Ko-Dabirɛnu 49:8 - ALLALA KUMƐ

⁸ “Yuda, i na-kelen-nyɔgɛnu si i tanto ka anu madu i kɔrɔ. I si i yogenu nɔ.

Ko-Dabirɛnu 49:8 ပူးပေါင်းရင်းမြစ်များ

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 29:35

Liya ya buyi bi tun ka den-kei do fanan sɔrɔn, a ko, “Kaka, n si Mari tanto.” Woletɔ a ya a tɔgɔ sa Yuda bawo tɔgɛ wo kɔrɛ le iko mɔgɔ wa a fɔ ko, “Tantolɛ.” A ya a sulen den-sɔrɔn ma.

Ko-Dabirɛnu 42:6

Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ.

Ko-Dabirɛnu 46:12

Yakobala den Yuda wo tara ala den-kei mɔgɔ sawɛ la a bolo, Sela wo, Pɛrɛsi wo, anubɛ Sera. Kɔnɔ Pɛrɛsi wo tara ala den-kei mɔgɔ fila la a bolo, Hɛsirɔn anubɛ Hamula. Kɔnɔ Yudala den-kei mɔgɔ filɛ, Ɛra anubɛ Onan, wonu fagara Kenan nyamanɛ rɔ.

2 Samuwɛli 22:41

I ya a ma, n yogenu ya anu buri n kɔrɔ. Wo le ya a ma, n ya anu kasara.

2 Samuwɛli 24:9

Mɔgɛ min nyɔgɔn yirika si ke kɛlɛ kɛla nyamanɛ wonu tɔ, Yohabu ya wo yatɛ fɔ Mansa Dawuda ye. A ko mɔgɔ waga kɛmɛ segin (800,000) le Isirɛla nyamanɛ rɔ. Mɔgɔ waga kɛmɛ loli (500,000) le Yuda nyamanɛ rɔ.

2 Samuwɛli 5:3

Woletɔ Isirɛla kun-tiginu bara a lakiri yisi-kimɛ rɔ gben ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la.

1 Ko-Kɔrɔta-Karan 28:4

Isirɛlata Mari Alla, wo le ya Yuda bɔnsɔn yabɔ bɔnsɔn doinu tɛma. Wo kɔma, a ya n fala denbayɛ yabɔ Yuda bɔnsɔn-mɔgɛnu tɛma. Wo kɔma fanan, a ya nde, Dawuda yabɔ n fata denbayɛnu tɛma ka n ma mansɛ la Isirɛla mɔgɛnu kun na. A ya den-kei-siyaman di n ma. A ya Silamɛni yabɔ nna dan wonu tɛma ka wo ma mansɛ la Marita nyamanɛ kɛ kun na. Ale Mari le wara nde yabɔ ka mabɛ n kegeyɛnu ma mansɛ la wo kun na tɛban!

1 Ko-Kɔrɔta-Karan 5:2

Sɛnbɛ taranta Yuda bɔnsɔn-mɔgɛnu na, ado kun-tigi bɔra anu tɔ kɔnɔ hali wo, Yusufula dannu ya den-kei-sarɛta sɔ tinɛ wo sɔrɔn.)

2 Ko-Kɔrɔta-Karan 14:8

Kɛlɛ-dan mɔgɔ waga kɛmɛ sawa (300,000) ye Mansa Esa bolo Yuda nyamanɛ rɔ. Nɛgɛ-walannu anubɛ tanbɛnu bi anu dama bolo. Kɛlɛ-dan mɔgɔ waga fila mɔgɔ waga bi-segin (280,000) ye a bolo ka bɔ Bɛnyamɛ bɔnsɔn-mɔgɛnu tɔ. Nɛgɛ-walannu anubɛ kalabɛnnu bi wonu bolo. Anu kerinte, ado anu kusan kɛlɛ kɛla.

2 Ko-Kɔrɔta-Karan 15:9

Mɔgɔ-siyaman bɔra Ifɛrɛm bɔnsɔn-nyamanɛ anubɛ Manasa bɔnsɔn-nyamanɛ anubɛ Simiyɔn bɔnsɔn-nyamanɛ rɔ ka ta anu sigi Mansa Esa wara nyamanɛ rɔ bawo anu bara a yen ko Mari ye a fɛ. Mansa Esa ya mɔgɛ kɛnu kundɛn anubɛ Bɛnyamɛ anubɛ Yuda bɔnsɔn nyamanita-mɔgɛnu.

2 Ko-Kɔrɔta-Karan 17:2

Yuda nyamanɛ so-latankanɛnu wo, Yuda soe doinu wo, hali a fa Mansa Esa ara soe minnu bira-a-la nun Ifɛrɛm bɔnsɔn-mɔgɛnuna nyamanɛ rɔ wo, Mansa Yɛhosafati ya kɛlɛ-dannu sigi wonu dama rɔ.

2 Ko-Kɔrɔta-Karan 30:11

Kɔnɔ hali wo, Asɛra bɔnsɔn-mɔgɛ donu wo, Manasa bɔnsɔn-mɔgɛ donu wo, anubɛ Sɛbulɔn bɔnsɔn-mɔgɔ donu sɔnta ta-koe ma Yerusalɛm.

Yaburi 76:1

Alla mankan kolo Yuda nyamanɛ rɔ. Anu bi a gbiliyala Isirɛla nyamanɛ rɔ kosɛbɛ!

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Isikiyɛli 21:29

“Wole Amonnu, wo ya ko-rayirɛ minnu yen, tonya sa wonu tɔ. Wo ye sinan-kumɛ minnu fɔla, foninyɛ le wo bɛɛ la. Wo wunduyogo kosɛbɛ, ado wati ye nala, wo si wota tɔrɔya-laban sɔrɔn. Faan ye nala wo kunyɛnu tɔnbɔnna a daga rɔ.

Yilan-Yilan Koe 10:14

Anu tara ka le. Yuda bɔnsɔn fɔlɔn sɔra yarɔ anuta tamasere wo kɔrɔ. Aminadabula dan Neson wo le kun-tigi la Yuda bɔnsɔn kun na.

Tɔn-Fɔɛ-Fila-Nyɔgɛ 33:7

Musa duwara Yuda bɔnsɔn-mɔgɛnu ye ko, “N Mari, i wɔlɔ matɔlɔ mɔgɛ kɛnu di-kɛ-kan la ka anu dɛnbɛ. I yandi, a ma, anubɛ bɔnsɔn doinu ni to kan kelen tɔ tun. I yandi, Mari, anu tenbi anu yogenu kɛlɛla, i ni anu dɛnbɛ kɛlɛ rɔ. Alamɛ anu ya anu yogenu nɔ.”

Hiburunu 10:13

A mayiginɛ nyɔ kaka ha Alla ni a yogenu ma a tontɛ sɔ tinɛ la.

Hiburunu 7:14

Bɛɛ ya a lɔn ko Mari sɔrɔnta Yuda bɔnsɔn le tɔ, ado Nɛbi Musa ya saraka-masɔya-koe fɔ tumɛ min, a ma bɔnsɔn wola ko fɔ.

Yasowa 10:24

Yasowa ya Isirɛla kei bɛɛ kele. A ya a fɔ ala kɛlɛ-den-kun-tiginu ye ko, “Wo ni wo kian sɔ mansɛ kɛnu kan kuma alako ka anu namiliya.”

Yasowa 15:20

Soe minnu dira Yuda bɔnsɔn-mɔgɛnu ma, wo le kɛnu na. Wo donu bi wulɛ rɔ pon dugu la Idɔm dan da kɔrɔ. Soe minnu bi nyɔ, wo le kɛnu na, Kabisili, Idɛri, Yeguri,

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 5:5

Nba, kɛmɔgɔ kelen ya a fɔ n ye ko, “I kana di! I yɛ lata! Yarɛ min bɔnɛ Yuda bɔnsɔn rɔ, Dawuda bɔnsɔn malɔnnɛ, kɔni, wo ara nɔ-koe sɔrɔn a yogenu ma. Wo si ke li-kɛɛn wɔrɔnfilɛ wonu bɔla gbolo-lamininɛ wo ma ka a lafulen.”

Kɛlɛ-Kurugbɛnu 20:18

Isirɛla bɔnsɔnnu tara Bɛtɛli soe burɔ Alla madiya tinɛ. Anu ya Alla manyinika, anu ko, “Bɔnsɔn nyamintan fɔlɔn si ta ma yarɔ Bɛnyamɛ bɔnsɔn kɛlɛ tinɛ.” Mari ya Yuda bɔnsɔn yabɔ anu ye.