Ko-Dabirɛnu 9:1 - ALLALA KUMƐ

¹ Alla ya ata duwɛ layigi Nowa anubɛ ala dannu kuma ka a fɔ anu ye ko, “Wo ni yiri bui ka dugu-kole lafa tun.

Ko-Dabirɛnu 9:1 ပူးပေါင်းရင်းမြစ်များ

Ko-Dabirɛnu 1:22

Alla ya ala duwɛ layigi anu kuma, a ko, “Wole yirɔ-fannu, wo ni to yirila ka yinu nafa. Wole konanu, wo fanan ni to siyayala.”

Ko-Dabirɛnu 1:28

A ya ata duwɛ layigi anu kuma ko, “Wo ni yiri ka duninya lafa. Fan min bɛɛsi ye duninya rɔ, wonu ni to wola sɛnbɛ kɔrɔ. Wo ni mansayɛ kɛ nima-fan bɛɛsi kuma duninya rɔ, a yɛgɛ wo, a kona wo, a sogo wo.”

Ko-Dabirɛnu 10:32

Minnu sɔrɔnta yita-kasarɛ kɔma, wonu benba le Nowa la. Bɛɛ sigira ata nyamanɛnu tɔ iko bɛɛ benba nara nya min.

Ko-Dabirɛnu 2:3

Woletɔ Alla ya ata duwɛ layigi a tele wɔrɔnfila nyɔgɛ wo ma ka wo ma tele-latankanɛ la kamasɔrɔn Alla ya a sulen duninya dan-koe ma wulɔn le.

Ko-Dabirɛnu 24:60

Rebɛkala mɔgɛnu duwara a ye, anu ko, “Alamɛ Rebɛka bɔnsɔn siyayara ka waga yirika-siyaman bɔ. Alamɛ i bɔnsɔnnu ya nɔ-ko sɔrɔn anu yogenu ma.”

Ko-Dabirɛnu 35:11

Alla ya a fɔ a ye tun ko, “Alla Sɛnbɛ-Bɛɛ-Tigi le nde la. I ni yiri ka siyaya. Bɔnsɔn siyaman si bɔ ile rɔ. Mansɛnu si bɔ i bɔnsɔn wonu tɔ.

Ko-Dabirɛnu 8:17

I ni nima-fan bɛɛsi labɔ kulɔn wo burɔ, kona wo, sogo wo, nima-fan bɛɛ. I ni wo bɛɛ labɔ alako anu ni yiri ka dugu-kole lafa.”

Ko-Dabirɛnu 9:2

Nima-fan bɛɛ si kilan wo la, a sogo wo, a kona wo, a yɛgɛ wo. N bara wonu ma wotɛ la.

Ko-Dabirɛnu 9:7

Nba, wo ni to dannu sɔrɔnna alako wo kebilɛnu ni taran dugu-kole kan tinɛ bɛɛ rɔ.”

Yaburi 112:1

N si Mari tanto! Mɔgɔ-sewanɛ le wo tigi la min bi Mari gbiliyala ka ata tɔnnu bira sewɛ la.

Aiseya 51:2

Wo ni wo miri wo benba Iburayima bɔnsɔn ma, anubɛ ala musi, Sira min ya wo sɔrɔn. A ye Iburayima kelela tumɛ min, den-wo-den sa a bolo nun kɔnɔ a ko a duwara a ye ka a bɔnsɔnnu nasiyaya duk! A ya a ma, a kebilɛnu siyayara.