Ko-Dabirɛnu 47:27 - ALLALA KUMƐ

²⁷ Yakobala denbayɛ, Isirɛla mɔgɛnu, kɔni, wonu sigira Kosɛn sigisɔn rɔ Iyipiti nyamanɛ rɔ tumɛ min, anu ya nɔnfuli sɔrɔn ka yiri bɛrɛkɛ!

Ko-Dabirɛnu 47:27 ပူးပေါင်းရင်းမြစ်များ

Ko-Dabirɛnu 13:16

N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Ko-Dabirɛnu 17:6

ado nde le ye a mala, i bɔnsɔnnu ni siyaya. N si sibolenu bɔ i bɔnsɔn wonu tɔ. Sibolenu anubɛ mansɛnu si bɔ i bɔnsɔn rɔ.

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

Ko-Dabirɛnu 34:10

Wo ni wo sigi lafɛrɛ rɔ ma tɛma. Nyamanɛ kɛ ra si ka wo ma. Wo si yilayɛ kɛ yan tɔ ka sabati.”

Ko-Dabirɛnu 35:11

Alla ya a fɔ a ye tun ko, “Alla Sɛnbɛ-Bɛɛ-Tigi le nde la. I ni yiri ka siyaya. Bɔnsɔn siyaman si bɔ ile rɔ. Mansɛnu si bɔ i bɔnsɔn wonu tɔ.

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

Ko-Dabirɛnu 47:11

Yusufu ya sigi-tina-hakikɛ di a fa anubɛ ala denbayɛnu ma Kosɛn sigisɔn rɔ, Ramɛsisi soe dafɛ Iyipiti nyamanɛ rɔ iko mansɛ ya a fɔ nya min.

Ko-Dabirɛnu 8:7

A ya bibi do boloka. Wo tora ta-ni-sɛgi kɛla ha yi gbalata dugu-kole kuma.

Ko-Dabirɛnu 8:9

Kɔnɔ purulan ma a sigi tina sɔrɔn, woletɔ a sɛgira Nowa wara kulɔn rɔ kamasɔrɔn yi ye dugu-kole bɛɛ kuma fɔlɔn. Nowa ya a bole labɔ ka purulan wo bira ka a ladon kulɔn rɔ.

Nihɛmaya 9:23

I ya a ma, anu yirita bui, ka siyaya iko lolenu. I ya anu benbanu yili-madiya nyamanɛ minna ko la, anu ya anu yogenu nɔ ka anu sigi wonuta nyamanɛ rɔ.

Yaburi 105:24

Mari ya den-siyaman di ala dannu ma nyɔ rɔ. A ya anu tagbɛlɛya ka tenbi anu yogenu na.

Yaburi 107:38

Allata duwɛ yigira mɔgɛ kɛnu ma. Wonu yirita bui! Kasara ma sigi anuna ninkinu na tun.

Bɔ-Koe-Iyipiti 1:12

Kɔnɔ anu tara Isirɛla mɔgɛnuna tɔrɔyɛ makofula nya min, Isirɛla mɔgɛnu tora siyayala wo nya na le. Anu warata ha Isirɛla mɔgɛnuna mɔninyɛ ya Iyipiti kɛnu bira.

Sakaraya 10:8

Mari ko a si ala mɔgɛnu kele ka anu kundɛn kan-tina-kelen. A ko a si anu kunyɛ bɔ gbaran rɔ ka anu nasiyaya iko fɔlɔ.

Kɛwɔlɛnu 7:17

“Alla ya lanyiri min kiri Iburayima ye, wo wati gbɛrɛnta tumɛ min, mala mɔgɛnu kuma-sara Iyipiti nyamanɛ rɔ ha ka wara.

Tɔn-Fɔɛ-Fila-Nyɔgɛ 10:22

Nba, wo ni wo miri kɛ ma de! Wo benbanu bi tala Iyipiti tumɛ min, anu mɔgɔ bi-wɔrɔnfila pe! Kɔnɔ kaka, wota Mari Alla ara a ma, wo ara siyaya iko lolenu.”

Tɔn-Fɔɛ-Fila-Nyɔgɛ 26:5

Wo kɔma, wo si a fɔ Mari ya la nyɔ ko, ‘Ma benba anubɛ ala denbayɛ bɔra Aram nyamanɛ rɔ ka to yilan-yilanna ha anu tara anu sigi Iyipiti nyamanɛ rɔ. Anu bi tala nyɔ tumɛ min, anu ma siya kɔnɔ wati-tenbinɛ, a bɔnsɔn ya fanka sɔrɔn ka siyaya.