Ko-Dabirɛnu 47:29 - ALLALA KUMƐ

²⁹ Yanni a ni faga tumɛ min, a ya ala den Yusufu kele ka a fɔ a ye ko, “I ni i bole ladon n woro filɛ tɛma ka i keli n ye ko n ba faga tumɛ min, ni i si n togon Iyipiti nyamanɛ kɛ rɔ yan.

Ko-Dabirɛnu 47:29 ပူးပေါင်းရင်းမြစ်များ

Ko-Dabirɛnu 24:2

Wo wati rɔ, Iburayima ya a fɔ ala wɔli-kɛla-kunyɛ ye min bi a bolo-fan bɛɛsi kuma ko, “I bole ladon n kin tɛma

Ko-Dabirɛnu 24:49

Nba, ni wole si sɔn ko-nyimɛ kɛla n tigi ye ka dunmusi kɛ di a ma, wo ni a fɔ n ye. Ni wo ti sɔn wo ma, wo ni wo fanan fɔ n ye. Ni nde si min ma wo rɔ, n ni na to wo mala.”

Ko-Dabirɛnu 27:2

Isiyaka ya a fɔ ko, “I ya a lɔn ko n bara kɔrɔya kɔbɔkɔbɔ! N bi fagala tuma-wo-tuma, n ma wo lɔn

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

Ko-Dabirɛnu 47:9

Yakoba ya a fɔ mansɛ ye ko, “N bara san kɛmɛ ani san bi-sawa (130) bɔ kɔnɔ hali wo, n ma kɔrɔya wɛ iko n benbanu. Kɔnɔ san kɛ mumɛ bɛɛ mara n tɔrɔya-san le la.”

Ko-Dabirɛnu 48:21

Yakoba ya a fɔ a ye ko, “Yusufu, n fagamatoe le kɛ la kɔnɔ Alla si to i fɛ ka wo lasɛgi tun fɔ wo benba anubɛ wo fata nyamanɛ rɔ.

Ko-Dabirɛnu 50:12

Yakobala den-keinu tara a furi la ha faran wo la anu benba Iburayima ya min san Hɛti kɛ do ma min tɔgɛ Ɛfirɔn. Faran wo ye Makipela tɛngbɛnya rɔ Mamireya telen tɔ Kenan nyamanɛ rɔ. Anuta kaburu-soe le faran wo la. Ala den-keinu ya a togon iko a ya a fɔ anu ye nya min.

Ko-Dabirɛnu 50:5

yanni n fa ni a layigi tumɛ min, a ya a ma, n ya n keli a ye. A ara kaburu-soe min tabɛn Kenan nyamanɛ rɔ a ko n ni ta a togon nyɔ rɔ. Woletɔ n bi mansɛ madiyala ni a si sɔn, n ni ta n fa togon. N ba ban a togonna tumɛ min, n si sɛgi.” Mɔgɔ-banu tara wo fɔ mansɛ ye.

2 Samuwɛli 14:14

Kɔnɔ a mara nya-wo-nya, fɔ ma dama wa faga le. Ma mani de iko yi ra wa wuya dugi ma. Mɔgɔ ti ke wo madɛnna tun. Hali Alla, niyi-bɔɛ ma di a ye. Kɔnɔ Alla si fɛrɛ nyini ka mɔgɔ-konnɛ lasɛgi a ma tun.

2 Samuwɛli 2:32

Yohabu anubɛ ala kɛlɛ-dannu ya Asahɛli furi bi ka ta a togon anuna kebila-kaburu-soe rɔ min bi Bɛtalehɛm kɔma. Wo kɔma, anu denu fanan kira tagamana kudu! Anu tara ke Hiburɔn soe ma sɔgɔma.

2 Samuwɛli 7:12

Ale Dawuda wa faga tumɛ min, anu ba ban a togonna, n si a ma, ala dan do ni to a gbɛ rɔ min si ala nyamanɛ to fanka rɔ.

1 Mansɛnu 2:1

Mansa Dawuda saya-wati gbɛrɛnta tumɛ min, a ya a fɔ ala den Mansa Silamɛni ye ko,

Yobu 14:14

Ni hadama-dan fagara, a niyi si sɛgi a rɔ tun, ba? Kɔnɔ n si ila wati-hakikɛ makɔnɔ ha nta tɔrɔyɛ kɛ ni bɔ n kuma.

Yobu 30:23

I wara saya gbɛrɛn n ma, mɔgɛ bɛɛ ta tinɛ, kɔni.

Yobu 7:1

Hadama-dan-niyi mani de iko anu bi mɔgɛ min fɔrɔsɛla ka ma kɛlɛ-dan la. A mani de iko wɔliwɔli-kɛlɛ.

Yaburi 49:7

Mɔgɔ-wo-mɔgɔ ti ke a niyi-kunka-sarɛ bɔla Alla ye

Yaburi 49:9

min si a lakisi lakira-tɛ ma ka a to a niyi la.

Yaburi 6:5

Mɔgɔ wa faga, a si nyina ile Alla ko. Ni mɔgɛ ara ban donna lakira, a ti i matɔgɔ nyɔ rɔ tun.

Yaburi 89:48

Mɔgɔ yon si to, a ma faga? Mɔgɛ si ke a nyɛrɛ lakananna kanbɛ ma kama?

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Hiburunu 11:22

Yusufu fanan fagamatoe, a ya Isirɛla mɔgɛnu bɔ-koe fɔ Iyipiti nyamanɛ rɔ dɛnkɛninyɛ le fɛ. Anu si min ma a fɛrɛ-bɔnkɛ la, a ya wo rakaran anu ye.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

Yasowa 2:14

Mɔgɔ filɛ wonu ya a fɔ a ye ko, “Mari wa soe kɛ di ma ma tumɛ min, ni i ma a fɔ mɔgɔ-wo-mɔgɔ ye ko ma ye nala le, ma si ko-nyimɛ kɛ i ye iko i ya ko-nyimɛ kɛ ma ye nya min. Ni ma ti na ko-nyimɛ kɛ i ye, Mari Alla ni male fanan halaki.”

Yasowa 23:14

“Kaka, n bara kɔrɔya, n siyi ma yan tun. Wole ya a lɔn wo yisi rɔ kaka ko mata Mari Alla ya ko-nyimɛ min bɛɛsi rabɛn wo ye lanyiri fɛ, wo bɛɛsi ara ma tonyɛ la. Mari ya lanyiri kiri fen-nyimɛ min bɛɛla ko la, wo mara tonyɛ la.

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.