Ko-Dabirɛnu 48:5 - ALLALA KUMƐ

⁵ Yakoba ya a fɔ Yusufu ye tun ko, “Ila den filɛ Ifɛrɛm anubɛ Manasa i wara minnu sɔrɔn Iyipiti nyamanɛ rɔ kɛ la, ntɛ le wonu na iko ntɛ le i kɔrɔ Rubɛn anubɛ i kɔrɔ Simiyɔn na nya min.

Ko-Dabirɛnu 48:5 ပူးပေါင်းရင်းမြစ်များ

Ko-Dabirɛnu 46:20

Wo tumɛ Yakobala den Yusufu ye Iyipiti, ala musi Asɛnati ya den-kei mɔgɔ fila sɔrɔn a ye, Manasa anubɛ Ifɛrɛm. Pɔtifɛra min bi saraka-masɔ-wɔli kɛla Iyipiti bɛsɛnu ye Hɛliyapɔlisi soe burɔ, wola den-sɔrɔnnɛ le Asɛnati wo la.

Ko-Dabirɛnu 48:1

A ma mɛ kɛ kɔma, anu ya a fɔ Yusufu ye ko a fa ma kɛndɛ. A tara ala den-kei filɛ la a bolo, Ifɛrɛm anubɛ Manasa ka ta a fa Yakoba kɔndɔn tinɛ.

Ko-Dabirɛnu 48:6

Ni i ya dan minnu sɔrɔn kɛnu kɔma, iletɛ le wonu na. Wonu si n kɛɛ sɔrɔn anu kɔrɔ mɔgɔ filɛ kɛnu na.

Yaburi 77:16

E, Alla, kɔgɔ-yi wa i yen, wo fanan si kilan i la. Kɔgɔ-yi-tungban si yɛrɛyɛrɛn iko mɔgɛ si yɛrɛyɛrɛn kilan bolo i kɔrɔ nya min.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Isikiyɛli 47:13

Ma Tigi Mari ko, “Dugi min bi talala wole Isirɛla bɔnsɔn tan-ni-filɛ tɛma, wo dan le kɛnu na, ado Yusufu bɔnsɔn ye kan-tina fila le sɔrɔnna nyamanɛ kɛ rɔ.

Malakayi 3:17

Mari Sɛnbɛ-Bɛɛ-Tigi ko anu si ma ata mɔgɛ la. Mari ko a wa a halala-mɔgɛnu kundɛn lunyɛ min, anu si ma atɛ la. Iko fa si kinikini ala dan ma nya min min bi wɔli kɛla a ye, Alla fanan si kinikini ata mɔgɛ wonu ma wo nya na le.

Yilan-Yilan Koe 1:10

Bɔnsɔn fila bɔra Yusufu rɔ, Ifɛrɛm anubɛ Manasa, kɔni. Wo ni Amihudila dan Ilasama kele ka bɔ Ifɛrɛm bɔnsɔn rɔ. Wo ni Pɛdasala dan Kamɛliya kele ka bɔ Manasa bɔnsɔn rɔ.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Ɛfɛsa 1:5

Alla ara ban a latɛgɛla ko ma ni ma a halala-dannu na Yisa Kirasiti baraka rɔ, ado a nyɛrɛ diyana-koe le wo bɛɛ la.

Hiburunu 11:21

Yakoba fagamatoe, a ya a dun ala sewuri la Alla bato tinɛ. Nba, dɛnkɛninyɛ le fɛ, a duwara Yusufula den-kei filɛ bɛɛ ye.

Yasowa 13:7

I ni nyamanɛ kɛ ratala Isirɛla bɔnsɔn kɔnɔntɔ anubɛ a talɛ tɛma iko n ya a fɔ i ye nya min fɔlɔ nun.”

Yasowa 14:4

Yusufu bɔnsɔn fanan farata bɔnsɔn fila la, Ifɛrɛm anubɛ Manasa. Musa ma nyamani-fenfen di Lifayi bɔnsɔn ma, fɔ kan-tina-kundunɛnu anuna kolo-fannu si anu de-nyini kan min anubɛ soe donu anu si sigi kan min.