Ko-Dabirɛnu 49:9 - ALLALA KUMƐ

⁹ Yuda, i bɔnsɔn si ma iko yara-bulan min si mansayɛ kɛ soge bɛɛ kuma. A wa ta soge bira, a ni na a la faran la ka a dɔn saa! A wa ban a dɔnna tumɛ min, a si a nyɛrɛ rasagan nyaratata ka a sa. Sogo-wo-sogo ti sisi a la.

Ko-Dabirɛnu 49:9 ပူးပေါင်းရင်းမြစ်များ

2 Ko-Kɔrɔta-Karan 9:18

Kin-pogoron wɔrɔ tɛgɛnɛ ye yɛlɛla anu nyɔgɔn kuma ka ke mansaya-waganɛ wo ma. Kin sa tinɛ kankannɛ waganɛ wo ma. Sɛnɛ sanɛ wo fanan ma. Yarɛla muninya tan-ni-fila ladannɛ yɛlɛla kin-sɔ-tina wɔrɛ wo tɔnkɔn filɛ bɛɛ ma. A kɔɛn filɛ sa tinɛ tɔnkɔn rɔ, yarɛla muninyɛ ladannɛ wonu fanan ma. Ala mansaya-waganɛ wo nyɔgɔn sa mansa-wo-mansa bolo duninya rɔ fɔ ale kelen pe.

Isikiyɛli 19:5

A na mɛra a makɔnɔna furr ha a yisi bɛɛ tinyara a wara-koe rɔ. Wo kɔma, a ya ala dan doi wo makaran donsoyɛ la. Wo fanan mara yara-makilannɛ la.

Hoseya 5:14

Mari ko a si kɛ Yuda anubɛ Isirɛla mɔgɛnu ma iko yarɛ ye kɛla soge ma nya min. Ale nyɛrɛ nyɛrɛ si wo rafarafara ka wo boloka. A wa ban wo saganna dugi la ka ta wo la, wo lakananna fenfen ti taran.

Hoseya 5:4

Wole Isirɛla mɔgɛnu bara ko-yogomɛ minnu ma, wo le ye wo mabelila wota Alla-bato-kilɛ ma. Bɛsi-kɔɛ ara wo bira gbuturu! Wo ma Mari lɔn fenfen na.

Maika 5:8

Isirɛla mɔgɛ toe minnu tonɛ, wonu makilannɛ si to iko yara-kɔnkɔtoe. Ni a tara saga-wɔrɛnu tɛma, a si gban ka kɛ do ma ka wo rafarafara. Sagɛ wo kisi-fɛrɛ ti sɔrɔn ale yarɛ bolo.

Yilan-Yilan Koe 23:24

Isirɛla mɔgɛ kɛnu mani de iko yara-yuwan. A ti a sulen fɔ a buyi wa fa. Ni a ya min faga, fɔ a wa ban wo yele manɛla.”

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

1 Kɔrɛnti 15:24

Ala ban si ke worɔ. Duninya-kun-tiginu wo, nyina-kun-tiginu wo, sɛnbɛ-tiginu wo, Kirasiti si sɛnbɛ sɔrɔn anu dama kuma ka mansayɛ dantɛgɛ a Fa Alla ma,

Tɔn-Fɔɛ-Fila-Nyɔgɛ 33:20

Musa ya kumɛ kɛ fɔ Kadi bɔnsɔn-mɔgɛnuna ko la ko, “Ma si Alla tanto bawo a ya Kadi bɔnsɔn-mɔgɛnuna nyamanɛ lakoloya. Anu fereyanɛ kɛlɛ-kɛ-tinɛ iko yarɛ minnu si mɔgɛ bole ka a ma anubɛ a kun-gbole.

Lankɛnimayɛ 5:5

Nba, kɛmɔgɔ kelen ya a fɔ n ye ko, “I kana di! I yɛ lata! Yarɛ min bɔnɛ Yuda bɔnsɔn rɔ, Dawuda bɔnsɔn malɔnnɛ, kɔni, wo ara nɔ-koe sɔrɔn a yogenu ma. Wo si ke li-kɛɛn wɔrɔnfilɛ wonu bɔla gbolo-lamininɛ wo ma ka a lafulen.”