Ko-Dabirɛnu 6:7 - ALLALA KUMƐ

⁷ Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

Ko-Dabirɛnu 6:7 ပူးပေါင်းရင်းမြစ်များ

Ko-Dabirɛnu 6:6

wo le ya a to, anuna mɔninyɛ donta Mari rɔ.

Ko-Dabirɛnu 7:21

Nima-fan bɛɛsi fagara dugu-kole kuma, kona wo, sogo wo, anubɛ mɔgɛnu.

Ko-Dabirɛnu 7:4

A ara to tele wɔrɔnfila, n ni bandɛ lana dugu-kole kuma. Bandɛ si na su bi-nani, tele bi-nani. N ya nima-fan min bɛɛsi dan, n si wo bɛɛsi halaki ka anu bɔ dugu-kole kuma.”

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yaburi 37:20

Kɔnɔ karagbɛlɛnu si faga. Mari-yogenu si halaki iko kɔn-fere ka tunu yen! Anu si tunu yen iko fira-mintan ta-sisi.

Hɛnkilimaya-Kumɛnu 10:27

Ni i ya Marila kumɛ bira, i si simayɛ sɔrɔn kɔnɔ karagbɛlɛ si faga yanni ala wati ni ban.

Hɛnkilimaya-Kumɛnu 16:4

Mari ya ko-wo-ko ma, wo ma-kɔrɛ ye nyɔ. Hali karagbɛlɛnu, a ye wonu namarala kiti-tɛgɛ-telela ko la.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Hoseya 4:3

Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Emɔsi 7:3

Woletɔ Mari ya a fonde yɛlɛma ka a fɔ nde, Nɛbi Emɔsi ye ko, “N bara n miri ko-yogomɛ min ma mɔgɛ kɛnu bara la, n ti wo ma tun.” Ko-Rayira Fila Nyɔgɛ

Emɔsi 7:6

Wo kɔma, Mari ya a fonde yɛlɛma ka a fɔ nde, Nɛbi Emɔsi ye ko a ti anu halaki tɛ la muk! Ko-Rayira Sawa Nyɔgɛ

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sɛfanaya 1:2

Mari ya a fɔ nde, Nɛbi Sɛfanaya ye ko a si na duninya rakolonya feu!

Sɛfanaya 1:3

A ko a si nima-fan bɛɛ ban fegba, a hadama-den wo, a sogo wo, a koni wo, anubɛ a yɛgɛnu. A ko a si karagbɛlɛnu wara-koe ka-a-la. Hali mɔgɔ-den-kelen ti to a niyi la. Ale Mari kuman-kan le kɛ la.

Tɔn-Fɔɛ-Fila-Nyɔgɛ 28:63

Iko Mari sewanɛ ya wo lasiyaya nya min ka wo ma fen-tiginu na, ni wo ma ala tɔnnu bira, a si sewa wo nya na le fanan ka wo ma bolo-kolɔnnu na ka wo rabunden sinini! A ye nala lanyiri-nyamanɛ min dila wo ma, a si wo wurun nyɔ rɔ.

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.