Ko-Dabirɛnu 48:15 - ALLALA KUMƐ

¹⁵ Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Ko-Dabirɛnu 48:15 ပူးပေါင်းရင်းမြစ်များ

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 24:20

A ya a lakaliya ka yi maduni ka a kɛ kolo-fannu min-kɛ-tinɛ rɔ nyomɛ wonu ye. A sɛgira tun ka ta yi do bi. Nyomɛ wonu damasi ya anu min nyɔ ha anu wasara.

Ko-Dabirɛnu 24:40

Kɔnɔ a ya a fɔ n ye ko a ye tagamana Mari min baraka rɔ, wo si ala melika bila n fɛ ka nna kilɛ ma hɛrɛ la alako n si musi sɔrɔn ala dan ye a fa bɔnsɔn rɔ nya min.

Ko-Dabirɛnu 27:27

Yakoba ya a madon a fa la ka a sunbu. A na ya a kɔrɔla duruki min don a kan na, a fa ya wo sumɛ lamɔɛn ka a fɔ a ye ko, “Nna dan sumɛ manɛ iko Mari wa mɔgɔ-harayɛgɛ fulen donsoya-firɛ rɔ.” A fa duwara ale Yakoba ye ko,

Ko-Dabirɛnu 28:20

Yakoba ya a dato, a ko, “Ni Alla tora n fɛ ka n kandan nta tagama kɛ rɔ, n ni dɔn-fan anubɛ fɛrɛya-bɔɛ sɔrɔn,

Ko-Dabirɛnu 28:22

N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”

Ko-Dabirɛnu 28:3

Alamɛ Alla Sɛnbɛ-Bɛɛ-Tigita duwɛ tora i kuma alako i ni yiri boi! Alamɛ i mara bɔnsɔn-kunyɛ la.

Ko-Dabirɛnu 35:3

Ma ni wuli wona ka ta Bɛtɛli. N si saraka-mintan-tinɛ sɔ Alla ye nyɔ bawo wo tumɛ n bi tɔrɔyɛ rɔ, Alla ya n denkun. A tora n fɛ ka n kandan nta tagama bɛɛ rɔ.”

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

Ko-Dabirɛnu 49:22

“Ile Yusufu, i bɔnsɔnnu si sabati iko kɔlɔma kuru-gbɔnɛ min bi tenke dafɛ. A si nanfa kubukubu, ka a bolɔnnu nata soe tarɛ kuma.

Ko-Dabirɛnu 49:24

Kɔnɔ hali wo, nde, Yakobata Alla Sɛnbɛ-Bɛɛ-Tigi, wo ya Yusufuta kalabɛn ragbɛlɛya. A ti bɔ a gbɛ rɔ. Ma makandannɛ le ale la. Wo le si a ma, ile Yusufu bɔnsɔnnu ti kilan. Anu si anu sɔ gben!

Ko-Dabirɛnu 49:28

Yakoba ya wɔlɔyiya-kumɛ minnu fɔ ka a masara ale Isirɛlala den tan-ni-filɛ la nya min, wo le wonu na.

Ko-Dabirɛnu 6:9

Den-kei mɔgɔ sawa ye Nowa bolo nun, Sɛma wo, Hama wo, anubɛ Yefɛti. Duninya fanɛ wunduyogoyɛ anubɛ karagbɛlɛyɛ la kɔnɔ wo wati rɔ, Nowa kelan le mɔgɔ-latelennɛ la Alla yala duninya rɔ. Nowa tora Allala kilɛ fɛ.

1 Mansɛnu 3:6

Mansa Silamɛni ya a fɔ Alla ye ko, “I ya keninteya-wɛ yira n fa Dawuda la bawo a mara mɔgɔ-nyimɛ anubɛ mɔgɔ-telennɛ la i yala. I wara den-kei di a ma min bara mansayɛ kɛ a gbɛ rɔ. Wo fanan bara a yira ko a di i ye.

1 Ko-Kɔrɔta-Karan 5:1

Yakobala sarɛ tɔgɛ le Rubɛn. (A ya a sa a na-dɔgɔma do fɛ min kɛ, wo le ya a ma, den-kei-sarɛta sɔ tinɛ, ale Rubɛn foora wo la. Den-kei-sarɛta sɔ tinɛ wo tora Yusufu ye.

Yaburi 16:8

N yɛ bɛnnɛ ale Mari ma burubukai! Fenfen ti n takilan.

Yaburi 23:1

Mari si n kandan iko saga-kandannɛ si ala sagɛnu kandan nya min. A ye a mala, fenfen sa dasala n na.

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Bɔ-Koe-Iyipiti 3:16

“Ta, i ni Isirɛla mɔgɔ-banu nadɛn ka a fɔ anu ye ko anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, wo le nara i wara ta-mɛlan rɔ. N bara a fɔ i ye ko min bɛɛsi ye mala anu na Iyipiti, ko n bara wo bɛɛ lɔn.

Bɔ-Koe-Iyipiti 4:5

Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

Makawandili Kumɛnu 5:12

Wɔli-kɛlɛ ya fen-ni dɔn wo, a ya fen-ba dɔn wo, a si kinɔgɔ a diya. Kɔnɔ hali nɔnfulu-tigi ya fen-diyamɛ bɛɛ dɔn, a ti kinɔgɔ a fanbolo.

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Makawandili Kumɛnu 6:7

Mɔgɛ ye wɔlɛ min bɛɛ kɛla duninya rɔ, a ye wo kɛla a buyi lela ko la kɔnɔ buyi ti wasa.

Aiseya 30:21

Min ba kilɛ madasa doni bɛrɛn, wo si a lamɔɛn a kɔma ko, “Ta kila-telennɛ kɛ fɛ. Doi wo ma de!”

Aiseya 33:16

Wo si a ma, wo la ni tanka. Wo la si kanan iko wo ye kan-tina-gbɛlɛmɛ do le tɔ. Dɔn-fan anubɛ yi ti dasa wo ma muk!

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

Kɔlɔsi 2:6

Nba, wo ara sɔn Yisa Kirasiti la min kɛ, ko a ni ma wo Mari la, wo ni to ala kumɛ birala wo nya.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

Hiburunu 11:21

Yakoba fagamatoe, a ya a dun ala sewuri la Alla bato tinɛ. Nba, dɛnkɛninyɛ le fɛ, a duwara Yusufula den-kei filɛ bɛɛ ye.