Ko-Dabirɛnu 48:7 - ALLALA KUMƐ

⁷ N bi kɛ mala Resɛli lela ko la. Ma bɔɛ Mɛsopotemiya nyamanɛ rɔ, n yisi tinyanta bɛrɛkɛ, bawo Resɛli fagara n bolo Ɛfarati kilɛ la Kenan nyamanɛ rɔ. N ya a togon nyɔ.” (Anu bi a fɔla Ɛfarati soe le ma kaka ko Bɛtalehɛm.)

Ko-Dabirɛnu 48:7 ပူးပေါင်းရင်းမြစ်များ

Ko-Dabirɛnu 25:20

Isiyaka sɔrɔn ya san bi-nani bɔ tumɛ min, a ya Bɛtuwɛlila den Rebɛka furu. Aram kɛ le anu denu na min bi Mɛsopotemiya nyamanɛ rɔ. A kɔrɔ-kei tɔgɛ le Leban.

Ko-Dabirɛnu 33:18

Yakoba bɔra Mɛsopotemiya nyamanɛ rɔ tumɛ min, a yisi-kimanɛ tara ha Sɛkɛm soe burɔ Kenan nyamanɛ rɔ.

Ko-Dabirɛnu 35:20

Yakoba ya kuri sɔ a kanbɛ kuma. Ha bi, kuri sɔnɛ kanbɛ wo kuma nyɔ.

Ko-Dabirɛnu 35:9

Yakoba bɔɛ Mɛsopotemiya nyamanɛ rɔ, Alla bɔra a ye gbɛ rɔ tun ka ata duwɛ layigi a kuma.

Ko-Dabirɛnu 48:6

Ni i ya dan minnu sɔrɔn kɛnu kɔma, iletɛ le wonu na. Wonu si n kɛɛ sɔrɔn anu kɔrɔ mɔgɔ filɛ kɛnu na.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Matiyu 2:18

“Ma ya diyi-kɛ-kan anubɛ sɔnkɔ-sɔnkɛ lamɔɛn Rema soe burɔ. Resɛli ye dila ala dannuna ko la. A ye dila, ado a ma ti diya bawo anu bara ala dan bɛɛ faga.”

Ruti 1:2

a tɔgɛ Ilimilɛki. Ɛfarati kebila-mɔgɛ do le. Kei wonubɛ ala musi anubɛ ala den-kemini filɛ tara anu sigi Mohabu nyamanɛ rɔ kɔnkɔ sa kan min. Ala musi wo tɔgɛ le Neyomi. Anuna den-kemini filɛ wonu tɔgɛ le Malɔn anubɛ Kaliyɔn.

1 Samuwɛli 1:1

Ifɛrɛm bɔnsɔn-mɔgɛ do ye nyɔ min tɔgɛ Ɛlakena. A siginɛ Rema soe burɔ Ifɛrɛmta kɔnkɔ-nyamanɛ rɔ. A fa tɔgɛ le Yɛroham. Yɛroham wo fanan fa tɔgɛ le Ɛlihu. Ɛlihu wo fanan fa tɔgɛ Tohu. Tohu wo fanan fa tɔgɛ le Sufu.

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.