Ko-Dabirɛnu 48:14 - ALLALA KUMƐ

¹⁴ Hali dan-dɔgɔmɛ le Ifɛrɛm la, Yakoba ya a bole ratantan ka a bolo-nyimɛ sa wo kuma. A ya a bolo-maran sa a kinamɛ Manasa kuma.

Ko-Dabirɛnu 48:14 ပူးပေါင်းရင်းမြစ်များ

Ko-Dabirɛnu 41:51

A fɔlɔtɛ sɔrɔnta tumɛ min, Yusufu ko, “Alla ara a ma, n fala denbayɛnu ya koe min ma anubɛ nta tɔrɔyɛ, n bara nyina wonu ko. Woletɔ nna den-kei-sarɛ kɛ tɔgɛ le Manasa bawo tɔgɛ wo kɔrɛ le iko mɔgɔ wa a fɔ ko, ‘Ka nyina.’ ”

Ko-Dabirɛnu 41:52

Den-kei fila nyɔgɛ sɔrɔnnɛ, Yusufu ko, “Alla ara a ma, n bara yiri tɔrɔya-nyamanɛ kɛ rɔ.” Woletɔ a ya dan wo tɔgɔ sa Ifɛrɛm bawo tɔgɛ wo kɔrɛ le iko mɔgɔ wa a fɔ ko, “Yiri.”

Ko-Dabirɛnu 46:20

Wo tumɛ Yakobala den Yusufu ye Iyipiti, ala musi Asɛnati ya den-kei mɔgɔ fila sɔrɔn a ye, Manasa anubɛ Ifɛrɛm. Pɔtifɛra min bi saraka-masɔ-wɔli kɛla Iyipiti bɛsɛnu ye Hɛliyapɔlisi soe burɔ, wola den-sɔrɔnnɛ le Asɛnati wo la.

Ko-Dabirɛnu 48:13

Wo kɔma, a ya Ifɛrɛm sigi a fa dafɛ a bolo-maran wara la. A ya Manasa sigi a fa dafɛ a bolo-nyimɛ wara la iko anu kina anu nyɔgɔn ko nya min.

Ko-Dabirɛnu 48:17

Yusufu ya a yen tumɛ min ko a fa ara a bolo-nyimɛ sa den-kei-dɔgɔmɛ kuma, wo ma diya a ye mumɛ! A ya a fa bole bɔ Ifɛrɛm kuma ka a sa Manasa kuma.

Ko-Dabirɛnu 48:18

Yusufu ya a fɔ a fa ye ko, “N fa, a sa wo nya. Den-fɔlɔtɛ le Manasa la. I bolo-nyimɛ sa wo kuma.”

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 118:16

Ata sɛnbɛ ara a ma, ma ara nɔ-ko sɔrɔn. Nɔlɛ sɔrɔnta kɛlɛ rɔ Marita kabana-ko-sɛnbɛ le la!”

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Yilan-Yilan Koe 2:18

“Nde, Marita bɔn tele-yigi wara la, bɔnsɔn filɛ minnu bi nyɔ, wonu bi Ifɛrɛm bɔnsɔn kɔrɔ. Ifɛrɛm bɔnsɔn ya wonu dafa bɔnsɔn sawa ma. Bɔnsɔn sawɛ wonu nakofunɛ, wo le Ifɛrɛm bɔnsɔn anubɛ a kebilɛnu na. Anuna kun-tigi le Amihudila dan Ilasama la. Ifɛrɛm bɔnsɔn yatɛ bɛnta mɔgɔ waga bi-nani ani mɔgɔ kɛmɛ loli (40,500) ma. “Min tugunnɛ Ifɛrɛm bɔnsɔn la, wo le Manasa bɔnsɔn anubɛ a kebilɛnu na. Anuna kun-tigi le Pɛdasala dan Kamɛliya la. Manasa bɔnsɔn yatɛ bɛnta mɔgɔ waga bi-sawa, mɔgɔ waga fila ani mɔgɔ kɛmɛ fila (32,200) ma. “Min tugunnɛ Manasa bɔnsɔn la, wo le Bɛnyamɛ bɔnsɔn anubɛ a kebilɛnu na. Anuna kun-tigi le Kidiyɔnila dan Abidan la. Bɛnyamɛ bɔnsɔn yatɛ bɛnta mɔgɔ waga bi-sawa, mɔgɔ waga loli ani mɔgɔ kɛmɛ nani (35,400) ma. Bɔnsɔn sawɛ kɛnu nakofunɛ, wo le bɛnta mɔgɔ waga kɛmɛ kelen, mɔgɔ waga segin ani mɔgɔ kɛmɛ kelen (108,100) ma. Anu tenbi tala tagama rɔ tumɛ min, wonu si bila Lifayi mɔgɛnu fɛ.”

Yilan-Yilan Koe 8:10

Isirɛla mɔgɛnu ba na tumɛ min, anu damasi ni anu bole sa Lifayi bɔnsɔn kebila-mɔgɛnu kuma ka anu di nde, Mari ma anuna den-kei fɔlɔtɛnu gbɛ rɔ. Wo kɔma, Aruna ni Lifayi mɔgɛnu dantɛgɛ nde, Mari ma nta wɔlɛla ko la.

Matiyu 16:18

N bi i tɔgɛ sala Pita. Wo kɔrɛ le farɛ. N si nta chɔchi sɔ farɛ wo kuma. Hali sayɛ ti nɔ-ko sɔrɔn a ma mumɛ!

Matiyu 19:13

Mɔgɛ donu nara anuna dennɛnu na Yisa wara ko a ni a bole sa anu kuma ka Alla matara anu ye. Kɔnɔ ala karan-dannu ya mɔgɛ wonu makuma.

Matiyu 19:15

Yisa ya a bole sa anu kuma. Wo kɔma, a bɔra nyɔ.

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Luka 13:13

A ya a bole sa a kuma. Musi wo kɔɛ latelenta kelenna! A ya Alla tantoe dabira.

Luka 4:40

Tele yigi wati, kirayatoe ye mɔgɛ min bɛɛ bolo kiraya-su bɛɛ, anu nara wonu na Yisa wara. A ya a bole sa anu dama kuma ka anu nakɛndɛya.

Kɛwɔlɛnu 13:3

Anu tora sunyɛ rɔ Alla matara tinɛ. Anu ban wo la, anu ya anu bole sa wonu kuma ka anu nata.

Kɛwɔlɛnu 6:6

Nyama ya wonu yira Marita kilayɛnu na. Wonu ya Alla matara anu ye ka anu bole sa anu kuma.

Tɔn-Fɔɛ-Fila-Nyɔgɛ 34:9

Nunna dan Yasowa salɛ fanɛ hɛnkili la bawo Musa ara ban a dantɛgɛla Mari ma a nyɛrɛ gbɛ rɔ. Mari ya tɔn minnu di Musa ma nun, Isirɛla mɔgɛnu ya wonu bira anu bolo filɛ la gben Yasowa bolo.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

1 Timoti 5:22

I kana gbaran i nyɛrɛ la ka i bole sa mɔgɔ kuma tiriya Marita wɔlɛla ko la. Ni i ya wo ma, wo wa bui, wo filɛ ara don hakɛ rɔ. I ni i nyɛrɛ mara sɛninyɛ rɔ wati bɛɛ.