Ko-Dabirɛnu 49:24 - ALLALA KUMƐ

²⁴ Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

Ko-Dabirɛnu 49:24 ပူးပေါင်းရင်းမြစ်များ

Ko-Dabirɛnu 45:11

Ni wo ye yan, n si ke le wo dɛnbɛna bawo kɔnkɔ-fitinɛ kɛ ara to gbɛ san loli. A ma di n ye wo ni tɔrɔya.”

Ko-Dabirɛnu 45:5

Wo kana wo nyɛrɛ ta-a-la hali ka kilan bawo wo ya n mayira kamasɔrɔn wole gba ma. Alla le ya n nana wo yarɔ yan alako n ni wo niyi lakisi.

Ko-Dabirɛnu 45:7

Alla le ya n nana wo yarɔ yan ka n ma wobɛ wola denbayɛnu anubɛ wo kegeyɛnu kisilɛ la.

Ko-Dabirɛnu 47:12

Yusufu tora dɔntɛ labɔla a fa anubɛ ala denbayɛnu ye iko anu siya anu nyɔgɔn ko nya min.

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Ko-Dabirɛnu 49:23

I yogenu si to ile Yusufu bɔnsɔnnu makeliyala ka anu kɛlɛ kalabɛn la.

Ko-Dabirɛnu 50:21

Wo kana kilan fenfen na. N si wobɛ wola dannuna dunɛ bi.” A ya anu yisi-kima-kumɛnu fɔ.

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

2 Mansɛnu 13:16

Nɛbi ya a fɔ a ye ko a ni kalabɛn wo bira a bole rɔ. Kalabɛn wo tora a bole rɔ, Nɛbi Ilaisa ya a kɔɛnnu sa mansɛ wo kɔɛnnu kuma.

Nihɛmaya 6:9

N ya a yen ko anu bi ma rakilan-koe le tɔ alako ma kana na wɔlɛ kɛ kɛ. N ya Alla matara ko, “Alamɛ n sɛnbɛ makofura.”

Yobu 29:20

Tuma-wo-tuma, mɔgɛ bɛɛ ye n tantola. N tagbɛlɛyani de nun tuma-wo-tuma.

Yaburi 118:22

Bon-sɔlɛnu ya anu ban kuri min na ko fen ma, wo le ara ma sɛbɛna-kuru-tɔnɔnamɛ la.

Yaburi 132:1

Mari, i kana nyina Mansa Dawuda anubɛ ata tɔrɔyɛ, a muinta minnu kɔrɔ.

Yaburi 132:2

A ya a dakan-don ile Yakobata Alla-makawanɛ ye. I ni i fonde to lanyiri wo ko.

Yaburi 132:5

fɔ a wa bɔn sɔ ile Mari ye, ile Yakobata Alla-makawanɛ si i mayigi kan min.

Yaburi 18:1

Mari di n ye kosɛbɛ! N kumafunfannɛ le ale la.

Yaburi 18:30

Mata Allala ko-ladan-nyanu telenta. Fɛɛ-wo-fɛɛ sa ala kumɛnu na. Ale manɛ nɛgɛ-walan la wonu ye min bi kisi-tinɛ nyinina ale bolo.

Yaburi 23:1

Mari si n kandan iko saga-kandannɛ si ala sagɛnu kandan nya min. A ye a mala, fenfen sa dasala n na.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 28:8

Ile Mari si ila mɔgɛnu nakanan. I si ita mansa-yabɔnɛ kumafunfan ka a lakisi.

Yaburi 44:7

Kɔnɔ ile le ya ma kisi ma yogenu ma. I ya ma gboyana-mɔgɛnu nɔ ka anu namiliya.

Yaburi 73:23

Hali wo, n gbɛrɛnnɛ i ma tolon! N bolo biranɛ i bolo.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 89:1

E, Mari, n si to ila hinɛ-sigi sala tolon! N si to ila telenbagayɛ wara-koe rakaranna dɛɛ!

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 29:24

Kun-takolɔnnu si wuli ko-nya-yenna. Min bi gbunyala karan kɔrɔ, wonu si sewa karan la.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 60:16

I makoe taranta fenfen na, sibolo-gbɛrɛnu si wonu di i ma. I si to fen-nyimɛnu nabɔla nyamani-gbɛrɛnu tɔ iko dan si a na kinyɛ susun nya min. Wo wa ma tumɛ min, i ye a lɔnna wati wo le ma ko ale Mari le ye i lakananna. Wo si a lɔn ko i kunkalɛ, Yakobata Alla-Makawanɛ le ya i kisi.

Sakaraya 10:12

A ko a si ala mɔgɛnu tagbɛlɛya. Anu si a bato ka a kan to a gbɛ rɔ. Ale Mari kan le kɛ la.

Sakaraya 3:9

N bara kuru-da-gbɛlɛ sigi ile Yasowa yakɔrɔ min tonko wɔrɔnfila ye a ma. N si sɛbɛli do kɛrɛndɛ a ma. N si nyamanɛ hakɛ bɔ a ma tele kelen pe kɔrɔ.

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?

Maraka 12:10

Wo ma Allata kitabu kan tinɛ wo karan bɛ, wa? A ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la.

Luka 20:17

Yisa ya anu mafɛlɛn sin, ka nyinikalɛ kɛ ko, “Allata kitabu kɛ kɔrɛ ye kama min ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la?’

Kɛwɔlɛnu 4:11

A sɛbɛnɛ ale Yisala ko la ko, ‘Bon-sɔlɛnu ya anu ban kuri min na, wo ara ma sɛbɛna-kuru-tɔnɔnamɛ la,’

Romu 14:4

Yon bi ile la min bi mɔgɔ-gbɛrɛla wɔli-kɛlɛ rasɛla? Ni a buira wo, a sɔra wo, wo bɛɛ tonɛ a tigi le ma, ado wɔli-kɛlɛ wo si ke a sɔla bawo Alla min bi ma tigi la, wo si ke a mala, a ni sɔ.

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 33:27

Alla le wo dɛnbɛnɛ la kɛlɛ rɔ. Wo ye wo gbɔnkunna a rɔ. A ye wo kɔrɔbila. Wo tenbi tala, a ye wo yogenu gbenna wo yarɔ alako wo ni anu faga.

Tɔn-Fɔɛ-Fila-Nyɔgɛ 34:9

Nunna dan Yasowa salɛ fanɛ hɛnkili la bawo Musa ara ban a dantɛgɛla Mari ma a nyɛrɛ gbɛ rɔ. Mari ya tɔn minnu di Musa ma nun, Isirɛla mɔgɛnu ya wonu bira anu bolo filɛ la gben Yasowa bolo.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.

Yasowa 17:18

Wo si ta ka nyɔ-kɔlɔmanu tɛgɛ. Wo ni nyɔ ladan wo nyɛrɛ ye. N ya a lɔn ko wo si ke Kenan mɔgɛnu gbenna le. Hali anuna nɛgɛ-kirindinu siya, wo si ke ka anu nɔ feu!”

Kɛlɛ-Kurugbɛnu 1:22

Mari ya Ifɛrɛm bɔnsɔn anubɛ Manasa bɔnsɔn dɛnbɛ. Anu tara Bɛtɛli soe kan ma min tɔgɛ nun Lusi. Anu bi soe wo manɛgɛnna tumɛ min, anu ya ko-lakɔrɔsilɛnu nata soe wo mafɛlɛn tinɛ.