Ko-Dabirɛnu 7:4 - ALLALA KUMƐ

⁴ A ara to tele wɔrɔnfila, n ni bandɛ lana dugu-kole kuma. Bandɛ si na su bi-nani, tele bi-nani. N ya nima-fan min bɛɛsi dan, n si wo bɛɛsi halaki ka anu bɔ dugu-kole kuma.”

Ko-Dabirɛnu 7:4 ပူးပေါင်းရင်းမြစ်များ

Ko-Dabirɛnu 2:5

dugu-kole makolɔn le nun. Ki-fan anubɛ fira sa nun kamasɔrɔn mɔgɔ sa min si a wɔli, ado Mari Alla ma bandɛ lana wɛ dugu-kole kuma nun

Ko-Dabirɛnu 6:13

Alla ya a fɔ Nowa ye ko, “Mɔgɛ bɛɛ lato-wati ara ke kamasɔrɔn duninya bɛɛ fanɛ karagbɛlɛyɛ la. N si mɔgɛ bɛɛ halaki duninya rɔ anubɛ fan min bɛɛsi ye dugu-kole kuma.”

Ko-Dabirɛnu 6:17

Alla ya a fɔ tun ko, “Nde, Alla si yi keri duninya kun na alako n si nima-fan bɛɛsi halaki nya min ka anu firan dugu-kole kuma. Nima-fan min bɛɛsi ye dugu-kole kuma, wo bɛɛ si faga.

Ko-Dabirɛnu 6:3

Woletɔ Mari ko, “N ti ke n munyuna hadama-dannuna sɔn-yogoyɛ kɔrɔ. Bɔnkɛ le anu na min kɛ, ka a dabira kaka ma, n si do bɔ anu siyi-tele la. Mɔgɔ-wo-mɔgɔ siyi ti tenbi san kɛmɛ ani san mogan (120) na tun.”

Ko-Dabirɛnu 6:7

Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

Ko-Dabirɛnu 7:17

Tele bi-nanɛ wo kɔrɔ, yi ye yɛlɛla dugu-kole kuma ka kulɔn bi dugu ma.

Ko-Dabirɛnu 7:3

I ni kona sufa bɛɛsi bi wɔrɔnfila-wɔrɔnfila, a keimɛnu anubɛ a musumɛnu alako anu sugi ni to dugu-kole kuma.

Ko-Dabirɛnu 8:10

A ya a ma, tele wɔrɔnfila tenbira tun. A ya purulan wo lata tun.

Ko-Dabirɛnu 8:12

A ya a ma, tele wɔrɔnfila tenbira tun. A ya purulan wo boloka tun. Wo tara kɔnɔ a ma sɛgi a wara tun.

Ko-Dabirɛnu 8:2

Yi min bi bɔla dugu kɔrɔ anubɛ yi min bi bɔla san ma, Alla ya wonu dan labira.

Yobu 22:16

Yanni anuta wati ni ke, wo ya a taran, Alla ara yi latugu anu kun na ka anu firan dugi kɛ kuma yi wo la.

Yobu 28:25

Alla ya fanka don fɔnyɔ bolo nya min wo, a ya kɔgɔ-yi dan tɛgɛ nya min wo,

Yaburi 69:28

Anu tɔgɛ bɔ nimaya-kɛdi rɔ. Anu tɔgɛ kana taran ila mɔgɔ-telennɛnu tɔgɛ tɛma.

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Emɔsi 4:7

Ni wo ya a yen kɔnkɔ-fitinɛ nara, Mari ko ale le ya wo beli banda-yi la. A ya bandɛ lana soe donu tɔ, a ya donu beli a la. A ya bandɛ lana sɛnɛ donu tɔ, a ya donu beli a la.

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.