Ko-Dabirɛnu 49:22 - ALLALA KUMƐ

²² “Ile Yusufu, i bɔnsɔnnu si sabati iko kɔlɔma kuru-gbɔnɛ min bi tenke dafɛ. A si nanfa kubukubu, ka a bolɔnnu nata soe tarɛ kuma.

Ko-Dabirɛnu 49:22 ပူးပေါင်းရင်းမြစ်များ

Ko-Dabirɛnu 41:52

Den-kei fila nyɔgɛ sɔrɔnnɛ, Yusufu ko, “Alla ara a ma, n bara yiri tɔrɔya-nyamanɛ kɛ rɔ.” Woletɔ a ya dan wo tɔgɔ sa Ifɛrɛm bawo tɔgɛ wo kɔrɛ le iko mɔgɔ wa a fɔ ko, “Yiri.”

Ko-Dabirɛnu 46:27

Yusufu ya den-kei fila sɔrɔn Iyipiti nyamanɛ rɔ. Yakoba bɔnsɔn min bɛɛ taranta Iyipiti nyamanɛ rɔ, wo yatɛ bɛnta mɔgɔ bi-wɔrɔnfila (70) ma.

Ko-Dabirɛnu 48:1

A ma mɛ kɛ kɔma, anu ya a fɔ Yusufu ye ko a fa ma kɛndɛ. A tara ala den-kei filɛ la a bolo, Ifɛrɛm anubɛ Manasa ka ta a fa Yakoba kɔndɔn tinɛ.

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

Ko-Dabirɛnu 48:5

Yakoba ya a fɔ Yusufu ye tun ko, “Ila den filɛ Ifɛrɛm anubɛ Manasa i wara minnu sɔrɔn Iyipiti nyamanɛ rɔ kɛ la, ntɛ le wonu na iko ntɛ le i kɔrɔ Rubɛn anubɛ i kɔrɔ Simiyɔn na nya min.

Ko-Dabirɛnu 49:23

I yogenu si to ile Yusufu bɔnsɔnnu makeliyala ka anu kɛlɛ kalabɛn la.

Yaburi 128:1

Marita kuma-biralɛnu sewani de, minnu bi tagamana ata kilɛ fɛ, kɔni.

Yaburi 128:3

Ala musi si ma iko ki-fen-gbɔnɛ a warɛ bɔn la. Ala dannu si siyaya ala foolɛ rɔ.

Yaburi 80:10

A gbɔfɔra kɔnkɛ bɛɛ kuma. Hali kɔlɔma-layan-bɛnu, a yɛlɛta wo bɛɛ la.

Isikiyɛli 19:11

A bolɔnnu fasa ha anu mara mansaya-kɔnnu na. Nɔnbɛ wo yɛlɛta furr, ha a tugura san-kole la. Ka a tɛgɛ a yanbɛla siyayɛ anubɛ ala yanyɛ ma, mɔgɛ bɛɛ ya a yen.

Hoseya 13:15

Hali wo sabatira iko binyɛ, n si fɔn-kalamɛ lana ka bɔ tele-bɔɛ wara la min si wola kɔlɔnnu anubɛ wola tenkenu tagbala todo! Wola fen-kolomɛnu namara tinɛnu ta si kolonya filili!