Ko-Dabirɛnu 9:5 - ALLALA KUMƐ

⁵ Ni min ya a ta-nyɔgɛ faga, wo fanan ni faga. Ni soge min ya hadama-dan faga, wo fanan si faga.

Ko-Dabirɛnu 9:5 ပူးပေါင်းရင်းမြစ်များ

Ko-Dabirɛnu 42:22

Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.”

2 Samuwɛli 4:11

Wole min bara kɛ faga, a ma ko tinya, kumana sa wole ma. A ye kinɔgɛ le tɔ a halala bɔn la, wo tara a kunyɛ tɛgɛ a la. Wo ye wo gbɛ min tɔ wo la, n si a tayili sara wo la ka wo ban dugu-kole kɛ kuma.”

1 Mansɛnu 2:6

Kaka, min di i ye, i ni wo ma a la. I kana sɔn, a kun-gbɛnɛ ni faga a nyɛrɛ ma.

2 Mansɛnu 11:1

Mansa Ehasaya na Atalaya ya a lamɔɛn min kɛ ko Mansa Yehu ara ala den Ehasaya faga, ale Atalaya ya mɔgɛnu sɔ ko anu ni a kegeyɛ bɛɛ faga

2 Ko-Kɔrɔta-Karan 24:22

Hali ka a miri Sakaraya fa Saraka-Masɔla Yɛhoyadala wɔli-nyimɛ ma, a ya min ma a ye, a ma wo ma. Sakaraya ye fagala tumɛ min, a ya a dɛ sa-a-rɔ, a ko, “Wo ye minnu mala n na kɛ la, alamɛ Mari ya wo yen. A ni wole fanan tɔrɔ.”

2 Ko-Kɔrɔta-Karan 33:24

Ale Amɔnna mɔgɔ-banu ya yanfɛ rabɛn a ma ka a faga ala bolɔn la.

2 Ko-Kɔrɔta-Karan 33:25

Mɔgɔ-ba minnu ya Amɔn faga wo la, Yuda mɔgɛnu ya wonu fanan faga. Anu ya ala den Yosaya sigi a gbɛ rɔ.

Yaburi 9:12

Alla fonde ye mɔgɔ-tɔrɔnɛnu ko. A si a wɔlɔ matɔlɔ anu di-kɛ-kan la ka wonu tɔrɔ minnu bi ata mɔgɔ-tɔrɔnɛnu yakɔrɔ-mamɔla.

Bɔ-Koe-Iyipiti 20:13

“Wo kana mɔgɛ faga.

Bɔ-Koe-Iyipiti 21:12

“Ni min ya mɔgɔ gbesi ka a faga, wo ni wo tigi faga yati!

Saraka-Masɔlɛnuta Tɔnnu 19:16

Wo kana belenna wo nyɔgɔn tɔgɔ tinyana foninyɛ kuma. Ni mɔgɛ do ye a niyi kumafunfanna mɔgɔ-banu barɛ, ni mɔgɛ do ya a lɔn ko ala sereya-bɔɛ si a ta-nyɔgɛ wo bɔ le nanparan wo rɔ, a ni ta ala sereyɛ bɔ a ye worɔ. Nde, wota Mari Alla ya kɛ le fɔ wo ye.

Saraka-Masɔlɛnuta Tɔnnu 24:17

“Min sanɛ wo kuma fanani, ni min ya mɔgɔ faga, wo ni wo fanan faga.

Saraka-Masɔlɛnuta Tɔnnu 24:21

Ni min ya a ta-nyɔgɛla kolo-fan faga, a ni a nyɔgɔ lasɛgi kolo-fan la. Ni min ya a lawuli a ma ka a ta-nyɔgɛ hadama-dan faga, wo ni ale fanan faga.

Yilan-Yilan Koe 35:16

“Kɔnɔ ni mɔgɔ ya marafan do bi, a mara fen-wo-fen sufa la, a mara nɛgɛ-kundi la wo, a mara kuru-kundi la wo, a mara gbeleka-kundi la wo, a ni a bi ka a ta-nyɔgɛ faga wo la, wo ni a yiliki. Anu si wo tigi faga kamasɔrɔn a ya mara-koe tɛgɛ.

Matiyu 23:35

Mɔgɔ-magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ, kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn, ado wo ya ale Sakaraya faga Alla-Bato-Bɔn anubɛ saraka-bɔ-tinɛ tɛma.

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Tɔn-Fɔɛ-Fila-Nyɔgɛ 19:11

“Kɔnɔ ni mɔgɛ do ya a ta-nyɔgɛ faga sɔgɔ-labɔɛ ma, mɔgɔ-fagalɛ wo ni a buri ka ta mɔgɔ-lakisi-soe wo do rɔ,

Tɔn-Fɔɛ-Fila-Nyɔgɛ 19:12

a bɔra soe min tɔ, mɔgɔ-ba minnu bi nyɔ, wonu si kilayɛ lata lakisi-soe wo kun-tiginu ma ko, ‘Wo ni na mɔgɔ-fagalɛ wo la de!’ Anu ba na a la, anu si a don furi wo na-kelen-nyɔgɛ do bolo. Wo si ale fanan faga.

Kɛlɛ-Kurugbɛnu 9:56

Alla ya Abimɛlɛkita ko-yogomɛ tayili sara a la wo nya na le bawo a ya a fa Kidiyɔnla dan mɔgɔ bi-wɔrɔnfila faga.