Lankɛnimayɛ 1:18 - ALLALA KUMƐ

¹⁸ Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 1:18 ပူးပေါင်းရင်းမြစ်များ

Yobu 19:25

Kɔnɔ n ya a lɔn serr, ko n kunkalɛ ye nyɔ Arinyɛni tɔ. Nta wati wa ke, a si ma nna kiti-fɔlɛ la.

Yobu 38:17

Ha bi, mɔgɔ do ma lakira-don-dɛ yira i la nun. I wara pinpi-makilanni-bɛ don-dɛ yen bɛ i yɛ la?

Yaburi 18:46

Ale Mari ye nyɔ. Nta farɛ le ale la min si n kandan. Ale Alla min makawara, min ya n nakisi, a bɛnta, n ni ale matɔgɔ!

Yaburi 68:20

Mata Alla le ma kisilɛ la. Ale ma tigi, wo le si ma latanka sayɛ ma.

Aiseya 22:22

Ale si ma mansɛla kandɛ la Mansa Dawudala kebilɛ rɔ. Ale si ma da-nyin-maralɛ la. Ni a ya min naka, wo la ara ka. A wa min balan, wo ara balan.

Matiyu 11:23

Nba, ile Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ bawo kabana-koe minnu bara kɛ wole tɛma, ni wonu kɛra Sɔdɔm so burɔ nun, a ye nyɔ nun ha bi!

Matiyu 16:19

Alla min bi Arinyɛni tɔ, n si ata mansaya-da-nyinnu di i ma. Ni i ma sɔn min ma duninya kɛ rɔ, Alla ti sɔn wo ma Arinyɛni tɔ. Ni i wara sɔn min ma duninya kɛ rɔ, Alla si sɔn wo ma Arinyɛni tɔ.”

Luka 24:5

Musinu kilanta kati! Anu ya anu maburun dugi ma. Kei wonu ya a fɔ anu ye ko, “Nfenna ko la, wo ye mɔgɔ-kɛndɛ nyinina mɔgɔ -faganɛnu tɛma?

Yɔni 11:25

Yisa ya a fɔ a ye ko, “Nde ye furinu nawulila ka niyi di anu ma. Min ba dɛnkɛninya n ma, hali a fagara, wo si sɛgi a niyi la,

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Romu 6:9

ado ma ya a lɔn ko Kirasiti ara wuli ka bɔ furinu tɛma. A ti faga tun mumɛ! Sɛnbɛ sa sayɛ bolo ale kuma hali!

2 Kɔrɛnti 13:4

Hali a fagara kɔlɔma ma tumɛ min, a fɛrɛ-rafaganɛ a ma kɔnɔ kaka, a ye a niyi la Allata sɛnbɛ rɔ. Male fanan tafaganɛ iko Kirasiti rafaganɛ nya min nun kɔnɔ wo si a yen, ma si to ma niyi la Allata sɛnbɛ rɔ iko Kirasiti ye a niyi la nya min.

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kɔlɔsi 3:3

Wo ni wo ma bawo wola nimayɛ maranɛ Kirasiti fɛ Alla baraka rɔ. A manɛ iko wo ara faga koe wonu ma.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 7:16

A ma ma saraka-masɔlɛ la hadama-danta tɔn fɛ min ko a ni bɔ bɔnsɔn do rɔ. A mara saraka-masɔlɛ la ka a tɛgɛ ata habadan-nimayɛ ma.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

Lankɛnimayɛ 10:6

A ya a gboro Alla rɔ min nimayanɛ habadan! San-kole anubɛ fan minnu bi a rɔ wo, dugu-kole anubɛ a kuma-fannu wo, kɔgɔ-yi anubɛ fan minnu bi a rɔ wo, ale le ya wo bɛɛ dan. Melika ko, “Matanbani mumɛ ti kɛ tun!

Lankɛnimayɛ 15:7

Dali-fen nanɛ wo kelen ya sɛnɛ-pani-kunba wɔrɔnfilɛ di melika wɔrɔnfilɛ wonu ma. Pani-kunbɛ wonu nafanɛ habadan-Allata diminyɛ la.

Lankɛnimayɛ 2:8

“I ni kɛdi sɛbɛ ka a lata Simirina-chɔchi-melika ma. “ ‘Nde le a fɔlɔtɛ anubɛ a laban la. Nde faganɛ nun kɔnɔ kaka, n bi n niyi la.

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.

Lankɛnimayɛ 20:14

Sayɛ anubɛ lakira lafilita ta-dalɛ rɔ. (Ta-dalɛ wo, sayɛ fila nyɔgɛ le wo la.)

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.

Lankɛnimayɛ 4:9

Dali-fen nani wonu bi tola bonyɛ anubɛ gbiliyɛ anubɛ baraka-birɛ bɔla a ye tumɛ bɛɛ, ale min mayiginɛ mansaya-sigi-fan rɔ, kɔni. A nimayanɛ nyɔ habadan! Anu tenbi wo mala,

Lankɛnimayɛ 5:14

Dali-fen nani wonu fanan ya a labira, “Amina!” Kɛmɔgɛnu ya anu sa dugi ma ka batoli kɛ.

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.

Lankɛnimayɛ 9:1

Wo kɔma, melika loli nyɔgɛ ya ata buri fɛ. N ya lole min yen bɔla san ma nun ka bui dugu-kole kuma, Alla ya denka-dan-yenbɛlɛ da-nyin di wo ma.

1 Samuwɛli 2:6

Mari le si mɔgɛnu faga, ado ale le si niyi bila mɔgɛnu tɔ. Ale si mɔgɛnu nata lakira, ado ale fanan si anu nabɔ nyɔ.