Ko-Dabirɛnu 50:25 - ALLALA KUMƐ

²⁵ Kɔnɔ yanni n ni faga tumɛ min, wo ni wo keli n ye ko ni wo ti ta n kolenu na Kenan nyamanɛ rɔ. Woletɔ wo kana sika, Alla si wo kandan yati!”

Ko-Dabirɛnu 50:25 ပူးပေါင်းရင်းမြစ်များ

Ko-Dabirɛnu 50:5

yanni n fa ni a layigi tumɛ min, a ya a ma, n ya n keli a ye. A ara kaburu-soe min tabɛn Kenan nyamanɛ rɔ a ko n ni ta a togon nyɔ rɔ. Woletɔ n bi mansɛ madiyala ni a si sɔn, n ni ta n fa togon. N ba ban a togonna tumɛ min, n si sɛgi.” Mɔgɔ-banu tara wo fɔ mansɛ ye.

Bɔ-Koe-Iyipiti 13:18

Kɔnɔ Alla ya anu nabɔ anuna kɛlɛ-kɛ-mirannu na anu bolo Iyipiti nyamanɛ rɔ kilɛ laminimininɛ fɛ Kɔgɔ-Yi-Wulan wara la wulɛ rɔ.

Bɔ-Koe-Iyipiti 13:19

Musa tara Yusufu kolenu na a bolo bawo yanni Yusufu ni faga tumɛ min, a ya a na-kelen-nyɔgɛnu nasɛ nun ko anuta Alla wa na anu kisi tinɛ tumɛ min, anu ni ta a kolenu na anu bolo.

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Kɛwɔlɛnu 7:16

Mɔgɛ wonu tara anu furinu na ha Sɛkɛm soe burɔ. Anu ya anu togon kanbɛ wo rɔ Iburayima ya min san Hemorila dannu ma.

Hiburunu 11:22

Yusufu fanan fagamatoe, a ya Isirɛla mɔgɛnu bɔ-koe fɔ Iyipiti nyamanɛ rɔ dɛnkɛninyɛ le fɛ. Anu si min ma a fɛrɛ-bɔnkɛ la, a ya wo rakaran anu ye.

Yasowa 24:32

Isirɛla mɔgɛnu nara Yusufu kolenu na ka bɔ Iyipiti nyamanɛ rɔ. Anu ya a togon dugu-kundunɛ do rɔ Sɛkɛm soe burɔ Yusufu fa Yakoba ya min san wodi-gbɛ kɛmɛ la Hemorila dannu ma. Dugu-kundunɛ kɛ dira Yusufu bɔnsɔn-mɔgɛnu ma nun fɔlɔ.

Ruti 1:6

A ma mɛ wo kɔma, Neyomi ya a lamɔɛn ko Mari ara duwɛ layigi Isirɛla mɔgɛnu ma. Anu bara dɔn-fen-siyaman sɔrɔn. Neyomi ya a mabɛn ta-koe la Yuda nyamanɛ rɔ anubɛ a mama-nyaganɛnu. Anu bara wuli tala.