Ko-Dabirɛnu 47:22 - ALLALA KUMƐ

²² fɔ minnu bi saraka-masɔ-wɔli kɛla Iyipiti bɛsɛnu ye. A ma wonu denuna duginu san bawo mansɛ le wonu de-nyini tinɛ.

Ko-Dabirɛnu 47:22 ပူးပေါင်းရင်းမြစ်များ

Ko-Dabirɛnu 14:18

Selam so-tigi Mɛlikisidaki nara biredi anubɛ nɔnbɔ-gbɔ-yi la Burama ye. Alla Min Bi Fan Bɛɛ Kun Na, wola saraka-masɔlɛ do le Mɛlikisidaki kɛ la.

Ko-Dabirɛnu 41:45

Mansɛ ya tɔgɔ-kurɛ di ale Yusufu ma, a ko, “I tɔgɛ le gbɛ ‘Duninya-Kisilɛ.’ ” Mansɛ ya Asɛnati furu Yusufu ye ka a di a ma. Asɛnati wo fa Pɔtifɛra le saraka-masɔ-wɔlɛ kɛla Iyipiti bɛsɛnu ye Hɛliyapolisi soe burɔ. Yusufu-sɔrɔn ya san bi-sawa bɔ tumɛ min, a nara to sɔ tinɛ wo sɔrɔnna Iyipiti nyamanɛ rɔ. Yusufu ya ala wɔlɛ dabira ka Iyipiti nyamanɛ ratagama.

Ko-Dabirɛnu 41:50

Yanni san wɔrɔnfilɛ wonu kɔnkɔ-fitinɛ ni na Iyipiti nyamanɛ rɔ, Asɛnati ya den-kei fila sɔrɔn Yusufu ye.

Ko-Dabirɛnu 47:21

Ka a fɔlɔ Iyipiti nyamanɛ-dan doi ma ha ka ta a sigi a dan doi la, Yusufu ya a mɔgɛ bɛɛ ma yɔɔn la,

Ko-Dabirɛnu 47:23

Wo kɔma, Yusufu ya a fɔ mɔgɛnu ye ko, “N bara wobɛ wola duginu san mansɛ ye. Wo ni wola suginu bi ka ta anu fui wola sɛnɛnu ma.

Ko-Dabirɛnu 47:26

Min bɛɛ ya fen-sɔrɔn-kɛ anuna sɛnɛnu tɔ, anu ya wonu dan nani, a loli nyɔgɛ mara mansɛtɛ la. Ha bi, wo tɔn ye Iyipiti nyamanɛ rɔ nyɔ. Fɔ saraka-masɔlɛ minnu bi sarakɛnu bɔla bɛsɛnu ye nyɔ, wonu denu dɔrɔnna dugi ma ma mansɛtɛ la.

2 Samuwɛli 8:18

Yɛhoyadala den Bɛnaya, wo le ye Mansa Dawuda makandannɛnu kun na. Mansa-makawandilɛ le mansɛla den-keinu na.

Ɛsira 7:24

Kɔnɔ wo ka fenfen makele saraka-masɔlɛ anubɛ Lifayi anubɛ Bato-Bon-sigi-salɛnu anubɛ Bato-Bon-makandannɛnu anubɛ Bato-Bonna-wɔli-kɛlɛnu na. Hali min kian donnɛ Bato-Bon-ko-wɔlɛ rɔ, wo kana fen bɔ dutiyɛ la.

Nihɛmaya 13:10

Wo kɔma, n nara to a lɔnna fanan ko Bato-Bon-fɔli-kɛlɛnubɛ anu Lifayi donu bara Yerusalɛm boloka ka ta sɛni sa tinɛ. Anu ya wo ma bawo mɔgɛnu sa anu niyi dila anu ma.

Matiyu 10:10

Bɔrɔ wo, duruku fila nyɔgɔ wo, sanbara wo, hali sewuri, wo kana ta wo fenfen na wo bolo tagama wo rɔ. Wo makoe taranta fan minnu na, wo ye tala minnu bara, wonu si wo di wo ma.

1 Kɔrɛnti 9:13

Wo ya a lɔn serr, ko minnu bi wɔlila Alla-Bato-Bɔn la, wonu si anu niyi sɔrɔn Alla-Bato-Bɔn wo le la, ado minnu bi sarakɛnu bɔla saraka mintan tinɛ kuma, wonu si anutɛ sɔrɔn sarakɛ wonu denu tɔ.

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Tɔn-Fɔɛ-Fila-Nyɔgɛ 12:19

Fananta wo ye nyamanɛ wo rɔ, wo ni a ma wo fɛrɛma de, wo kana nyina Lifayi mɔgɛnu ko dɛɛ!

2 Tɛsalonaika 3:10

Ma ye wo fɛ tumɛ min, ma ko, “Ni min ma wɔlɛ kɛ, wo kana fen dɔn,” ado ma ya tɔn wo lagbɛlɛya wo ye.

1 Timoti 5:17

Chɔchi-mɔgɔ-ba minnu bi kun-tigiya-wɔlɛ kɛla a kilɛ fɛ, a bɛnnɛ, wonu ni gbiliyɛ anubɛ sara-kɛndɛ sɔrɔn, katarala minnu bi wɔlila bɛrɛkɛ kawandili bɔ tinɛ anubɛ mɔgɔ karan-tinɛ,