakɛ makoto ata sayɛ fɛ. Min ba dɛnkɛninya wo ma, wo tigi la si telen Alla yala worɔ. Fɔlɔ-nun, Alla ya a mun mɔgɛnuna hakɛ kɔrɔ

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Ɛfɛsa 2:4

Ma faganɛ fɔlɔ-nun mala kuma-birabɛlitayɛ bolo kɔnɔ hali wo, Allata hinɛ waranɛ ma ma. Ala keninteyɛ kolo ma ye min kɛ, a ya ma lawuli tun alako ma ni ni-kurɛ sɔrɔn Kirasiti baraka rɔ. Ma kisinɛ Allata hinɛ le fɛ.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Tɔn-Fɔɛ-Fila-Nyɔgɛ 18:2

Anu ti anu halala-dugi sɔrɔn iko bɔnsɔn-toenu si anutɛ sɔrɔn nya min. Anu denu baralɛ, anu ya gbiliyɛ sɔrɔn ka ma saraka-masɔlɛnu na Mari ye iko a ya lanyiri kiri anu ye nya min.

Tɔn-Fɔɛ-Fila-Nyɔgɛ 23:5

Hali wo, wota Mari Alla ma sɔn Nɛbi Belamta dankɛ ma. A ya ata dankɛ wo yɛlɛma duwɛ la bawo a ya wole Isirɛla mɔgɛnu keni.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Kɔlɔsi 1:18

Chɔchi kunyɛ le Kirasiti la, a bagbuyi, kɔni. Ale le fɔlɔn wulita furinu tɛma. Wo mara le alako a ni sɔ-tina fɔlɔtɛ sɔrɔn koe bɛɛ rɔ,

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

1 Timoti 6:15

Mɔgɛnu bi Alla min gbiliyala, ma kun-tigi-kelan, kɔni, wo si Kirasiti labɔ gbɛ rɔ a nyɛrɛta wati-latɛgɛnɛ rɔ. Allatala le mansɛnuna Mansɛ la anubɛ marinuna Mari.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

1 Pita 1:19

Wo hɔrɔyara saraka-da-gbɛlɛmɛ le fɛ, Kirasiti, kɔni min manɛ iko saga-dan, fɛɛ-wo-fɛɛ sa min na.

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.

1 Yɔni 4:10

Keninteya-bɛrɛ le kɛ la—ka a fɔ ko ma ya Alla keni, wo ma, fɔ ko ale ya male keni. A ya ala den Yisa lana alako a ni ma sarakɛ la min ya mala hakɛ makoto.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.

Lankɛnimayɛ 19:16

Tɔgɛ kɛ sɛbɛnɛ ala duruku-yan anubɛ a wore ma ko, “Mansɛnuna Mansɛ anubɛ marinuna Mari.”

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.