Ko-Dabirɛnu 6:6 - ALLALA KUMƐ

⁶ wo le ya a to, anuna mɔninyɛ donta Mari rɔ.

Ko-Dabirɛnu 6:6 ပူးပေါင်းရင်းမြစ်များ

Ko-Dabirɛnu 6:7

Mari ko, “N bara mɔgɛ minnu dan duninya rɔ, anu kɛ-nya ara a ma, n bara nimisa anu dan-koe la. N si anu dama halaki dugu-kole kuma, mɔgɔ wo, sogo wo, sagan-fen wo, anubɛ konanu.”

2 Samuwɛli 24:16

Marita niyi-bɔ-melika gbɛrɛnnɛ Yerusalɛm soe ma tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

1 Ko-Kɔrɔta-Karan 21:15

Wo kɔma, Alla ya niyi-bɔ-melika lata Yerusalɛm kasara tinɛ. Kɔnɔ yanni niyi-bɔ-melika ni wuli mɔgɛnu fagala Yerusalɛm soe burɔ tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Yaburi 110:4

Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

Yaburi 119:158

N ya n yɛ sɔ yanfantenu na min kɛ, tɛ sigira n sɔn la bawo anu sa ila tɔnnu birala.

Yaburi 78:40

Anu murutiyara a ma wula-da-rakolɔn rɔ iko yili! Anu ya a ma, a fonde bɔra iko siyaman.

Yaburi 81:13

E, nta mɔgɛnu Isirɛla, alako nun wo ya wo tole masɔ n na, wo si diya n ye. Alako nun wo ya nna kumɛnu bira nun.

Yaburi 95:10

Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

Bɔ-Koe-Iyipiti 32:14

Wo le ya a ma, Mari ya a fonde yɛlɛma. A ma ala mɔgɛ wonu kasara tun.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 18:7

A ko wo tumɛ ye nala, a si sibolo doi wara-koe fɔ. Tumado a si sibole wo wurun ka a fɛrɛn dugi la alako a si tinya pɔ!

Yɛrɛmaya 26:19

Kɔnɔ Mansa Hɛsakaya anubɛ ala mɔgɛnu ma Nɛbi Maika faga wola ko la de, ado Mansa Hɛsakaya ya Mari gbiliya ka kuma-diyamɛnu fɔ ale Mari ye. Wo le ya a ma, Mari ya a miriya yɛlɛma Yerusalɛm kasara-koe ma. Nba, male nyɛrɛ-nyɛrɛ le ye kasarɛ lanala ma kuma gbɛ!”

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Yona 3:10

Anu bara min bɛɛsi ma, Alla ya wo yen. A ya a lɔn worɔ anu bara anu sɔn-yogomɛnu boloka. Woletɔ a ya a fonde yɛlɛma. A ma sɔn anu halaki-koe ma tun iko a ya a fɔ nya min nun.

Malakayi 3:6

Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Tɔn-Fɔɛ-Fila-Nyɔgɛ 32:29

Wo ma ke a lɔnna wo yogenu ya wo nɔ nya min. Wo ma a lɔn min mara wo la.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Hiburunu 3:10

Wo le ya a to, n diminyara mɔgɛ wonu ma. Anu ya n boloka ka ta anu kun fɛ! Anu ma sɔn nna kumɛ birala mumɛ!

Hiburunu 3:17

Alla diminyara yonnu ma san bi-nani kɔrɔ? A diminyara hakɛ-tigi wonu denu ma, ado wonu suyi sanɛ tora wulɛ rɔ.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.

1 Samuwɛli 15:29

Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”

1 Samuwɛli 15:35

Mari nimisara bawo a ara Sɔli ma mansɛ la. Samuwɛli fanan yisi tinyanta Sɔlila ko la, ado a ma Sɔli yen a yɛ la tun ha ale Samuwɛli fagara.