Ko-Dabirɛnu 50:11 - ALLALA KUMƐ

¹¹ Kenan kɛnu ya anu yen dila nyɔ min kɛ, anu ko, “Nba, hɛrɛ-di-kɛ ma kɛ la, nyɛ?” Woletɔ anu ya nyɔ tɔgɔ sa Abɛli-Misiram bawo tɔgɛ wo kɔrɛ le iko mɔgɔ wa a fɔ ko, “Iyipiti kɛnu di-kɛ-tinɛ.”

Ko-Dabirɛnu 50:11 ပူးပေါင်းရင်းမြစ်များ

Ko-Dabirɛnu 24:6

Iburayima ya a fɔ a ye ko, “Ade, i kana ta nna dan la nyɔ.

Ko-Dabirɛnu 34:30

Yakoba ya a fɔ ala den Simiyɔn anubɛ Lifayi ye ko, “Wo ara nanparan le di n ma kɛ la. Wo sɔn kɛ si a ma, ma si gboya Kenannu anubɛ Perasanu anubɛ sibolo-gbɛrɛ dama ye, ado male ma siya iko anu denu. Ni wonu ya anu nadɛn ma kan ma, anu si ma lato dogbe!”

Ko-Dabirɛnu 50:10

Anu kera gbere-kole do ma Yorodan bɛ dafɛ min tɔgɛ Atadi. Tele wɔrɔnfila, anu bi Yakoba dila nyɔ.

Ko-Dabirɛnu 50:12

Yakobala den-keinu tara a furi la ha faran wo la anu benba Iburayima ya min san Hɛti kɛ do ma min tɔgɛ Ɛfirɔn. Faran wo ye Makipela tɛngbɛnya rɔ Mamireya telen tɔ Kenan nyamanɛ rɔ. Anuta kaburu-soe le faran wo la. Ala den-keinu ya a togon iko a ya a fɔ anu ye nya min.

Tɔn-Fɔɛ-Fila-Nyɔgɛ 11:30

Kenan mɔgɛ donu siginɛ Yorodan bɛ kɔgɔma tele-yigi wara la Morela kɔlɔma-kuru-latankanɛ donu tɔgɔfɛ Kiligali soe wara la. Kɔnkɔ filɛ kɛnu bi mɔgɛ kɛnuna nyamanɛ rɔ.

Tɔn-Fɔɛ-Fila-Nyɔgɛ 3:25

I yandi, Mari, a ma, n ni Yorodan bɛ tɛgɛ. N ni dugu-hakikɛ wo yen n yɛ la bɛ kɔgɔma. N ni kɔnkɔ-nyamani-hakikɛ wo yen n yɛ la anubɛ Lɛbanan kɔnkɛnu.’ ”

Tɔn-Fɔɛ-Fila-Nyɔgɛ 3:27

Mari ya a fɔ n ye tun ko, ‘I si min ma, yɛlɛ Pisiga kɔnkɛ kuma. I ni lanyiri-nyamanɛ mafɛlɛn. I ni dugula-waralɛ mafɛlɛn anubɛ kantɔ-waralɛ. Wo kɔma, i ni tele-bɔɛ waralɛ mafɛlɛn anubɛ tele-yigi waralɛ. A mafɛlɛn a kila-bɛrɛbɛrɛ fɛ bawo wo sɛ sa i ye ka Yorodan bɛ wo tɛgɛ.’

1 Samuwɛli 6:18

Hali anu ya tulɛla muninyɛ minnu nadan sɛnɛ la, anu ya wonu fanan nata. Mansa so-kun loli latankanɛ anubɛ anu dafɛ-so-mɛsɛnu, tarɛ sa minnu ma, wo bɛɛ ya kelen-kelen nata. Soe wonu tara ha ka ke farɛ wo ma anu ya tɔn-kenkirɛ sigi farɛ min kuma. Ha bi, farɛ wo ye a gbɛ rɔ nyɔ.