Ko-Dabirɛnu 5:22 - ALLALA KUMƐ

²² Mɛtusala sɔrɔn kɔma, Inɔki tora Allala kilɛ fɛ san kɛmɛ sawa. A sɛgira dan donu sɔrɔnna tun.

Ko-Dabirɛnu 5:22 ပူးပေါင်းရင်းမြစ်များ

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 24:40

Kɔnɔ a ya a fɔ n ye ko a ye tagamana Mari min baraka rɔ, wo si ala melika bila n fɛ ka nna kilɛ ma hɛrɛ la alako n si musi sɔrɔn ala dan ye a fa bɔnsɔn rɔ nya min.

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Ko-Dabirɛnu 5:21

Inɔki ya san bi-wɔrɔ ani san loli bɔ tumɛ min, a ya Mɛtusala sɔrɔn.

Ko-Dabirɛnu 5:23

Inɔki siyi-tele bɛnta san kɛmɛ sawa san bi-wɔrɔ ani san loli (365) ma.

Ko-Dabirɛnu 5:24

Inɔki tora Allala kilɛ fɛ. A tununta yen! Wo mara bawo Alla tara a la a warɛ.

Ko-Dabirɛnu 6:9

Den-kei mɔgɔ sawa ye Nowa bolo nun, Sɛma wo, Hama wo, anubɛ Yefɛti. Duninya fanɛ wunduyogoyɛ anubɛ karagbɛlɛyɛ la kɔnɔ wo wati rɔ, Nowa kelan le mɔgɔ-latelennɛ la Alla yala duninya rɔ. Nowa tora Allala kilɛ fɛ.

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

Yaburi 116:9

N bi Mari yakɔrɔ min kɛ, n bi kɛndɛwaganu tɛma duninya rɔ.

Yaburi 128:1

Marita kuma-biralɛnu sewani de, minnu bi tagamana ata kilɛ fɛ, kɔni.

Yaburi 16:8

N yɛ bɛnnɛ ale Mari ma burubukai! Fenfen ti n takilan.

Yaburi 26:11

Kɔnɔ nde ye ko-latelennɛ kɛla tuma-wo-tuma. I ni kinikini n ma ka n nakanan.

Yaburi 56:13

bawo i wara n bɔ sayɛ kɔrɔ. Hali ka n kian latugu, i ma sɔn wo ma. Ado nfan, n bi Alla fɛ ata wan-takanɛ rɔ min si niyi di mɔgɛ ma.

Yaburi 86:11

Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Bɔ-Koe-Iyipiti 16:4

Mari ya a fɔ Musa ye ko, “N si dɔn-fan do layigi wo ma ka bɔ san-kole rɔ. Mɔgɛnu si dɔn-fan min ban tele kelan kɔrɔ, anu ni wo le dɔrɔn bi tele-wo-tele. N si anu kɔrɔbɔ kɛ rɔ ni anu si n kuman-kan latɔnbagaya, ka, ni anu ti a latɔnbagaya.

Keninteya-Siginu 1:4

N bi! Ma ni ta ma kun fɛ pon! I ni ma nna mansɛ la ka ta n na i bolo konko la. Ma si ma nyɔgɔn-diya bɔ. Ma ni tunu keninteyɛ rɔ pɔɛ! Ni i diyara musi bɛɛ ye, i kana tɛrɛna wo la.

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Saraka-Masɔlɛnuta Tɔnnu 26:12

N si ma wota Alla la, wole si ma nta mɔgɛnu na.

Emɔsi 3:3

Nɛbi Emɔsi ko tun ni mɔgɔ fila ma anu tabɛn tagamanta ta-koe rɔ, anu si ke tala anu nyɔgɔn fɛ, wa?

Maika 4:5

“Hali sibolo-gbɛrɛkɛ-mɔgɛnu bi anu nyɛrɛta bɛsɛnu kɔla kɔnɔ male si mata Mari Alla bato burubukai!

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Malakayi 2:6

Wo wati rɔ, a ko wole saraka-masɔlɛnu ya mɔgɛnu karan kila-telennɛ la, kila-raduni ma de! Anubɛ saraka-masɔlɛnu bi ko kelen tɔ nun wo wati rɔ. A ko wo ye ko-latelennɛ minnu mala wo wati rɔ, wo ma dan wo dɔrɔn ma de! Wo ya mɔgɔ-gbɛrɛkɛnu fanan karan alako wonu fanan ni fara ko-yogomɛ la.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

1 Kɔrɛnti 7:17

Alla ya mɔgɔ kelen-kelennamɛ-bɛɛ kele tumɛ min, anu ni to iko Mari ara a latɛgɛ anu ye nya min. N bi mɔgɛnu karanna kɛ le la chɔchi bɛɛ la.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Ɛfɛsa 5:15

Woletɔ wo ni a ma wo fɛrɛma wo tagama-nya rɔ. Wo kana tagama iko ko-lɔnbɛlɛnu. Wo ni tagama iko hɛnkilimɛnu.

Tɔn-Fɔɛ-Fila-Nyɔgɛ 13:4

Wo si bila wota Mari Alla fɛ ka a gbiliya bɛrɛkɛ ka ata kumɛnu anubɛ ata tɔnnu bira. Wo ni ale bato ka ma lanaya-mɔgɛnu na ale ye.

Tɔn-Fɔɛ-Fila-Nyɔgɛ 28:9

“Ni wo ya Marita tɔnnu bira, a si wo ma a halala-mɔgɛnu na iko a ya lanyiri kiri nya min.

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.