Lankɛnimayɛ 1:4 - ALLALA KUMƐ

⁴ Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Lankɛnimayɛ 1:4 ပူးပေါင်းရင်းမြစ်များ

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Bɔ-Koe-Iyipiti 3:14

Alla ya a fɔ Musa ye ko,

Aiseya 11:2

Marita Sɛnbɛ si hɛnkili di mansɛ wo ma. A si hɛnkilimayɛ anubɛ mɔgɛnu-namara-hɛnkili di a ma. A si Mari sako lɔn ka a gbiliya.

Aiseya 41:4

Yon bi kɛ dama mala? Koe minnu bara tenbi nun kɔrɔma la, yon bi wonu kun na? Nde, Mari le nyɔ nun kebi hun, ado nde, Mari si taran nyɔ fanan ha wati-laban.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Sakaraya 3:9

N bara kuru-da-gbɛlɛ sigi ile Yasowa yakɔrɔ min tonko wɔrɔnfila ye a ma. N si sɛbɛli do kɛrɛndɛ a ma. N si nyamanɛ hakɛ bɔ a ma tele kelen pe kɔrɔ.

Sakaraya 4:10

A ko hali mɔgɛnu yisi tinyanta Bato-Bon-ko-wɔlɛla ko la bawo a sa tala yarɔ tiriya kɔnɔ anu ba a yen, a kun bara don Sarababulu bolo, anu si sewa dɔgɔma-ma-de!

Sakaraya 6:5

A ya a fɔ n ye ko, “Kɛnu nanɛ ka bɔ duninya-tigi Mari bolo. Wonu bi tala duninya-tonko-nanɛ rɔ.”

Yɔni 1:1

Yanni Alla ni duninya dan, anu bi ale min kelela Kumɛ, a ye nyɔ nun. Alla ye kan min, ale Kumɛ fanan ye nyɔ, ado anubɛ Alla, kelen de anu na.

Kɛwɔlɛnu 19:10

A tora anu fɛ san fila kɔrɔ. Woletɔ mɔgɛ min bɛɛ siginɛ Esiya nyamanɛ rɔ, a Yahudiya wo, a sibolo-gbɛrɛ wo, bɛɛ ya Marita kumɛ lamɔɛn.

Kɛwɔlɛnu 2:9

Male donu bɔra Patiya, Midiya, anubɛ Ilam nyamanɛnu tɔ. Donu bɔra Mɛsapotemiya, Yudiya, anubɛ Kapadosiya nyamanɛnu tɔ. Donu bɔra Ponta, anubɛ Esiya nyamanɛnu tɔ.

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

1 Kɔrɛnti 1:3

Alamɛ ma Fa Alla anubɛ Mari Yisa, Allata-Mɔgɔ-Yabɔnɛ ya hinɛ anubɛ yisi-kimɛ di wo ma.

2 Kɔrɛnti 1:2

Alamɛ ma Fa Alla anubɛ Mari Yisa, Allata-Mɔgɔ-Yabɔnɛ ni hinɛ yira wo la ka yisi-kimɛ di wo ma.

Hiburunu 13:8

Yisa Kirasiti ye nya min kunu, a ye wo nya na bi, ado a si to wo nya na burubukai!

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Lankɛnimayɛ 1:1

Yisa, Allata-Mɔgɔ-Yabɔnɛ ya koe minnu yira, wonu denu sɛbɛnɛ kitabu kɛ rɔ. Alla le ya wonu di a ma alako koe minnu ti mɛ nala, a ni wonu yira Allata wɔli-kɛlɛnu na, ado Kirasiti ya ala melika sɔ ka ala wɔli-kɛla Yɔni lalɔn-koe wonu na.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 16:5

Melika min bi kun-tigiyɛ kɛla yinu kun na, n ya wo kuman-kan lamɔɛn. A ko, “E, ile min bi kaka, ile min bi nyɔ kebi fɔlɔ, i sɛnima. I wara kiti minnu tɛgɛ, anu telenta!

Lankɛnimayɛ 2:12

“I ni kɛdi sɛbɛ ka a lata Pɛragama-chɔchi-melika ma. “ ‘Wole Pɛragama-chɔchi-mɔgɛnu, faan-da-filɛ min dɛ ye a la bɛrɛkɛ, wo le ye n bolo, ado nde le ye kɛ fɔla wo ye.

Lankɛnimayɛ 2:18

“I ni kɛdi sɛbɛ ka a lata Tayataira chɔchi-melika ma. “ ‘Wole Tayataira chɔchi-mɔgɛnu, kumɛ le kɛ la ka bɔ nde, Allala dan bolo. N yɛ manɛ iko ta-mɛlan. N kian ye malanna iko sila-kaganɛ.

Lankɛnimayɛ 2:8

“I ni kɛdi sɛbɛ ka a lata Simirina-chɔchi-melika ma. “ ‘Nde le a fɔlɔtɛ anubɛ a laban la. Nde faganɛ nun kɔnɔ kaka, n bi n niyi la.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 22:8

Nde, Yɔni ya koe kɛnu namɔɛn ka wo bɛɛ yen ko-rayirɛ rɔ. Nba, n banta anu namɔɛnna tumɛ min ka anu yen, melika min ya koe kɛnu yira n na, n ya n sa wo kɔrɔ a bato tinɛ.

Lankɛnimayɛ 3:1

“I ni kɛdi sɛbɛ ka a lata Sadisi-chɔchi-melika ma. “ ‘Allata Ni wɔrɔnfilɛ ye n bolo anubɛ lolo wɔrɔnfilɛ, ado nde le ye kumɛ kɛ fɔla. Wole Sadisi-chɔchi-mɔgɛnu, wo ye wɔlɛ min kɛla, n ya wo lɔn. N ya a lɔn ko wo ye wo nyɛrɛ mala iko dɛnkɛninya-mɔgɛnu kɔnɔ wo sɔndɔmɛ rɔ, wo bilani ma nde fɛ.

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.

Lankɛnimayɛ 4:5

Banda-nyin-masɔgɛ anubɛ banda-tugu-kan anubɛ san-sɛrɛn-kan ye bɔla mansaya-sigi-fan wo rɔ min bi anu tɛma. Ta-mɛlɛn wɔrɔnfilɛ ye malanna mansaya-sigi-fan wo yakɔrɔ fanan. Allata Ni wɔrɔnfilɛ le wonu na.

Lankɛnimayɛ 4:8

Kanban wɔrɔ ye dali-fen nani wo kelen-kelennamɛ-bɛɛ ma. Anu kanban bɛɛ fanɛ yɛnu na. Anu ti bandan bɛti bɔla su-ni-tele. Anu bi a fɔla ko, “Sɛnima, sɛnima, sɛnima, Mari Alla, sɛnbɛ-bɛɛ-tigi le. A ye nyɔ kebi fɔlɔ, a ye nyɔ kaka, ado a ye nyɔ habadan!”

Lankɛnimayɛ 5:6

Wo kɔma, n ya saga-den-sɔnɛ yen mansaya-sigi-fan wo tɔgɔfɛ, a lafoonɛ dali-fen nani anubɛ kɛmɔgɛ wonu na. Saga-dan wo manɛ iko anu bara min faga nun. Kere-wɔrɔnfila anubɛ ya-wɔrɔnfila ye a kuma. Allata Ni wɔrɔnfilɛ le wonu na minnu natanɛ duninya kan tinɛ bɛɛ rɔ.

Lankɛnimayɛ 8:2

Wo kɔma, melika wɔrɔnfila min sɔnɛ Alla yakɔrɔ tolon, n ya wonu yen. Alla ya buru wɔrɔnfila di anu ma anu si minnu fɛ.